કૅરિયર - કીર્તિશેખર

મીડિયા 

આ ક્ષેત્રમાં સંપૂર્ણ પસંદગી બનવા માટે એઆઇ એડિટિંગ ટૂલ અને ફેક્ટ ચેકિંગ કુશળતા મેળવો. આ કુશળતા તમને ખરેખર નોકરી શોધનારાઓની ભીડથી અલગ પાડશે અને તમને નોકરીદાતાઓ માટે ટોચની પસંદગી બનાવશે.

ડિજિટલ પોર્ટફોલિયો

હકીકતમાં, કોર્પોરેટ જગતમાં, ગુગલ યોરસેલ્ફ, એચઆરની દુનિયા એ નવો ટ્રેન્ડ છે. ભરતી કરનારાઓ પહેલા તમારા ઓનલાઈન ફૂટપ્રિન્ટને જુએ છે, તેથી એક ડિજિટલ પોર્ટફોલિયો બનાવો. તમારા બધા કાર્ય, લેખન, પ્રોજેક્ટ્સ, વિડીઓઝ, સંશોધન વગેરે ડોક્યુમેન્ટ્સને એક જ જગ્યાએ રાખો અને તેમને નોકરીદાતાઓ માટે ઉપલબ્ધ કરાવો. આઇટી પ્રોફેશનલ માટે ગિટ હબ અને ક્રિએટિવ દુનિયા માટે બી-હેન્સ / ડ્રિવલ અને યુટ્યૂબ અને લિંકડીન પોસ્ટ્સમાં સક્રિય બનો, જેનાથી નોકરી મેળવવામાં સરળતા રહેશે. ઉપર જે ડિજિટલ પોર્ટફોલિયોનો ઉલ્લેખ કરવામાં આવ્યો છે, તે સામાન્ય લોકોની સરખામણીએ આ પોર્ટફોલિયો ધરાવનારાઓને ત્રણ ગણી વધુ નોકરીની તકો પૂરી પાડે છે.

લિંકડીનનો મહત્તમ લાભ લો

આજકાલ નોકરી શોધવા માટે લિંકડીન સૌથી સ્માર્ટ પ્લેટફોર્મ છે. તે ફક્ત એક પ્રોફાઇલ નથી, તે એક ઇન્ટરવ્યૂ જેવું છે, જ્યાં તમારી પ્રવૃત્તિઓ જ તમારા માટે ‘વોક-ઈન ઇન્ટરવ્યુ’ જેવી હોય છે. લિંકડીન પ્લેટફોર્મનો મહત્તમ ઉપયોગ કરવા માટે આ ટિપ્સ અનુસરો.

 * દર 10 દિવસે તમારી પ્રોફાઇલ અપડેટ કરો. દરરોજ 10 થી 15 મિનિટ નેટવર્કિંગ કરો. અઠવાડિયામાં ઓછામાં ઓછી બે પોસ્ટ તમારા ક્ષેત્રને લગતી હોય પોસ્ટ કરો, પછી ભલે તે તે ક્ષેત્રની માહિતી સંબંધિત હોય, વિચારો સંબંધિત હોય કે કામ કરવાની શૈલી સંબંધિત હોય.

* તમારા ક્ષેત્રમાં ઓછામાં ઓછા 50 પ્રોફેશનલને કોન્ટક્ટ કરો. સાંભળવામાં આ ખૂબ જ મહેનતનું કામ લાગશે, પરંતુ તમે જે ક્ષેત્રમાં કરિયર બનાવવા જઈ રહ્યા છો, તે ક્ષેત્રના ઓછામાં ઓછા 50 મહત્ત્વના લોકોને તો તમારે જાણવા જ જોઈએ અને જો તમે કોઈપણ રીતે તેમના સંપર્કમાં રહી શકો, તો તેનાથી શ્રેષ્ઠ બીજું કંઈ નથી. નોકરી મેળવવા અને તમારા ક્ષેત્રમાં સફળ થવાનો આ ખરેખર સૌથી સ્માર્ટ રસ્તો છે.

* જો તમારા ક્ષેત્રમાં કોઈ મહત્ત્વપૂર્ણ વ્યક્તિ કંઈક સિદ્ધિ હાંસલ કરે છે, તો તેમને અભિનંદન મેસેજ મોકલો. અને હા, મહત્ત્વપૂર્ણ પ્રસંગોએ એચઆર અને રિક્રૂટર્સને મહત્વપૂર્ણ પ્રસંગે નાના અને આકર્ષક મેસેજ મોકલવાનું ભૂલશો નહીં. લિંકડીનનું અલ્ગોરિધમ તમને એવા લોકો સાથે સંપર્ક કરાવે છે જે તમારી તકો વધારી શકે છે.

સૌથી મોટી તાકાત છે નેટવર્કિંગ 

એમાં કોઈ બે મત નથી કે આજે પણ 40 થી 60 ટકા નોકરીઓ અનૌપચારિક નેટવર્કિંગ દ્વારા મળે છે, પરંતુ પ્રશ્ન એ છે કે તે નેટવર્કિંગ કેવી રીતે કરવું. ધ્યાનમાં રાખો-

- જૂના સાથીદારો, કોલેજના વરિષ્ઠ વિદ્યાર્થીઓ અને માર્ગદર્શકોના સંપર્કમાં રહો.

- ઇન્ડસ્ટ્રી ઇવેન્ટ્સ કે વેબિનારમાં ભાગ લો.

- 10-15 મિનિટની ઔપચારિક વાતચીત, ’કોફી ચેટ્સ’ જરૂરી છે.

- દર ત્રણ મહિને ત્રણ નવા ઇન્ડસ્ટ્રી કનેક્શન ઉમેરો, અને હા, સફળતાની કહાણી, અનુભવો, સમસ્યાઓ વગેરે શેર કરતા રહો. આ પ્રક્રિયા તમને રિઝ્યુમની કતારમાંથી બહાર કાઢીને તકોના હાઇવે પર લઈ જશે.

એઆઇની મદદવાળી જોબ સર્ચ

ચોક્કસપણે, એઆઇને કારણે માત્ર અમુક લોકોની નોકરીઓ પર સંકટ નથી આવ્યું, પરંતુ તેની મદદથી નોકરી શોધવાનું પણ સરળ બન્યું છે, શરત માત્ર એટલી છે કે તમે તેનો સાચો ઉપયોગ કરો.

શું તમે આ પ્રક્રિયાને ઓટોમેટ કરી શકો છો? દાખલા તરીકે, જોબ રોલ મુજબ કવર લેટર, જોબ એલર્ટ, ઇન્ટરવ્યૂ પ્રેક્ટિસ અને રિક્રૂટર્સ સાથે સંવાદ - આ એવી રીતો છે જેનાથી તમે પરંપરાગત પદ્ધતિથી નોકરી શોધવાની સરખામણીમાં ચાર ગણી ઝડપથી નોકરી શોધી શકશો.