મુંબઈ: વરિષ્ઠ આઈએએસ અધિકારી અને ભૂતપૂર્વ બીએમસી કમિશનર આઈ.એસ. ચહલને મહારાષ્ટ્ર સરકારના મુંબઈ પોલીસ હાઉસિંગ ટાઉનશીપ પ્રોજેક્ટના ચેરમેન તરીકે નિયુક્ત કરવામાં આવ્યા છે, જે રાજ્યમંત્રીનો દરજ્જો ધરાવતો હોદ્દો છે. બુધવારે જારી કરાયેલા સરકારી ઠરાવ (જીઆર) મુજબ, હાલમાં અધિક મુખ્ય સચિવ (ગૃહ) ચહલ આ મહિનાના અંતમાં તેમની નિવૃત્તિ પછી કાર્યભાર સંભાળશે.
મુંબઈ પોલીસ હાઉસિંગ ટાઉનશીપ પ્રોજેક્ટ સુરક્ષા કર્મચારીઓ અને તેમના પરિવારોને ગુણવત્તાયુક્ત રહેઠાણ પૂરું પાડવાની પહેલ છે, જે પોલીસ દળની રહેવાની સ્થિતિમાં સુધારો અને કલ્યાણ સુનિશ્ચિત કરે છે.
જે પ્રોજેક્ટમાં મોટા પાયે આયોજન, જમીન સંપાદન, બહુવિધ સરકારી એજન્સીઓ સાથે સંકલન, માળખાગત વિકાસ, નાણાકીય વ્યવસ્થાપન અને સમયબદ્ધ અમલીકરણ માટે ઉચ્ચ સ્તરીય વહીવટી અનુભવ અને કુશળતાની જરૂર હોય. સરકાર ઉપરોક્ત કામના સફળ અને સમયસર અમલીકરણ માટે વ્યૂહાત્મક નેતૃત્વ, દેખરેખ અને સંકલન માટે વહીવટી કુશળતા ધરાવતા વરિષ્ઠ નિવૃત્ત અધિકારીની નિમણૂક કરવાનું યોગ્ય અને જરૂરી માને છે, એમ જીઆર માં જણાવાયું છે.
એસીએસ ઇકબાલ સિંહ ચહલને વહીવટ, પ્રોજેક્ટ મેનેજમેન્ટ, કેન્દ્ર અને રાજ્ય એજન્સી સાથે સંકલનનો વ્યાપક અનુભવ છે અને તેમનો જાહેર સેવાનો 36 વર્ષથી વધુનો રેકોર્ડ છે, એમ જીઆરમાં નોંધવામાં આવ્યું છે. ચહલ 31 જાન્યુઆરીએ સેવામાંથી નિવૃત્ત થઈ રહ્યા છે. પહેલી ફેબ્રુઆરી, 2026થી તેમને મુંબઈ પોલીસ હાઉસિંગ ટાઉનશીપ પ્રોજેક્ટના ચેરમેન તરીકે નિયુક્ત કરવામાં આવ્યા છે, તેમાં ઉમેર્યું હતું.
જીઆર મુજબ આ નિમણૂક મહારાષ્ટ્ર સરકારમાં રાજ્યમંત્રી (એમઓએસ) સમકક્ષ હોદ્દો હશે. કોવિડ-19 રોગચાળા દરમિયાન બીએમસી કમિશનર તરીકે સેવા આપવા ઉપરાંત, ચહલે મુખ્ય પ્રધાન કાર્યાલયમાં પણ પદ સંભાળ્યું હતું.
(પીટીઆઈ)
