(અમારા પ્રતિનિધિ તરફથી)
અમદાવાદઃ બેંગલુરુ સેન્ટ્રલ રિજનલ ટ્રાન્સપોર્ટ ઓફિસમાં ફરજ બજાવતા એક વરિષ્ઠ ટ્રાન્સપોર્ટ ઓફિસરે કોઈપણ જાતના ફિઝિકલ ઈન્સ્પેક્શન વિના અમદાવાદના 41 વાહનને ફિટનેસ સર્ટિફિકેટ આપવા બદલ સસ્પેન્ડ કરવામાં આવ્યા હતા.
નિસ્સાર અહેમદ નામના આ અધિકારીએ મોટર વાહન નિયમો હેઠળ જરૂરી ફરજિયાત ફિઝિકલ ચેકિંગ કર્યા વિના ગુજરાતમાં ચાલતા વાહનો માટે કથિત રીતે ફિટનેસ સર્ટિફિકેટ આપ્યા હોવાનું બહાર આવ્યું હતું.
ગુજરાત પરિવહન વિભાગની ચેતવણી બાદ આ કાર્યવાહી શરૂ કરવામાં આવી હતી. અધિકારીઓએ જણાવ્યું હતું કે અહેમદે 9 સપ્ટેમ્બર, 2025 ના રોજ એક જ દિવસે ઓછામાં ઓછા 30 વાહનોને સર્ટિફિકેટ જારી કર્યા હતા, જ્યારે વાહનો 1500 કિમી દૂર ગુજરાતમાં હતા. જોકે તે સમયે વાહનો ગુજરાતમાં લગભગ 1,500 કિમી દૂર હતા.
ગુજરાત સત્તાવાળાઓએ કર્ણાટકના અધિકારીઓને જાણ કર્યા પછી આ અનિયમિતતા પ્રકાશમાં આવી હતી કે જે દિવસે બેંગલુરુમાં તેમના ફિટનેસ સર્ટિફિકેટ જારી કરવામાં આવ્યા હતા તે દિવસે તે જ વાહનો ગુજરાતમાં હતા. ટોલ પ્લાઝા ડેટાની ચકાસણી પછી પુષ્ટિ થઈ હતી કે વાહનોને બેંગલુરુ આરટીઓમાં ભૌતિક રીતે રજૂ કરી શકાયા ન હતા, જે ફિટનેસ સર્ટિફિકેટ માટે ફરજિયાત છે.
૨૦ જાન્યુઆરી, ૨૦૨૬ ના રોજના એક અહેવાલમાં, જોઈન્ટ ટ્રાન્સપોર્ટ કમિશનરે જણાવ્યું હતું કે વાહન ૪.૦ સિસ્ટમ દ્વારા ચકાસણીથી સાબિત થયું હતુ કે ગુજરાતના અધિકારીઓ જે વાહનોની વાત કરે છે તેને ફોર્મ ૩૮(એ) હેઠળ ફિટનેસ સર્ટિફિકેટ મળ્યા હતા અને ચકાસણીમાં ખૂલ્યું હતું કે વાહનોને ચેક કર્યા વિના જ સર્ટિફિટેક આપવામાં આવ્યા હતા.
સત્તાવાર રેકોર્ડની સમીક્ષામાં જાણવા મળ્યું છે કે પ્રમાણપત્રો ફરજિયાત ભૌતિક નિરીક્ષણ કર્યા વિના જારી કરવામાં આવ્યા હતા, જે મોટર વાહન અધિનિયમ અને સંબંધિત નિયમોનું ઉલ્લંઘન છે.
આરોપોની ગંભીરતા અને તપાસમાં દખલ થવાની શક્યતાને ધ્યાનમાં રાખીને, પરિવહન કમિશનરે વિભાગીય તપાસ પૂર્ણ થાય ત્યાં સુધી અધિકારીને સસ્પેન્ડ કરવાનો આદેશ આપ્યો હતો.
