MMRDA દ્વારા ફેબ્રુઆરી 2027 સુધીમાં પ્રોજેક્ટ પૂર્ણ કરવાની તૈયારી; દક્ષિણ મુંબઈથી પુણેની મુસાફરી થશે સરળ
નવી મુંબઈ: પુણે-મુંબઈ એક્સપ્રેસ વે અને અટલ સેતુ વચ્ચે એક કનેક્ટર બનાવવામાં આવી રહ્યું છે. મુંબઈ મેટ્રોપોલિટન રિજન ડેવલપમેન્ટ ઓથોરિટી (એમએમઆરડીએ) આ પ્રોજેક્ટ પર કામ કરી રહી છે. એમએમઆરડીએ ફેબ્રુઆરી 2027 સુધીમાં આ કનેક્ટરનું કામ પૂર્ણ કરવાની યોજના બનાવી રહ્યું છે. આનાથી દક્ષિણ મુંબઈથી પુણે-મુંબઈ એક્સપ્રેસ વે સુધી પહોંચવું ખૂબ જ સરળ બનશે.
મહત્વપૂર્ણ તબક્કાઓ પર કામ ઝડપથી ચાલી રહ્યું છે. એકવાર આ બધા કામો પૂર્ણ થઈ ગયા પછી, અટલ સેતુથી મુંબઈ-પુણે એક્સપ્રેસ પહોંચવું સરળ બનશે.
કેવું હશે કનેક્ટર?
આ 7.35 કિમી લાંબો કનેક્ટર છ લેનનો હશે. નવી મુંબઈના પલસ્પથી શરૂ થતો આ કનેક્ટર પુણે-મુંબઈ એક્સપ્રેસવેને ચિરલે સાથે જોડશે. તાજેતરમાં ખુલેલું નવી મુંબઈ એરપોર્ટ ચિરલે નજીક આવેલું છે. તેથી, આ કનેક્ટર એરપોર્ટ પર જતા મુસાફરોને પણ ફાયદો કરાવશે. એટલું જ નહીં, આ કનેક્ટર ચિરલે અને પલસ્પે ખાતેના બે એલિવેટેડ રોડને જોડશે. આનાથી જેએનપીટી હાઇવે સાથે જોડાશે.
"આ કનેક્ટર મુંબઈગરાને કોઈપણ સિગ્નલ વિના મુંબઈ-પુણે એક્સપ્રેસવે સુધી પહોંચવામાં મદદ કરશે. આનાથી મુંબઈ અને પુણે વચ્ચે મુસાફરી કરનારાઓને નોંધપાત્ર ફાયદો થશે," એમ એમએમઆરડીએ મેટ્રોપોલિટન કમિશનર સંજય મુખર્જીએ જણાવ્યું હતું.
બાંધકામ બે તબક્કામાં કરવામાં આવશે. પ્રથમ તબક્કામાં, ચિરલે ખાતે 4.6 કિમી લાંબો એલિવેટેડ રોડ બનાવવામાં આવશે. આગામી તબક્કામાં, પલસ્પેથી એક્સપ્રેસવે સુધી 2.75 કિમી લાંબો રોડ બનાવવામાં આવશે. હાલમાં, ટ્રાફિક જામને કારણે મુંબઈથી પુણે પહોંચતા 2 થી 2.5 કલાકનો સમય લાગે છે. આ કનેક્ટરન કારણે, આ મુસાફરી ફક્ત 90 મિનિટમાં પૂર્ણ થવાની શક્યતા છે. આનાથી મુંબઈથી પુણે દરરોજ મુસાફરી કરતા લોકોને મોટો ફાયદો થશે.
