દર્શન ભાવસાર
લગ્નમાં શું વાગે?
* રિસાયેલાં સગાનાં મ્હેણાંટોણાં.
એ મારું કહ્યું માનતી નથી.
* પહેલાં સ્પષ્ટ કરો કે ‘એ‘ એટલે તમારી કે પડોશીની પત્ની?
આપણને ધંધે કોણ લગાડે?
* કામધંધા ના હોય એ...
રાજા કરે તે રાજરમત તો રાણી કરે એ?
* રમણભમણ...
મોટા સાળી એટલે પાટલા સાસુ તો મોટા સાળા એટલે?
* પાટલી વીર...
મામા મામેરું કરે તો કાકા શું કરે?
* કકળાટ...
ગૃહયુદ્ધ કેટલો સમય ચાલે?
* ગિફ્ટ આપીને રિસાયેલી પત્નીને મનાવી ન લો ત્યાં સુધી...
વહુ ઘરમાં કંકુપગલે આવે તો વર?
* (લગ્ન પછી) બિલ્લી પગલે...
પત્નીની ફ્રેન્ડ બહુ ગમે છે...
* આગામી ગૃહ જંગની તૈયારી રાખો...
પ્રિય સાસુ વિશે મારે મન કી બાત કહેવી છે.
* તમારા સસરાની સંમતિ લીધી?
હરિનો મારગ શૂરાનો છે. તો બીજો મારગ કોનો?
* બધી વાતે પૂરા હોય એનો...
રાવણ હયાત હોત તો કેટલા મત આપે?
* માંડ એકાદ...બાકીના નવના વોટિંગ ક્યારના થઈ ગયા હોય...!
જાનવર પ્રેમલગ્ન કરતાં હશે?
* ના, પશુ પ્રજા ‘લીવ ઈન’માં જ માને છે!
