મુંબઈ: મરાઠી સિનેમાના જાણીતા અભિનેત્રી અને લાવણી નૃત્યાંગના મધુ કાંબીકરનું 73 વર્ષની વયે નિધન થયું છે. 12 ઑક્ટોબર, 2026ના રોજ પુણેમાં તેમણે અંતિમ શ્વાસ લીધા. તેઓ લાંબા સમયથી સ્વાસ્થ્ય સંબંધિત ગંભીર સમસ્યાઓનો સામનો કરી રહ્યાં હતાં. તેમના નિધનના સમાચારથી મરાઠી મનોરંજન જગતમાં શોકની લાગણી ફેલાઈ છે.
મધુ કાંબીકર મરાઠી ફિલ્મો ઉપરાંત હિન્દી સિનેમામાં પણ પોતાના અભિનય માટે જાણીતા હતાં. અનેક ફિલ્મોમાં તેમણે માતા અને સાસુની ભૂમિકાઓ ભજવી હતી. ખાસ કરીને નાના પાટેકરની માતાની ભૂમિકામાં તેમને દર્શકોએ ખૂબ પસંદ કર્યાં હતાં. વાસ્તવિક જીવનમાં મધુ કાંબીકર નાના પાટેકર કરતાં બે વર્ષ નાનાં હતાં, પરંતુ પડદા પર તેમણે તેમની માતાની ભૂમિકાને યાદગાર બનાવી હતી. બંનેએ ‘હમ દોનોં’ અને ‘યશવંત’ જેવી ફિલ્મોમાં સાથે કામ કર્યું હતું.
मराठी लोककला, तमाशा आणि लावणीच्या अदाकारीला आपल्या घुंगरांच्या निनादात एका वेगळ्या पातळीवर नेणाऱ्या ज्येष्ठ लावणी नृत्यांगना आणि ज्येष्ठ अभिनेत्री मधू कांबीकर यांच्या निधनाची बातमी अतिशय दुर्दैवी आणि मनाला वेदना देणारी आहे. त्यांच्या निधनाने मराठी सांस्कृतिक विश्वाचा एक अत्यंत तेजाळलेला तारा निखळला असून लोककलेचे एक बुलंद पर्व संपले आहे. मधू कांबीकर यांनी आपल्या अफाट जिद्दीने आणि कलागुणांनी रसिकांच्या मनात आपले अढळ स्थान निर्माण केले होते. ‘शापित’, ‘एक होता विदूषक’, ‘झपाटलेला’ यांसारख्या अजरामर चित्रपटांमधल्या त्यांच्या भूमिका आणि त्यांनी सादर केलेली अस्सल लावणी मराठी चित्रपटसृष्टीच्या इतिहासात कायम सोन्याच्या अक्षरांनी लिहिली जाईल. ग्रामीण संस्कृतीचा अस्सल बाज आणि लावणीचा रूबाब त्यांनी आपल्या सादरीकरणातून सर्वसामान्य रसिकांपर्यंत पोहोचवला. अनेक वर्षे प्रकृती अस्वास्थ्याशी झुंजत असतानाही त्यांची कलेवरील निष्ठा आणि जिद्द कमी होऊ दिली नाही. त्यांच्या निधनाने मराठी कलाविश्वाची आणि लोकपरंपरेची कधीही भरून न निघणारी हानी झाली आहे. मी आमच्या सर्वांच्या वतीने दिवंगत मधू कांबीकर यांना कोटी कोटी प्रणाम आणि विनम्र अभिवादन करतो. ईश्वर त्यांच्या आत्म्यास शांती देवो तसेच या कठीण प्रसंगी त्यांच्या कुटुंबियांना, जवळच्यांना आणि चाहत्यांना हे दुःख सहन करण्याची शक्ती देवो अशी प्रार्थना करतो. माझ्या आणि तमाम शिवसैनिकांच्या वतीने मधु कांबीकर यांना भावपूर्ण श्रद्धांजली अर्पण करतो. भावपूर्ण श्रद्धांजली.
— Eknath Shinde - एकनाथ शिंदे (@mieknathshinde) October 12, 2026
અભિનય ઉપરાંત મધુ કાંબીકર પરંપરાગત મહારાષ્ટ્રીયન લોકનૃત્ય લાવણી માટે પણ જાણીતા હતાં. મરાઠી ફિલ્મો, રંગભૂમિ, ટેલિવિઝન અને લોકકલાના ક્ષેત્રમાં તેમણે ચાર દાયકાથી વધુ સમય સુધી યોગદાન આપ્યું હતું. ‘શોલા ઔર શબનમ’માં તેમણે ગોવિંદા અને દિવ્યા ભારતી સાથે પણ કામ કર્યું હતું. મરાઠી સિનેમામાં માતા અને સાસુની ભૂમિકાઓ ઉપરાંત તેમની નૃત્યકળાએ પણ તેમને વિશેષ ઓળખ અપાવી હતી.
મધુ કાંબીકરના જીવનમાં 27 નવેમ્બર, 2016નો દિવસ મુશ્કેલ સાબિત થયો હતો. મુંબઈના માટુંગા સ્થિત યશવંત નાટ્ય મંદિર ખાતે ‘લાવણ્યા મ્યુઝિક’ કાર્યક્રમમાં તેઓ લગભગ 12 વર્ષના વિરામ બાદ ફરી મંચ પર નૃત્ય કરવા પહોંચ્યાં હતાં. અહેવાલો અનુસાર, કાર્યક્રમ દરમિયાન તેમની તબિયત બગડી હતી.
અસ્વસ્થતા છતાં તેમણે પોતાનું પ્રદર્શન ચાલુ રાખ્યું, પરંતુ થોડા સમય બાદ તેમને લકવાનો હુમલો આવ્યો. તેમના જમણા હાથમાં સંવેદના ઓછી થઈ જતાં તેમને સારવાર માટે હોસ્પિટલ લઈ જવામાં આવ્યાં હતાં. ત્યાર બાદ તેઓ અભિનય અને જાહેર કાર્યક્રમોથી દૂર થઈ ગયાં હતાં.
મધુ કાંબીકરના નિધનથી મરાઠી સિનેમા અને પરંપરાગત લાવણી કલાના ક્ષેત્રે એક જાણીતા કલાકાર ગુમાવ્યાં છે. પડદા પર માતાની ભૂમિકાઓ અને મંચ પર લાવણી નૃત્ય દ્વારા તેમણે પોતાની આગવી ઓળખ ઊભી કરી હતી. તેમની લાંબી કલાયાત્રા અને અભિનયને કારણે તેઓ દર્શકોની યાદોમાં જીવંત રહેશે.
