હિમાચલ પ્રદેશમાં હવામાન વિભાગ દ્વારા જાહેર કરેલા રેડ એલર્ટ વચ્ચે ચાર જિલ્લાઓ કાંગડા, મંડી, ચંબા અને કુલ્લુમાં ભારે વરસાદ પડ્યો હતો. જ્યારે બે સ્થળોએ વાદળ ફાટવાની ઘટના પણ ઘટી હતી. જેના લીધે 18 ઘર કાટમાળમાં દબાયા છે. તેમજ ત્રણ મહિલા ઘાયલ થઇ છે અને નવ પશુના મૃત્યુ થયા હતા.

મિડલ ઈસ્ટના અમેરિકા અને ઈરાન વચ્ચે યુદ્ધ સતત ચાલી રહ્યું છે. તેમજ બંને દેશો હવે આક્રમક હુમલાઓ પણ કરી રહ્યા છે. જેમાં મળતી માહિતી મુજબ બે અઠવાડિયામાં અંદાજે 100 જેટલા અમેરિકન સૈનિકો ઘાયલ થયા છે.

વડા પ્રધાનના નિવાસસ્થાન નજીક ધરણા કરી રહેલા વિપક્ષના નેતા રાહુલ ગાંધી, પ્રિયંકા ગાંધીની દિલ્હી પોલીસે કસ્ટડીમાં લીધા છે. રાહુલ ગાંધી પહેલા સમાજવાદી પાર્ટીના પ્રમુખ અખિલેશ યાદવને પણ કસ્ટડીમાં લીધા હતા.

નવી દિલ્હી:  કોંગ્રેસના નેતા રાહુલ  અને પ્રિયંકા ગાંધીએ પીએમ આવાસ સામે ધરણાં પ્રદર્શન શરૂ કર્યું છે.  આ વિરોધ પ્રદર્શન વચ્ચે કેન્દ્રીય મંત્રી જીતેન્દ્ર સિંહ વિરોધ સ્થળ પર પહોંચ્યા અને રાહુલ ગાંધી સાથે વાત કરી હતી. જેમાં કોંગ્રેસ પાર્ટીએ પાંચ માંગણીઓ રજૂ કરી છે.

ગુજરાતમાં હવામાન વિભાગે  બુધવારે નવસારી, વલસાડ, દમણ અને દાદરા નગર હવેલીમાં કેટલાક સ્થળોએ ભારેથી અતિભારે વરસાદની આગાહી કરી છે.

નીટ પેપર લીક અને શિક્ષણ પ્રધાન ધર્મેન્દ્ર પ્રધાનના રાજીનામાંની માંગ સાથે કોકરોચ જનતા પાર્ટીએ સોમવારે સંસદ માર્ચ કરી હતી. જેમાં આંદોલન કરી રહેલા વિદ્યાર્થીઓ પર પોલીસ દ્વારા લાઠીચાર્જ કરવામાં આવ્યો હતો. ત્યારે હવે  વિદ્યાર્થીના સમર્થનમાં કોંગ્રેસ આવી છે. જેમાં  કોંગ્રેસના નેતા રાહુલ  અને પ્રિયંકા ગાંધી પીએમ મોદીના રાજીનામાંની માંગ સાથે પીએમ આવાસ સામે ધરણાં પ્રદર્શન શરૂ કર્યું છે.

મધ્ય પ્રદેશ વિધાનસભામાં યુસીસી બિલ વિપક્ષના ભારે હંગામા વચ્ચે પસાર થયું છે. આ દરમિયાન વિપક્ષ પર પ્રહાર  કરતાં સીએમ મોહન યાદવે જણાવ્યું હતું કે તેમના દેખાડવાના અને ચાવવાના દાંત અલગ છે જનતા તેમને ક્યારેય માફ નહિ કરે.

યુક્રેનના ઓડેસા પોર્ટ  રવાના થયેલા એક કોમર્શિયલ જહાજ પર થયેલા હુમલા બાદ આજે વિદેશ મંત્રાલયે રશિયાના પ્રભારી રાજદૂતને બોલાવ્યા છે. આ હુમલામાં ચાર ભારતીય નાગરિકોના મોત થયા હતા જ્યારે એકની હાલત ગંભીર છે.

સ્ટેટ ઈમરજન્સી ઓપરેશન સેન્ટર, ગાંધીનગર દ્વારા જાહેર કરવામાં આવેલા આંકડા મુજબ, બપોરે 12 થી 2 કલાક દરમિયાન રાજ્યના 64 તાલુકામાં વરસાદ પડ્યો હતો. નવસારીના વાંસદામાં બે કલાકમાં 2.32 ઇંચ વરસાદ પડ્યો હતો. ત્રણ તાલુકામાં એક ઇંચથી વધારે વરસાદ નોંધાયો હતો.

રાજ્યમાં હાલ ચાંદીપુરા વાયરસ બાળકોને ભરડો લઈ રહ્યો છે.  રાજકોટની એક હૉસ્પિટલમાં ચાંદીપુરા વાયરસનાં 3 શંકાસ્પદ કેસ સામે આવ્યા છે. ત્રણેય બાળકોનાં સેમ્પલ ગાંધીનગર મોકલાયા છે.

અમદાવાદમાં ધીમે ધારે વરસાદની શરૂઆત થઈ છે. શહેરના પંચવટી, સી જી રોડ, આશ્રમ રોડ, લૉ ગાર્ડન, ઈન્ડિયા કોલોની, ગુલબાઈ ટેકરા, નવરંગપુરા, પાલડી સહિતના વિસ્તારમાં વરસાદની શરૂઆત થઈ છે. શહેરમાં સવારથી જ વાદળછાયું વાતાવરણ હતું અને ક્યારેક ક્યારેક ઝરમર ઝાપટું પડતું હતું.

ગુજરાત સરકારના સામાન્ય વહીવટ વિભાગ દ્વારા રાજ્ય વહીવટી તંત્રમાં મોટો ફેરબદલ કરતા 28 IAS અધિકારીઓની બદલી અને નવી નિમણૂંકના આદેશો જારી કરવામાં આવ્યા છે.  આ અંગેનું અધિકૃત નોટિફિકેશન બહાર પાડવામાં આવ્યું છે.

અમદાવાદના ઘુમા બાદ હવે ઝુંડાલ-ચાંદખેડામાં દીપડો જોવા મળતા સ્થાનિકોમાં ફફડાટ ફેલાયો હતો. વન વિભાગ દ્વારા દીપડાને પકડવા કવાયત શરૂ કરવામાં આવી છે.  કેફેના માલિકે દીપડાને જોયો હોવાનો દાવો કર્યો છે. તેણે ફોટા પાડીને વન વિભાગને મોકલ્યા છે.

કોકરોચ જનતા પાર્ટીના સંસદ માર્ચ પછી પ્રધાનમંત્રી નરેન્દ્ર મોદીનું નીટ પેપર લીક પર પહેલીવાર નિવેદન સામે આવ્યું છે. PM મોદીએ NDA સંસદીય દળની બેઠકમાં કહ્યું કે યુવાનોના ભવિષ્ય સાથે રમત નહીં થવા દઈએ. પેપર લીકના દોષીઓને કડકમાં કડક સજા અપાવાશે. PM મોદીએ કહ્યું, "પેપર લીક એ રાજકારણનો વિષય નથી. તેમના (વિદ્યાર્થીઓના) ભવિષ્યને નુકસાન ન થાય, એટલા માટે ફરીથી પરીક્ષા (રી-એક્ઝામ) લેવામાં આવી અને તેને સફળતાપૂર્વક પૂરી કરવામાં આવી." તેમણે ઉમેર્યું કે પેપર લીકના મામલે સરકાર તરફથી તાત્કાલિક કાર્યવાહી કરવામાં આવી હતી અને સરકાર વિદ્યાર્થીઓને લઈને સંવેદનશીલ છે.

સ્ટેટ ઈમરજન્સી ઓપરેશન સેન્ટર, ગાંધીનગર મુજબ ગુજરાતમાં સવારે 8 થી 10માં 66 તાલુકામાં મેઘમહેર થઈ હતી. નવસારીના ગણદેવીમાં સૌથી વધુ 1.61 ઇંચ વરસાદ પડ્યો હતો. નવસારીમાં 1.02 ઇંચ, જલાલપોરમાં 0.98 ઇંચ, મહુવા(સુરત)માં 0.91 ઇંચ વરસાદ નોંધાયો હતો.

રાજ્યમાં ચોમાસાના બીજા રાઉન્ડે જમાવટ કરી છે. છેલ્લા 24 કલાકમાં રાજ્યના 165 તાલુકામાં વરસાદ નોંધાયો હતો. વલસાડના પારડીમાં સૌથી વધુ 8.19 ઇંચ વરસાદ ખાબક્યો હતો. વાપીમાં 7.90 ઇંચ વરસાદ વરસ્યો હતો.