યુપીઆઈ પેમેન્ટ પર એમડીઆર ચાર્જ લાગુ કરવાનો નિર્ણય સરકારે દિવાળી સુધી સ્થગિત કર્યો છે હવે એની આગામી તારીખ અલગથી જાહેર કરવામાં આવશે. નવા માળખામાં શેરબજાર, મ્યુચ્યુઅલ ફંડ અને રોકાણ સંબંધિત અમુક યુપીઆઈ લેણદેણમાં 0.02 ટકા એમડીઆર લાગુ થઈ શકે.

રાજકોટ-પડધરી નેશનલ હાઇવે ઉપર માધવ હોટલ પાસે રૂરલ એસઓજીનો દરોડ પાડીને 1.01 કરોડની કિંમતની વ્હેલ માછલીની ઉલ્ટી (એમ્બરગ્રીસ)ના જથ્થા સાથે છ શખ્સો ઝડપી પાડ્યા હતા. પોલીસે કુલ 1.10 કરોડનો મુદ્દામાલ કબ્જે કર્યો હતો.

ગાંધીનગર મહાનગરપાલિકાના આજે ચૂંટણી પરિણામ જાહેર થયા હતા. 11 વોર્ડની 44 બેઠકમાંથી ભાજપે 38 બેઠક જીતી હતી. કૉંગ્રેસને 5 બેઠક મળી હતી.

પંજાબના માનસામાં એન્ટી ડ્રગ ટાસ્ક ફોર્સના સંચાલક પરવિંદર સિંહ ઝોટાની ગોળી મારીને હત્યા કરવામાં આવી હતી. એક મેડિકલ સ્ટોરના માલિકે તેમના પર ગોળીઓ ચલાવી હતી. તેના એક સાથીની હાલત ગંભીર છે.

ગાંધીનગર મહાનગરપાલિકાના 11 વોર્ડની 44 બેઠકોના આજે પરિણામ જાહેર થઈ રહ્યા છે. વોર્ડ નંબર 3,5,7 અને 9 માં ભાજપની જીત થઈ છે.

ગાંધીનગર મહાનગરપાલિકાના 11 વોર્ડની 44 બેઠકો માટે આજે સવારે 9 વાગ્યાથી સેક્ટર-15ની કોલેજ બિલ્ડિંગના પાંચ રૂમોમાં મતગણતરી શરૂ થઈ ગઈ છે. સૌથી પહેલા પોસ્ટલ બેલેટની ગણતરી કરવામાં આવી રહી થે. આ વખતની ચૂંટણીમાં સરેરાશ 59.25% મતદાન નોંધાયું હતું.

ગાંધીનગર મહાનગરપાલિકાની ચૂંટણી 2026નું આજે પરિણામ જાહેર થશે. ગત 11 ઓક્ટોબરના રોજ મતદાન પ્રક્રિયા હાથ ધરવામાં આવી હતી. જેમાં સરેરાશ 59 ટકા મતદાન થયું હતું. આજે સવારે 9 વાગ્યાથી સેક્ટર 15 ખાતે આવેલી કોમર્સ કોલેજ ખાતે મતગણતરી હાથ ધરવામાં આવશે.

પનામામાં મંગળવારે વહેલી સવારે 6.1 ની તીવ્રતાનો ભૂકંપ આવ્યો હતો, જેની ઊંડાઈ 10 કિલોમીટર હતી. આ પહેલાં શુક્રવારે રાત્રે 7.7 ની તીવ્રતાના ભૂકંપ બાદ 147 આંચકા અનુભવાયા હતા. અગાઉના ભૂકંપથી ઘરો, શાળાઓ, રસ્તાઓ અને સરકારી ઈમારતોને નુકસાન પહોંચ્યું હતું. પનામા સરકારે રાહત કામગીરી માટે કટોકટી જાહેર કરી છે, જ્યારે ભારતે મદદનો હાથ લંબાવ્યો છે.