નવી દિલ્હીઃ નેધરલેન્ડ્સના હેગ (The Hague) શહેરને દુનિયા 'સિટી ઓફ પીસ' (શાંતિનું શહેર) તરીકે ઓળખે છે. પીએમ મોદીએ અહીં ભારતીય સમુદાયને સંબોધિત કરતા કહ્યું કે તેઓ થોડીવાર માટે તો એ ભૂલી જ ગયા કે તેઓ નેધરલેન્ડ્સમાં છે. પીએમ મોદીએ જણાવ્યું કે આજનું ભારત મોટા સપના જોઈ રહ્યું છે. ભારતે ચંદ્ર પર પણ ત્યાં પહોંચીને ઈતિહાસ રચ્યો, જ્યાં દુનિયાનો કોઈ પણ દેશ પહેલાં પહોંચી શક્યો નથી.

વડાપ્રધાને ઉમેર્યું કે આ દાયકો દુનિયા માટે આપત્તિઓનો દાયકો બન્યો છે. જો પરિસ્થિતિ નહીં સુધરે, તો આ આગામી દાયકાઓ સુધી ભારે પડશે.

પીએમ મોદીએ કહ્યું કે જ્યારે પણ તેમની નેધરલેન્ડ્સના નેતૃત્વ (સરકાર) સાથે વાતચીત થઈ છે, તેમણે હંમેશા ભારતીય સમુદાયની પ્રશંસા કરી છે. તેમણે ઉમેર્યું કે દરેક ભારતીયને નેધરલેન્ડ્સના સમાજ અને અર્થતંત્રમાં આપેલા પોતાના યોગદાન પર ગર્વ છે.

પીએમ મોદીએ જણાવ્યું કે સમયની સાથે ઘણી બધી વસ્તુઓ બદલાઈ ગઈ, પરંતુ ભારતની સંસ્કૃતિ આજે પણ લોકોના દિલમાં વસેલી છે. સમય બદલાયો, પરંતુ સંસ્કાર નથી બદલાયા.

વડાપ્રધાન મોદીએ 16 મેના દિવસને ખૂબ જ ખાસ ગણાવ્યો. તેમણે કહ્યું કે આજથી 12 વર્ષ પહેલાં 2014માં આજના જ દિવસે લોકસભા ચૂંટણીના પરિણામો આવ્યા હતા. પીએમ મોદીએ નેધરલેન્ડ્સની જનતાને ભારતના 140 કરોડ લોકો વતી શુભેચ્છાઓ પણ પાઠવી હતી. અત્રે ઉલ્લેખનીય છે કે પીએમ મોદી હાલમાં 5 દેશોના પ્રવાસે છે.

PM મોદીએ નેધરલેન્ડ્સમાં જણાવી ભારતની ખાસિયત

ભારતમાં 20 મિલિયન (2 કરોડ)થી વધુ યુપીઆઈ (UPI) ટ્રાન્ઝેક્શન
આજે ભારતમાં 2 લાખથી વધુ સ્ટાર્ટઅપ
આજનો યુવાન ડ્રોન બનાવવા માંગે છે

પીએમ મોદીએ કહ્યું કે ગ્રીન હાઇડ્રોજનને લઈને ભારત અને નેધરલેન્ડ્સ વચ્ચેનો સમન્વય ખૂબ જ મહત્વપૂર્ણ છે.
પીએમ મોદીએ જણાવ્યું કે જે રીતે નેધરલેન્ડ્સ ટ્યૂલિપ (Tulip) માટે પ્રખ્યાત છે, તેવી જ રીતે ભારત કમળ માટે જાણીતું છે.
વડાપ્રધાને ભારતમાં યોજાયેલી વિધાનસભા ચૂંટણીઓનો પણ ઉલ્લેખ કર્યો અને કહ્યું કે પશ્ચિમ બંગાળમાં રેકોર્ડબ્રેક મતદાન નોંધાયું છે.