ચમોલીઃ ઉત્તરાખંડના બદ્રીનાથ ધામ મંદિરમાં પ્રસાદના ગેરઉપયોગ સાથે સંકળાયેલા કેસમાં ધરપકડ કરાયેલા આરોપી પ્રમોદ નૌટિયાલને કોર્ટમાંથી રાહત મળી નથી.ચમોલી જિલ્લા અદાલતે પોલીસની રિમાન્ડ માટેની અરજી અને આરોપીની જામીન અરજી બંનેને ફગાવી દીધી હતી. કોર્ટના આદેશ બાદ નૌટિયાલને ન્યાયિક કસ્ટડીમાં જેલમાં મોકલવામાં આવ્યો હતો.

એક વિશેષ તપાસ ટીમ (SIT) આ મામલાની તપાસ કરી રહી છે. કોર્ટની સુનાવણી દરમિયાન, SIT એ કોર્ટને આરોપીના પોલીસ રિમાન્ડ મંજૂર કરવાની વિનંતી કરી હતી. તપાસ એજન્સીએ દલીલ કરી હતી કે, કેસ સાથે જોડાયેલા નાણાકીય વ્યવહારો અંગે મહત્વપૂર્ણ તથ્યો અને વિગતો એકત્રિત કરવા માટે વધુ પૂછપરછ જરૂરી છે. 

જામીન અરજી ફગાવી દીધી

આ દરમિયાન, બચાવ પક્ષે જામીન માંગતી વખતે પોતાની દલીલો રજૂ કરી.બંને પક્ષોની દલીલો સાંભળ્યા પછી, કોર્ટે પોલીસની રિમાન્ડ અરજી અને પ્રમોદ નૌટિયાલની જામીન અરજી બંનેને ફગાવી દીધી. ત્યારબાદ આરોપીને ન્યાયિક કસ્ટડીમાં મોકલવાનો આદેશ આપી દીધો હતો. પોલીસ હવે આ આદેશ પર કાર્યવાહી કરી રહી છે.  

બદ્રીનાથ ધામમાં ભક્તોના પ્રસાદમાં ગેરરીતિના આરોપો સામે આવ્યા બાદ રાજ્ય સરકારે સ્પેશ્યલ ઈન્વેસ્ટિગેશન ટીમને (SIT) તપાસ સોંપી હતી. આ તપાસ દરમિયાન સમિતિના કર્મચારી પ્રમોદ નૌટિયાલની ભૂમિકા પ્રકાશમાં આવ્યા બાદ તેમની ધરપકડ કરવામાં આવી હતી.

આ તપાસ એજન્સી હાલમાં કેસ સંબંધિત દસ્તાવેજો, રેકોર્ડ અને અન્ય પુરાવાઓની તપાસ કરી રહી છે. SIT એ પણ તપાસ કરી રહી છે કે શું અન્ય કોઈ વ્યક્તિઓએ કથિત ગેરરીતિમાં ભૂમિકા ભજવી હતી કે નહીં. આ મામલાની સંપૂર્ણ વિગતો ઉજાગર કરવા માટે નાણાકીય રેકોર્ડ, દસ્તાવેજો અને અન્ય તકનીકી પુરાવાઓની તપાસ કરવામાં આવી રહી છે.

SIT તપાસ મુદ્દે ચોખવટ કરી શકે

કોર્ટ દ્વારા રિમાન્ડ અને જામીન અરજીઓ બંનેને ફગાવી દેવાયા બાદ, તપાસ હવે ન્યાયિક પ્રક્રિયા હેઠળ આગળ વધશે. તપાસ દરમિયાન એકત્ર થયેલા પુરાવાના આધારે SIT આગળની કાર્યવાહી કરશે. જો તપાસમાં અન્ય વ્યક્તિઓની સંડોવણી બહાર આવશે, તો તેમની સામે પણ કાનૂની કાર્યવાહી શરૂ થઈ શકે છે.

સમગ્ર મામલો સામે આવ્યા બાદ SITને સમગ્ર કેસની જવાબદારી સોંપી દેવામાં આવી હતી. હવે કોર્ટના આદેશ પ્રમાણે કાર્યવાહી થશે. ટીમ વધુ કોઈ દિશામાં તપાસ કરીને એક રિપોર્ટ તૈયાર કરી શકે છે. આ મુદ્દે વધુ વિગત સામે આવ્યા બાદ ચિત્ર સ્પષ્ટ થશે. SIT આ અંગે સ્પષ્ટતા કરી શકે છે.જેથી મામલો વધારે સ્પષ્ટ થશે.