સાઉદી અરબના ઈરાન સમર્થિત હૂતી વિદ્રોહીઓ વચ્ચે ચાલી રહેલો સંઘર્ષ હવે એક ખતરનાક વળાંકે પહોંચી ગયો છે. મંગળવારે મોડી રાત્રે સાઉદી અરબના પૂર્વી શહેર ધહરાનમાં દુનિયાની સૌથી મોટી તેલ કંપની 'સાઉદી અરામકો'ના પ્રશાસનિક પરિસરને બેલેસ્ટિક મિસાઈલથી નિશાન બનાવવામાં આવ્યું હતું. સાઉદી સરકારી સમાચાર એજન્સી એસપીએ (SPA) દ્વારા બુધવારે ઉર્જા મંત્રાલયના એક અધિકારીને ટાંકીને જણાવવામાં આવ્યું કે આ હુમલા પછી ઇમારતમાં આગ લાગી ગઈ હતી, પરંતુ કોઈ જાનહાનિ થયાના સમાચાર નથી.

એક અહેવાલ મુજબ, કંપની સાથે જોડાયેલા એક સૂત્રએ જણાવ્યું કે મિસાઈલ હુમલામાં ઓફિસ બિલ્ડિંગના ઉપરના ત્રણ માળને નુકસાન થયું છે. આ સૂત્ર અને મામલાથી પરિચિત અન્ય બે વ્યક્તિઓએ ઇમારતમાં આગ લાગવાની જાણકારી આપી હતી. જો કે, આ હુમલાની જવાબદારી અંગે ઉપલબ્ધ અહેવાલોમાં કોઈ સ્વતંત્ર પુષ્ટિ કરવામાં આવી નથી.

અરામકોનું આ પરિસર કંપનીના એક પ્રમુખ સંચાલન કેન્દ્ર તરીકે કામ કરે છે. દુનિયાની સૌથી મોટી તેલ કંપનીઓમાંની એક અરામકો  સાઉદી અરબની અર્થવ્યવસ્થાનો મહત્વનો આધારસ્તંભ છે. તેના સંચાલન નેટવર્કમાં તેલના કુવા, પાઇપલાઇન, રિફાઇનરી અને નિકાસ ટર્મિનલ સામેલ છે. 

રિયાધ સહિત અનેક વિસ્તારમાં મિસાઇલ અને ડ્રોન નષ્ટ કરવાનો દાવો

આ પહેલાં મંગળવારે સાઉદી અરેબિયાના યુવરાજ મોહમ્મદ બિન સલમાનની અધ્યક્ષતામાં મળેલી કેબિનેટ બેઠકમાં હૂતીઓને વારંવાર હુમલા કરવા બદલ ગંભીર પરિણામો ભોગવવાની ચેતવણી આપવામાં આવી હતી.

અહેવાલ મુજબ, છેલ્લા એક અઠવાડિયાથી હૂતી વિદ્રોહીઓ સાઉદી અરેબિયાના મહત્વપૂર્ણ ઠેકાણાઓ પર મિસાઈલ અને ડ્રોન હુમલા કરી રહ્યા છે. જેમાં પાટનગર રિયાધનું વિમાનમથક પણ સામેલ છે.

સાઉદી નેતૃત્વવાળા ગઠબંધને જણાવ્યું કે તહેરાનની ઉપર રોકવામાં આવેલી એક મિસાઈલના ટુકડાઓ રહેણાંક વિસ્તારમાં પડ્યા હતા. જો કે, તેનાથી થયેલા નુકસાન વિશે વિગતવાર માહિતી આપવામાં નથી આવી.