રાયપુરઃ ભારતની મહિલા ક્રિકેટમાં શુક્રવારે સ્મૃતિ મંધાના (Mandhana)ની કૅપ્ટન્સીનો ઉદય થઈ રહ્યો છે અને એ સાથે હાલમાં તો ટી-20 ટીમ નવા અવતારમાં જોવા મળશે, કારણકે અહીં ઝિમ્બાબ્વે (Zimbabwe) સામે શુક્રવારે ત્રણ મૅચની ટી-20 સિરીઝ શરૂ થઈ રહી છે અને એમાં ખેલાડીઓ પહેલી વખત સત્તાવાર રીતે સ્મૃતિના સુકાનમાં રમશે. જૉઝેફીન ઍન્કૉમો ઝિમ્બાબ્વેની કૅપ્ટન છે.

નવાઈની વાત એ છે કે મહિલા ક્રિકેટમાં ભારત અને ઝિમ્બાબ્વે પહેલી જ વખત દ્વિપક્ષી શ્રેણી રમશે. ભારતીય ટી-20 ટીમે તાજેતરમાં જ એશિયન ગેમ્સમાં વર્ચસ્વ સાબિત કર્યું હતું એટલે એશિયન ચૅમ્પિયન બન્યા પછી ઝિમ્બાબ્વે સામે જીતની પરંપરા જાળવી રાખવા સ્મૃતિ ઍન્ડ કંપનીની કસોટી થશે. ટી-20 વર્લ્ડ કપમાં ભારતની વહેલી એક્ઝિટ થઈ એ જોતાં ભારતીય ટીમે ઝિમ્બાબ્વેની ટીમ સામે સાવચેતીથી રમવું પડશે.

CAPTAIN SMRITI MANDHANA ERA IS HERE IN INDIAN CRICKET 😍🇮🇳 https://t.co/GHeIar6oek

— Johns. (@CricCrazyJohns) October 13, 2026

પહેલી વખત સ્મૃતિની કૅપ્ટન્સીમાં હરમનપ્રીત કૌર રમતી જોવા મળશે એ પણ એક નવાઈનો મુદ્દો છે. ગયા વર્ષે નવેમ્બરમાં અને આ વર્ષે હરમનપ્રીતના સુકાનમાં અને અમોલ મુઝુમદારના કોચિંગમાં ભારતે અનુક્રમે વન-ડેનો વર્લ્ડ કપ અને એશિયા કપ જીતી લીધો હતો. વાસ્તવમાં ભારતીય ટીમે બૅટિંગ, બોલિંગ અને ફીલ્ડિંગ, ત્રણેયમાં સુધારો બતાવવાની જરૂર છે.

આવતા વર્ષે ઘરઆંગણે પહેલી જ વિમેન્સ ચૅમ્પિયન્સ ટ્રોફી યોજાશે અને એમાં ચૅમ્પિયનપદ મેળવવાનો પણ ભારત માટે મોટો પડકાર બની રહેશે. એ જોતાં, સ્મૃતિ મંધાનાની નવી કૅપ્ટન્સીમાં ખેલાડીઓએ ઑલરાઉન્ડ પર્ફોર્મન્સ બતાવવો પડશે.

ભારતીય ટીમઃ સ્મૃતિ મંધાના (કૅપ્ટન), શેફાલી વર્મા (વાઇસ-કૅપ્ટન), હરમનપ્રીત કૌર, નિકી પ્રસાદ, અનુષ્કા શર્મા, રિચા ઘોષ (વિકેટકીપર), જી. કમલિની (વિકેટકીપર), દીપ્તિ શર્મા, પ્રેમા રાવત, શ્રી ચરની, નંદની શર્મા, ક્રાંતિ ગૌડ, અરુંધતી રેડ્ડી, જિન્તીમની કલિતા અને મિનુ મની.

Smriti Mandhana looks forward to her new role as captain of the Indian women's team, while stating that the added responsibility will have no effect on her batting. #INDvZIM #TeamIndia https://t.co/TCW9GgP1O0

— Circle of Cricket (@circleofcricket) October 15, 2026