કોલકાતા : પશ્ચિમ બંગાળમાં સીએમ સુવેન્દુ અધિકારી સરકાર રચના બાદ સતત એક્શન મોડમાં છે. તેમણે મમતા બેનર્જીની ટીએમસી વિરુદ્ધ મોરચો ખોલ્યો છે અને અભિષેક બેનર્જીની કંપનીઓ પર તપાસના આદેશ આપ્યા છે. તેમજ તોફાનીઓ પાસેની નુકસાન વસૂલી માટે પણ આદેશ આપ્યા છે. 

ફાલ્ટામાં પુન: મતદાન કરવામાં આવશે

આ ઉપરાંત સીએમ સુવેન્દુ અધિકારીએ ભાજપના કાર્યકરોની સભાને સંબોધતા અનેક મોટી જાહેરાતો કરી. તેમણે કહ્યું કે ફાલ્ટામાં પુન: મતદાન કરવામાં આવશે. આ  વિસ્તારના લોકોને છેલ્લા 10 વર્ષથી મતદાન કરવાથી રોકવામાં આવી રહ્યા છે. આ પગલાથી ત્યાંના મતદારોના લોકશાહી અધિકારો પુનઃસ્થાપિત થશે.

સંપત્તિઓની સંપૂર્ણ તપાસ કરવામાં આવશે

તેમણે ડાયમંડ હાર્બરમાં ટીએમસી નેતા અભિષેક બેનર્જી પર સીધો હુમલો કર્યો. તેમણે કહ્યું કે  અભિષેક બેનર્જીની કંપની 'લીપ્સ એન્ડ બાઉન્ડ્સ' ની સંપત્તિઓની સંપૂર્ણ યાદી મળી છે. આ સંપત્તિઓની સંપૂર્ણ તપાસ કરવામાં આવશે. મુખ્યમંત્રીએ બંગાળમાં આ રાજકીય પરિવર્તનને ઐતિહાસિક ગણાવ્યું. તેમણે ટિપ્પણી કરી કે આ ફક્ત નવી સરકારનું આગમન નથી, પરંતુ બંગાળના લોકો માટે તે બીજી સ્વતંત્રતા સમાન છે.

 નુકસાની આરોપીઓની સંપત્તિમાંથી વસૂલાશે 

આ ઉપરાંત  આસનસોલમાં તાજેતરમાં બનેલી તોડફોડની ઘટના અંગે કડક વલણ અપનાવ્યું છે. તેમણે જણાવ્યું હતું કે આ કેસમાં અત્યાર સુધીમાં 15 વ્યક્તિઓની ધરપકડ કરવામાં આવી છે. મુખ્યમંત્રીએ  જાહેરાત કરી હતી કે તોફાનીઓને  પોલીસ કસ્ટડીમાં લેવામાં આવશે અને પૂછપરછ માટે રિમાન્ડ પર લેવામાં આવશે. તેમજ જાહેર સંપત્તિને થયેલી નુકસાની આરોપીઓની વ્યક્તિગત સંપત્તિમાંથી વસૂલવામાં આવશે.