નવી દિલ્હીઃ વડા પ્રધાન નરેન્દ્ર મોદીએ શનિવારે શ્રીરામ કૉલેજ ઓફ કોમર્સમાં સંબોધન દરમિયાન વિપક્ષ પર કટાક્ષ કર્યા હતા. મોદીએ કહ્યું હતું કે, થોડી એ લોકો વિશે વિચાર કરો જે કરોડો લોકોને બેંક સિસ્ટમ સાથે જોડવાનો પણ વિરોધ કરી રહ્યા હતા. ખરેખર, આવા લોકોને ગ્લાસ અડધો ભરેલો છે એવું જોવાની જ મજા આવે છે, જેથી સામાન્ય અને ગરીબ લોકો એના પ નિર્ભર રહે. આ જ તો માઈ-બાપ કલ્ચર છે. જેને તેઓ દાયકાઓથી દેશમાં ચલાવી રહ્યા હતા.

હું જાણું છું કે, સત્યની સામે ખોટાનો કોઈ અવકાશ નથી. આ મોદી હૈ, જે માઈ-બાપ કલ્ચરની સામે પહાડની જેમ ઊભા છે. લાંબા સમય સુધી દેશ પર શાસન કરનારાઓની એક અલગ શૈલી હતી. આગ લાગે ત્યારે જ જાગવું અને દુષ્કાળ પડે ત્યારે જ કૂવો ખોદવો. મેં આ અભિગમ બદલવાની વાત કરી હતી  અને 2014 માં અમારી સરકાર સત્તામાં આવ્યા પછી, અમે તે પરિવર્તનને વાસ્તવિકતામાં ફેરવી દીધું.

મોદીએ પોતાની વાત આગલ કરતા કહ્યું હતું કે, મારી પાસે હિંમત છે, તેથી જ હું તમને તે સમયે મેં જે કહ્યું હતું તે યાદ કરાવી રહ્યો છું. હું મારો રિપોર્ટ કાર્ડ લઈને તમારી સમક્ષ આવ્યો છું. વર્ષ 2013 માં, આ જ કાર્યક્રમમાં, જ્યારે મેં 'મેડ ઇન ઇન્ડિયા' તરફ કામ કરવાની જરૂરિયાત વિશે વાત કરી હતી, ત્યારે તે સમયે ઇકોસિસ્ટમમાં રહેલા લોકો આ વિચારને સમજી શક્યા ન હતા. તેઓ માનતા હતા કે, નિરાશાના તે યુગમાં 'મેડ ઇન ઇન્ડિયા' અશક્ય હતું.

Delighted to join the centenary celebrations of Shri Ram College of Commerce. Over the years, this institution has given generations of students the opportunity to learn, grow and make a difference.@SRCCOfficial
https://t.co/2YyZBJuFAy

— Narendra Modi (@narendramodi) September 5, 2026

ખરેખર, તે અલગ માનસિકતાથી ગ્રસ્ત લોકો આજે પણ 'મેડ ઇન ઇન્ડિયા' ની મજાક ઉડાવે છે - છતાં, આજે, તમે 'મેક ઇન ઇન્ડિયા' ની બ્રાન્ડ વેલ્યુ જોઈ શકો છો. દેશમાં વિવિધ પ્રકારના લોકો છે. એક તરફ, એવા લોકો છે જે સમાજની શક્તિને રાષ્ટ્રની શક્તિમાં રચનાત્મક રીતે જોડે છે. બીજી તરફ, એવા લોકો છે જે લગ્નમાં સતત અસંતુષ્ટ કાકાની જેમ વર્તે છે - દરેક બાબતમાં દોષ શોધે છે. તેમનો એકમાત્ર ઉપદ્રવ છે. 'આની શું જરૂર છે? 

પ્રતિમા બનાવી એ સમયે પણ સવાલ
જ્યારે આપણે વિશ્વની સૌથી ઊંચી પ્રતિમા બનાવી રહ્યા હતા, ત્યારે તેઓએ પૂછ્યું, આની શું જરૂર છે? તેઓએ બુલેટ ટ્રેન, UPI, ચિપ્સ અને નવી સંસદ વિશે પણ એવું જ કહ્યું. જ્યારે આપણે આપણા બહાદુર લશ્કરી નાયકો માટે એક સ્મારક બનાવ્યું, ત્યારે આ કાયમી વિરોધીઓ ફરીથી અંદર આવ્યા અને પૂછ્યું, આની શું જરૂર હતી? પરંતુ ભારતે આવા બધા ટીકાકારોને યોગ્ય જવાબ આપ્યો. રાષ્ટ્ર માટે જરૂરી કામ કરતા ભારતને કંઈ રોકી શકતું નથી. PM મોદીના સંબંધનો એક મહત્વનો રાજકીય સંદર્ભ 2013ના તેમના અગાઉના SRCC સંબોધન સાથે જોડાયેલો છે. 2026માં તેમણે લગભગ 13 વર્ષ બાદ ફરી આ કેમ્પસની મુલાકાત લીધી અને પોતાના અગાઉના ભાષણનો પણ ઉલ્લેખ કર્યો.