મુંબઈઃ રાજ્યનું બજેટ સત્ર ચાલી રહ્યું છે. આજે વિધાનસભામાં બોલતા મુખ્ય પ્રધાન દેવેન્દ્ર ફડણવીસે આગવા મિજાજ સાથે વિપક્ષો પર પ્રહારો કર્યા અને એની સાથે રાજ્યના વિકાસ માટેનો રોડમેપ રજૂ કર્યો હતો તેમ જ વિપક્ષની કેસેટ 'ગુજરાત' પર અટકી ગઈ હોવાનું કહીને ટીકા કરી હતી.

તેમણે કહ્યું કે આજે જ્યારે મેં વિરોધી પક્ષનો સૂર સાંભળ્યો, ત્યારે મને લાગ્યું કે તેઓ ભ્રમમાં પણ છે અને ભ્રમિત કરવા પણ માંગે છે. કેટલાક મુદ્દાઓ લોકોને મૂંઝવણમાં મૂકવા માટે ઉભા કરવામાં આવ્યા હતા. ટ્રિલિયન ડોલરના અર્થતંત્ર વિશે વાત થઈ. પણ અમને તેમાં કોઈ શંકા નથી. 

ભાસ્કર જાધવે ઘણી બધી બાબતો ઉઠાવી. તેમણે શિવાજી અને ટીપુ સુલતાનનો મુદ્દો ઉઠાવ્યો. ટીપુ સુલતાન સારો છે કે ખરાબ, તે મુદ્દો જ નથી. ફડણવીસે આ બાબત વિપક્ષ પર પ્રહાર કરતા કહ્યું છે કે અમારો વાંધો ટીપુ સુલતાનની મહારાજ સાથે સરખામણી સામે છે.

આગળ બોલતા તેમણે કહ્યું કે GDPની સરખામણીમાં કેટલું દેવું હોવું જોઈએ? આ સંદર્ભમાં આપણી પાસે દેશમાં શ્રેષ્ઠ પેરામીટર્સ છે. એવું કહેવામાં આવ્યું હતું કે GDPમાં હિસ્સો ઘટ્યો છે, વગેરે, પરંતુ તે સાપેક્ષ છે.

દેશના GDPમાં આપણો હિસ્સો 2021-22 માં 13.1 ટકા, 2022-23 માં 13.5 ટકા, 2023-24 માં 13.8 ટકા અને 2024-25માં 14 ટકા હતો. જીડીપીમાં આપણો હિસ્સો વધી રહ્યો છે. મહારાષ્ટ્રે જીડીપી દેવાના તમામ માપદંડો પૂરા કર્યા છે.
 
અર્થતંત્ર સમજતા નેતાને આંકડાઓ આપીને સમજાવવાની જરૂર ન પડે, એમ કહીને તેમણે આ પ્રસંગે જયંત પાટિલ પર પણ કટાક્ષ કર્યો હતો. તેમણે કહ્યું કે ભલે હવે દસ ઔદ્યોગિક રાજ્યો છે, પણ GDPમાં આપણો હિસ્સો વધી રહ્યો છે. અમે મરાઠા બિરુદ મેળવવા અને મહારાષ્ટ્ર ધર્મ બજાવવાનો પ્રયાસ કરી રહ્યા છીએ. 

જોકે, તેમણે કહ્યું હતું કે વિપક્ષની કેસેટ ગુજરાત પર અટકી ગઈ છે. 2022થી વિપક્ષ ઉદ્યોગો રાજ્યની બહાર જઈ રહ્યા છે એ ગાણું ગાઈ રહ્યા છે. જો તેઓ આ મુદ્દાનો અભ્યાસ કરીને રજૂ કરે તો સારું રહેશે. વિપક્ષ ગોબેલ્સ સિદ્ધાંતનું પાલન કરી રહ્યું છે. 

આ સરકાર 2029 સુધી કાર્યરત છે, એમ ફડણવીસે કહ્યું હતું. દરમિયાન, 2034, 2047 માટે વિકસિત મહારાષ્ટ્રના દસ્તાવેજ જુઓ, દરેક જિલ્લા માટે એક યોજના તૈયાર કરવામાં આવી છે. આ માટે 25 ટકા ભંડોળ DPDCને આપવું પડશે. અમે ખરેખર તેનો અમલ કરી રહ્યા છીએ.

અમે 2047 સુધીમાં અર્થતંત્રને 5 ટ્રિલિયનનું બનાવવા માંગીએ છીએ. અમે દર વર્ષે 10 લાખ નોકરીઓનું સર્જન કરવા માંગીએ છીએ. અમે અદ્યતન ટેકનોલોજી, કૃત્રિમ બુદ્ધિમત્તા, નાણાકીય શિસ્ત અને કાયમી વિકાસ દ્વારા રાજકોષીય ખાધને 2.5 ટકાથી નીચે લાવવા માંગીએ છીએ, અને અમે આવકના વૈકલ્પિક સ્ત્રોતો શોધી રહ્યા છીએ. અમે એક વિઝન મેનેજમેન્ટ યુનિટ બનાવ્યું છે, એમ ફડણવીસે આ પ્રસંગે જણાવ્યું હતું.