અમદાવાદઃ રાજ્યના પાટનગર ગાંધીનગર મહાનગરપાલિકાની ચૂંટણી રવિવારે પૂરી થઈ હતી. સાંજે છ વાગ્યા બાદ મળતા આંકડા અનુસાર 44 વૉર્ડ માટે અંદાજિત 55 ટકા કરતા વધારે મતદાન નોંધાયું હતું.
ગાંધીનગરમાં રવિવારે પહેલા નોરતે મતદાન નોંધાયું હતું. આકરી ગરમી વચ્ચે પણ લોકો મતદાન માટે ઘર બહાર નીકળ્યા હતા. મતદાન દરમિયાન નાની મોટી બાબતોએ રાજકીય માહોલ ગરમાયો હતો. મળતી માહિતી અનુસાર વૉર્ડ નંબર 7માં રાજકીય ચિહ્નોના ઉપયોગ મામલે ભાજપ અને કૉંગ્રેસના કાર્યકરો સામસામે આવ્યા હતા.
ગાંધીનગર મનપા ચૂંટણી: ભાજપ, કોંગ્રેસ અને AAP વચ્ચે જંગ | Gandhinagar Municipal Corporation Election 2026 ગાંધીનગર મહાનગરપાલિકાની 44 બેઠકો માટે આજે સવારે 7 વાગ્યાથી મતદાન શરૂ થયું છે. 11 વોર્ડમાં ભાજપ, કોંગ્રેસ, આમ આદમી પાર્ટી સહિત કુલ 130 ઉમેદવારો ચૂંટણી મેદાનમાં છે. સવારે 9 વાગ્યા સુધીમાં સરેરાશ 5.90% મતદાન નોંધાયું હતું. વોર્ડ નંબર 4માં સૌથી વધુ 8.95% મતદાન નોંધાયું. ચૂંટણીને ધ્યાનમાં રાખીને 1,130 પોલીસ કર્મચારીઓ તૈનાત કરવામાં આવ્યા છે. કુલ 2,59,780 મતદારો પોતાના મતાધિકારનો ઉપયોગ કરશે. ગાંધીનગર મનપા ચૂંટણીના લેટેસ્ટ અપડેટ્સ માટે જોડાયેલા રહો. #GandhinagarElection #Gandhinagar #GujaratElection #GMC Election #GujaratNews #Voting2026 #BJP #Congress #AAP #ગાંધીનગરચૂંટણી Gandhinagar Municipal Corporation Election 2026, ગાંધીનગર મનપા ચૂંટણી, Gandhinagar Election Voting, Gandhinagar Voting Percentage, Gujarat Local Body Election, Gandhinagar Election News, BJP Congress AAP Election, ગાંધીનગર મતદાન, Gujarat Election News, Gandhinagar Ward Election
— Mumbai Samachar Official (@Samachar_Mumbai) October 11, 2026
સ્થાનિક પોલીસે મામલો શાંત પાડ્યો હતો. આ રીતે સેક્ટર-24માં આમ આદમી પાર્ટી અને ભાજપના બે જૂથ વચ્ચે ઘર્ષણ થયું હતું. જોકે એકંદરે મતદાન શાંતિપૂર્ણ રહ્યું હતું. ગાંધીનગરની ચૂંટણીમાં ભાજપ, કૉંગ્રેસ અને આપ વચ્ચે ટક્કર હતી. મંગળવારે મતગણતરી બાદ મતદારોએ કોને પાટનગરનું સૂકાન સોંપ્યું છે, તે જાણવા મળશે.
