ન્યૂયોર્કઃ ભારતીય મૂળના નાસા અવકાશયાત્રી અનિલ મેનનએ આજે ઇતિહાસ રચ્યો છે. તેમણે પ્રથમ વખત આંતરરાષ્ટ્રીય અવકાશ મથકની બહાર નીકળીને ખુલ્લા અવકાશમાં પગ મૂક્યો છે. આ મહત્વપૂર્ણ સ્પેસવોક દરમિયાન, જે લગભગ સાડા છ કલાક ચાલવાની ધારણા છે, તે અવકાશ મથકની પાવર સિસ્ટમને અપગ્રેડ કરી રહ્યા છે.
આ અંગેનો એક વિડિયો સામે આવ્યો છે. જે દરેક ભારતીયને ગર્વ કરાવે એવો છે. મિનિયાપોલિસમાં જન્મેલા અને ઉછરેલા અનિલ મેનન,ભારતીય પિતા અને યુક્રેનિયન મૂળની માતાના પુત્ર છે. આ ઐતિહાસિક યુએસ સ્પેસવોક મિશન માટે નાસા અવકાશયાત્રી જેસિકા મેયર સાથે બહાર નીકળ્યા છે.
લાઈવ સ્ટ્રીમ કરવામાં આવી
સ્પેસવોક ભારતીય સમય મુજબ સાંજે 5:35 વાગ્યે શરૂ થયું હતુ. જે લગભગ સાડા છ કલાક ચાલશે. નાસાએ આ ઇવેન્ટનું લાઇવ-સ્ટ્રીમિંગ પણ કર્યું હતું.ભારતીય મૂળના નાસા અવકાશયાત્રીઓ, અનિલ મેનન અને જેસિકા મીર દ્વારા આ સ્પેસવોકનો મુખ્ય ઉદ્દેશ્ય પ્રયોગશાળાની પાવર સિસ્ટમને અપગ્રેડ કરવાનો છે.
અનિલ મેનન અને જેસિકા મીર અવકાશ મથકના ક્વેસ્ટ એરલોકમાંથી બાહર નીકળી ગયા છે, જે ISS પર અવકાશયાત્રા માટે મુખ્ય પ્રવેશદ્વાર તરીકે છે. બંને અવકાશયાત્રીઓ સ્ટેશનની 3B પાવર ચેનલને સુધારવા અથવા અપગ્રેડ કરવા માટે જરૂરી હાર્ડવેર ઇન્સ્ટોલ કરશે. આ કામના આ વર્ષના અંતમાં સ્થાપિત થનારા નવા આંતરરાષ્ટ્રીય અવકાશ મથક રોલ-આઉટ સોલાર એરે (iROSA) માટે પાયો નાખશે.
આ ISS પર સ્થાપિત થયેલું સાતમું IROSA સોલાર પેનલ હશે. એકવાર કાર્યરત થઈ ગયા પછી, નવી સોલાર પેનલ મહત્વપૂર્ણ સ્પેસ સ્ટેશન કામગીરી માટે વધારાની શક્તિ પૂરી પાડશે, જેમાં એવી સિસ્ટમ્સનો સમાવેશ થાય છે જે આખરે સ્ટેશનના સુરક્ષિત અને નિયંત્રિત ડી-ઓર્બિટિંગને ટેકો આપશે. અનિલ મેનનનો પહેલો અનુભવ હોવાનું માનવામાં આવે છે. આ અનિલ મેનનનું પહેલુ સ્પેસવોક છે, જ્યારે જેસિકા મીર માટે, તે તેમનો છઠ્ઠું છે.
LIVE: Time for a spacewalk! Watch as @Astro_Jessica and @Astro_Anil step outside the @Space_Station to prepare the orbiting lab for a new solar array. The spacewalk will begin around 8:35am ET (1235 UTC) and run for about six-and-a-half hours. https://t.co/2J3hlLGUEj
— NASA (@NASA) August 6, 2026
ત્રણ મોટા સ્પેસવૉક
જેસિકા મીર ક્રૂ મેમ્બર છે અને લાલ પટ્ટાઓવાળો સ્પેસસુટ પહેરે છે, જ્યારે અનિલ મેનન ક્રૂ મેમ્બર છે અને તેમના સૂટ પર કોઈ નિશાન નથી. ISS ના ફોર્મેટ, જાળવણી અને અપગ્રેડિંગના સમર્થનમાં આયોજિત 281મું સ્પેસવોક છે. ઓગસ્ટમાં ત્રણ સ્પેસવોક માટેની યોજના તૈયાર કરવામાં આવી છે. જે પૈકી આ એક હોવાનું માનવામાં આવે છે.
આંતરરાષ્ટ્રીય અવકાશ મથક તેના વૈજ્ઞાનિક પ્રયોગો, જીવન-સહાયક પ્રણાલીઓ અને અન્ય મહત્વપૂર્ણ ઉપકરણોને શક્તિ આપવા માટે સૌર પેનલ દ્વારા પેદા થતી વીજળી પર આધાર રાખે છે. સ્પેસવોક દ્વારા, અવકાશયાત્રીઓ સ્ટેશનના બાહ્ય ભાગનું સમારકામ અને અપગ્રેડ કરે છે જે અંદરથી કરી શકાતા નથી. આગામી સ્પેસવોક 13 ઓગસ્ટ માટે નક્કી કરવામાં આવ્યું છે, જે દરમિયાન અવકાશ-થી-જમીન સંચાર એન્ટેના બદલવામાં આવશે. આ એન્ટેના હ્યુસ્ટનમાં મિશન કંટ્રોલ અને ISS વચ્ચે ડેટા ટ્રાન્સફર અને હાઇ-સ્પીડ સંચારને સરળ બનાવે છે.
