અમેરિકામાં ગોળીબારીની બે ઘટનાઓએ લોકોમાં ડરનો માહોલ પેદા કરી દીધો. પહેલી ઘટના વર્જીનિયા સ્ટેટ યૂનિવર્સિટીમાં શનિવારે વહેલી સવારે થઇ, જેમાં ગોળીબારની ઘટનામાં એક 16 વર્ષના કિશોર સહિત 5 લોકોના મોત થયા. જ્યારે પોલીસને સંદીગ્ધ હુમલાખોરની મૃત અવસ્થામાં લાશ મળી. પોલીસ સમગ્ર ઘટનાની તપાસ હાથ ધરી હતી. 

મિશિગનમાં ગોળીબારીની ઘટનામાં 6 લોકોના મોત

મિશિગનના અધિકારીઓએ જણાવ્યું હતું કે ગોળીબારમાં એક કિશોર અને ચાર પુખ્ત વયના લોકોના મોત થયા છે. ત્યારબાદ, ઘટના સ્થળેથી ફરાર બંદૂકધારીની મોટા પાયે શોધખોળ કરવામાં આવી હતી અને અંતે તેનો મૃતદેહ જંગલ વિસ્તારમાં તેના એક શિકારના મૃતદેહની નજીકથી મળી આવ્યો હતો. પોલીસે જણાવ્યું હતું કે એક કિશોરી બચી ગઈ છે અને તેની હાલત સ્થિર છે.

પોલીસે જણાવ્યું કે મિસાઉકી કાઉન્ટીમાં મોટા પાયે શોધખોળ કર્યા બાદ 39 વર્ષીય ચાડ હિકમેન મૃત હાલતમાં મળી આવ્યો હતો. પોલીસે શનિવારે પીડિતોની ઉંમર અને જાતિની માહિતી આપી હતી, પરંતુ તેઓ એકબીજા સાથે કે શંકાસ્પદ વ્યક્તિ સાથે કેવી રીતે જોડાયેલા હતા, તે અંગે કોઈ માહિતી આપી ન હતી.

મિશિગન સ્ટેટ પોલીસે જણાવ્યું હતું કે શુક્રવારે સવારે અધિકારીઓને ડેટ્રોઇટથી લગભગ 170 માઇલ (270 કિલોમીટર) ઉત્તર-પશ્ચિમમાં આવેલા એક ઘરમાં ગોળીબારની જાણ થઈ હતી. ત્યાં તેમને 16 વર્ષના કિશોર, એક પુરુષ (45) અને એક મહિલા (40) ના મૃતદેહ મળ્યા હતા, સાથે જ એક છોકરી (13) ગંભીર હાલતમાં મળી આવી હતી.

મોટા પાયે શોધખોળ અભિયાન

અધિકારીઓનું કહેવું છે કે હિકમેન ઘટનાસ્થળેથી નાસી છૂટ્યો હતો, ત્યારબાદ મોટા પાયે શોધખોળ અભિયાન ચલાવવામાં આવ્યું હતું. પોલીસને બીજા એક ઘરમાંથી એક પુરુષ (૫૩) નો મૃતદેહ મળ્યો અને ત્યારબાદ જંગલમાંથી હિકમેનની નજીકથી એક મહિલા (૨૯) નો મૃતદેહ મળી આવ્યો. પોલીસે જણાવ્યું હતું કે તમામ પીડિતોના મોત ગોળી વાગવાથી થયા છે.
લેફ્ટન્ટ એશલી મિલરે શુક્રવારે એક નિવેદનમાં કહ્યું કે આ સ્થિતિ સમુદાય માટે કાળજુ કંપાવનારી છે. અને તેમાં સામેલ તપાસકર્તાઓ માટે પડકારજનક છે. મિલરે કહ્યું કે તપાસ ચાલુ છે. 

વર્જીનિયા સ્ટેટ યૂનિવર્સિટીમાં ગોળીબારી

શનિવારે વહેલી સવારે વર્જીનિયા યૂનિવર્સિટીમા થયેલી ગોળીબારીમાં 5 લોકો ઘાયલ થઇ ગયા. આ ઘટના બાદ કેમ્પસને લોકડાઉન કરી દેવામાં આવ્યું અને પોલીસે તપાસ હાથ ધરી હતી. જ્યારે વિદ્યાર્થીઓ નવા શૈક્ષણિક સત્ર માટે તૈયારી કરી રહ્યા હતા.