તેલની નિકાસ કરતા સાત મોટા દેશોએ નિર્ણય કર્યો છે કે નવેમ્બરમાં તેલનું ઉત્પાદન વર્તમાન સ્તરે જ જાળવી રાખવામાં આવશે. આ નિર્ણય એવા સમયે આવ્યો છે જ્યારે ઈરાન સાથે ચાલી રહેલા યુદ્ધને કારણે બ્રેન્ટ ક્રૂડ ઓઈલનો ભાવ 100 ડોલર પ્રતિ બેરલથી ઉપર પહોંચી ગયો છે. આ દેશો 1 નવેમ્બરે ફરી બેઠક કરશે. દરમિયાન, જી7 (G7) દેશોએ શુક્રવારે 100 મિલિયન બેરલ તેલ અને ઈંધણ ઉત્પાદનો બહાર પાડવાની જાહેરાત કરી, જેની શરૂઆત ડીઝલથી થશે.

ઓપેક પ્લસ (OPEC+) દેશોમાં સાઉદી અરેબિયા, રશિયા, ઇરાક, કુવેત, કઝાકિસ્તાન, અલ્જિરિયા અને ઓમાન સામેલ છે. રવિવારની બેઠકમાં આ સાતેય દેશોએ નક્કી કર્યું કે નવેમ્બરમાં ઉત્પાદન ન વધારાશે કે ન ઘટાડાશે, એટલે કે તેલનો પુરવઠો એટલો જ રહેશે જેટલો અત્યારે છે. આ જૂથ 1 નવેમ્બરે ફરીથી બેઠક કરશે અને ત્યારે બજારની સ્થિતિની સમીક્ષા કરશે.

હવે સવાલ એ છે કે તેલના ભાવ આટલા ઊંચા કેમ છે. તેનું કારણ ઈરાન સાથે જોડાયેલી લડાઈ છે, જે 28 ફેબ્રુઆરીએ અમેરિકા અને ઈઝરાઈલના હુમલાઓ સાથે શરૂ થઈ હતી. આ લડાઈથી દુનિયાભરમાં તેલના પુરવઠામાં વિક્ષેપ પડ્યો છે અને કિંમતો વધી ગઈ છે. બ્રેન્ટ ક્રૂડને દુનિયામાં તેલના ભાવનું ધોરણ (માપદંડ) માનવામાં આવે છે, તેથી તેનું 100 ડોલરને વટાવી જવું એ મોટી વાત છે.

જી7 વાયદો કર્યો છે કે આવતા 20 દિવસની અંદર ડીઝલની મોટી ખેપ શરુઆતમા જ જારી કરી દેવામાં આવશે. બાકી હિસ્સો ચાર મહિનામાં બજારમાં ઉતારી દેવામાં આવશે. 

મહત્વનું છે કે અમેરિકામાં ડીઝલની કિંમત હાલમાં જ રેકોર્ડ ઉંચાઇએ પહોંચી ગઇ છે. જેના કારણે ખેડૂત, ટ્રક ચલાવનારા અને સામાન્ય ગ્રાહકો પરેશાન છે. જે આ ઇંધણ પર નિર્ભર છે. કુલ મળીને એક તરફ તેલ નિકાસકાર દેશો ઉત્પાદન સ્થિર રાખીને બેઠા છે તો બીજી તરફ જી7 દેશ બજારમાં વધારાનું તેલ અને ઇંધણ લાવવાની તૈયારીમાં છે. હવે સૌની નજર 1 નવેમ્બરની બેઠક પર રહેશે.

ભારત માટે આ નિર્ણયનો અર્થ

ઓપેક+ તરફથી નવેમ્બર માટે ક્રૂડ ઉત્પાદનના લક્ષ્યોને જેમના તેમ રાખવાની સીધી અસર એ થશે કે ગ્લોબલ માર્કેટમાં ક્રૂડનો સપ્લાય કન્ટ્રોલમાં રહેશે. આનાથી ભારત પર અચાનક કોઇ મોટો નકારાત્મક ઝટકો નહીં પડે