અમદાવાદઃ  શનિવારે શહેરની સેશન્સ કોર્ટે ગૌમાંસ વેચાણ કેસમાં ત્રણ આરોપીને દોષિત ઠેરવીને આઠ વર્ષની જેલની સજા ફટકારી હતી અને દરેકને 2 લાખ રૂપિયાનો દંડ ફટકાર્યો હતો.

કેસ રેકોર્ડ મુજબ, સમીર શેખ, ઝફરખાન પઠાણ અને મોહમ્મદ અઝમલ શેખ 4 મે, 2019 ના રોજ અમદાવાદના રખિયાલ વિસ્તારમાં કથિત રીતે ગૌમાંસ વેચતા પકડાયા હતા. કાર્યવાહી દરમિયાન, પોલીસે તેમના કબજામાંથી લગભગ 250 કિલો ગૌમાંસ જપ્ત કર્યું હતું.

આ ગુનામાં મદદ કરવા બદલ અન્ય બે આરોપીઓ, કલામ હુસૈન કુરેશી અને ઝીશાન કુરેશી પર પણ કેસ દાખલ કરવામાં આવ્યો હતો. આરોપીઓ પર ગુજરાત પશુ સંરક્ષણ (સુધારા) અધિનિયમ, ગુજરાત પ્રાંતીય મ્યુનિસિપલ કોર્પોરેશન અધિનિયમ અને આઈપીસીની સંબંધિત કલમોની જોગવાઈઓ હેઠળ આરોપ મૂકવામાં આવ્યો હતો.

કોર્ટે પોતાના આદેશમાં અવલોકન કર્યું હતું કે આ ગુનો અસામાજિક સ્વભાવનો હતો અને પ્રોબેશન આપવાની કોઈપણ શક્યતાને નકારી કાઢી હતી. કોર્ટે જણાવ્યું હતું કે આ કૃત્ય ન તો ઉત્તેજનાની ક્ષણમાં કરવામાં આવ્યું હતું કે ન તો ઉશ્કેરણીમાં, પરંતુ કથિત રીતે નાણાકીય લાભ માટે જાણી જોઈને કરવામાં આવ્યું હતું.