ગુજરાતના પાટનગર ગાંધીનગર નજીક આવેલા કુડાસણ વિસ્તારમાં એક નિર્માણાધીન બિલ્ડિંગની સાઇટ પર ક્રેઈન પર તૂટી પડી હોવાની વિગતો પ્રકાશમાં આવી છે. જેમાં 10 જેટલા  શ્રમિકો દબાયા હોવાની આશંકા છે.

પશ્ચિમ એશિયામાં વધી રહેલા તણાવની અસર ભારતની ઓઇલ કંપનીઓ પર પડી રહી છે. જેમાં આંતરરાષ્ટ્રીય બજારમાં બ્રેન્ટ ક્રૂડનો ભાવ 100 ડોલરને પાર થયો છે. જેના પગલે કંપનીઓએ પેટ્રોલમાં પ્રતિ લીટર રૂપિયા 5 અને ડીઝલ પર પ્રતિ લિટર ₹23 નું નુકસાન ભોગવી રહી છે.

જમ્મુ કાશ્મીરમાં વંદે માતરમના નવા ગાનને લઇને રાજકારણ ગરમાયુ છે. જેમાં ઇન્ડી ગઠબંધનના પક્ષો, કોંગ્રેસ અને નેશનલ કોન્ફરન્સ વચ્ચેના મતભેદ વચ્ચે ભાજપે ઓમર અબ્દુલ્લાના વખાણ કર્યા છે.

પાટનગર દિલ્હીના લાલ કિલ્લા નજીક દસમી નવેમ્બર 2025ના થયેલા વિસ્ફોટની તપાસ કરનારી એનઆઈએ મોટો ખુલાસો કર્યો છે. એનઆઈએની ચાર્જશીટ મુજબ લાલ કિલ્લા નજીક થયેલો વિસ્ફોટ આત્મઘાતી વિસ્ફોટ હતો.

ગુજરાત વિધાનસભાનું ચોમાસું સત્ર આજથી શરૂ થયું છે. જેમાં આજે વિધાનસભામાં 'વંદે માતરમ' ગાન વખતે કોંગ્રેસના ધારાસભ્ય ઇમરાન ખેડાવાલા બેસી ગયા હતા. તેની બાદ ભાજપે પ્રશ્નો ઉઠાવ્યા હતા.

કર્ણાટક હાઇકોર્ટે કોંગ્રેસ અધ્યક્ષ મલ્લિકાર્જુન ખડગે અને તેમના પરિવાર સંચાલિત ટ્રસ્ટની જમીન ફાળવણીની ગેરરીતિ કેસમાં મહત્વનો ચુકાદો આપ્યો છે. જેમાં 
 બેંગ્લોર ડેવલપમેન્ટ ઓથોરિટીની જમીન ફાળવણીની તપાસ માટે હાઇકોર્ટે રચેલી વિશેષ અદાલતના આદેશને રદ કર્યો છે. આ મામલો 8,001 ચોરસ મીટરના મુખ્ય પ્લોટની ફાળવણી સાથે સંબંધિત છે.

કેન્દ્ર સરકારે રેલવેના નવા પ્રોજેક્ટ માટે લીલી ઝંડી આપી છે, જેમાં દિલ્હી-મુંબઈ, મુંબઈ-ચેન્નઈ રેલવે રુટનો સમાવેશ થાય છે. ત્રણ નવા મલ્ટિ ટ્રેકિંગ પ્રોજેક્ટને પાંચ રાજ્યના 14 જિલ્લાને કવર કરવામાં આવશે, એમ કેન્દ્રીય પ્રધાને જણાવ્યું હતું.

ગુજરાતમાં સ્ટેચ્યૂ ઓફ યુનિટી નજીક કેવડીયા કોલોની(એકતા નગર)માં  22 સપ્ટેમ્બરના રોજ 72માં નેશનલ ફિલ્મ એવોર્ડસનું આયોજન કરવામાં આવ્યું છે. જેને લઇને વિરોધનો સૂર ઉઠ્યો છે. આ અંગે  ફિલ્મ 'પાર્ઝાનિયા' નિર્માતા રાહુલ ધોળકિયાએ દિલ્હી બહાર યોજાનારા સમારોહ અંગે સોશિયલ મીડિયા પર સવાલ કર્યા છે.

બ્રિટનમાં અચાનક આવી પડેલા ટેક્નિકલ સંકટને કારણે દેશના હવાઈ નેટવર્ક પર ગંભીર અસર પડી છે. મંગળવાર મોડી રાતથી ફ્લાઈટ ડેટા પ્રોસેસિંગ સિસ્ટમમાં ઊભી થયેલી ગંભીર સમસ્યાને કારણે હજારો ફ્લાઈટ્સ રદ કરવામાં આવી છે, જેને લઈ યુરોપમાં એવિયેશન સંકટ ઊભું થયું છે.

કૉંગ્રેસના ધારાસભ્યો સત્ર શરૂ થાય તે પહેલા જ ગાંધીનગરમાં સત્યાગ્રહ છાવણીમાં ધરણાં પણ બેસી ગયા છે. જેમાં ધારાસભ્ય અમિત ચાવડા, જીજ્ઞેશ મેવાણી, કિરીટ પટેલ, તુષાર ચૌધરી, વિમલ ચુડાસમા અને ઈમરાન ખેડાવાલા જોડાયા છે. ખેડૂતોના પ્રશ્નો અને મોંઘવારી સહિતના મુદ્દે કોંગ્રેસે વિરોધ કર્યો છે.

રાજકોટ લોધિક સંઘની ચૂંટણી પરિણામ જાહેર થયા છે. જેમાં  માધાપર બેઠક પર ઘોઘુભાની હાર થઈ છે, રાદડિયા જૂથના મનાતા વિજય સખીયાની જીત થઈ છે. જ્યારે કુવાડવા બેઠક પર પૂર્વ મંત્રી અરવિંદ રૈયાણીની પણ હારથી મોટો અપસેટ સર્જાયો છે.

આજથી ગુજરાત વિધાનસભાનું  ચોમાસું સત્ર મળશે. બે દિવસમાં બે નવા કાયદા અને 11 કાયદાઓમાં સુધારા માટે એમ કુલ મળીને 8 વિધેયકો ચર્ચા માટે રજૂ થશે.

નવી દિલ્હીઃ દિલ્હીના પૂર્વ મુખ્ય સચિવ અને 1975ની બેન્ચના આઈએએસ અધિકારી રાકેશ મેહતાએ આત્મહત્યા કરી લીધી હોવાનું જાણવા મળ્યું છે. નોઈડા ખાતે પોતાના ઘરે ગળાફાંસો ખાઈને આત્મહત્યા કરી લીધી હોવાનું સૂત્રો દ્વારા જાણવા મળ્યું છે. 75 વર્ષીય રાકેશ મેહતાનો મૃતદેહ નોઈડામાં આવેલા સેક્ટર-82માં કેન્દ્રીય વિહાર - 2 સોસાયટીમાં તેમના મકાનમાંથી મળી આવ્યો છે. આ મામલે જાણ થતાં પોલીસનો કાફલો ઘટનાસ્થળે દોડી આવ્યો હતો. પોલીસને તપાસ દરમિયાન એક સ્યુસાઈડ નોટ પણ મળી આવી છે.

અમેરિકાએ મંગળવારે ફારસની ખાડીમાં ખાર્ગ ટાપુ પાસે ઇરાનના 5 ઓઇલ ટેન્કરો પર હુમલો કર્યો છે. બે અમેરિકી અધિકારીઓના સુત્રોએ જણાવ્યું કે આ ટેન્કર ઇરાનની ઇસ્લામિક રિવોલ્યૂશનરી ગાર્ડ કોર્પ્સ (IRGC)  સાથે સંકળાયેલા હતા. આ હુમલો અમેરિકી નેવીના એક વોરશિપ પર મિસાઇલ હુમલાના પ્રયાસના જવાબમા કરવામાં આવ્યો છે. આ હુમલો અમેરિકા અને ઇરાન વચ્ચે વધતા તણાવનો ભાગ છે. અમેરિકા હોર્મુઝની આસપાસ સૈન્ય અને આર્થિક દબાણ વધારી રહ્યું છે.  અમેરિકી સુરક્ષાદળો વેપારી જહાજોની સુરક્ષા કરી રહ્યા છે. અને ઇરાની પોર્ટ પર યુએસનેવીએ નાકાબંધી લગાવી છે.

તિબેટમાં આજે ફરી 5.3ની તીવ્રતાનો ભૂકંપ આવ્યો છે. નેપાળ અને તિબેટની સીમા પર આવેલ વિનાશકારી પૂરના થોડા દિવસ પછી ફરી ભૂકંપનો આચંકો અનુભવાયો છે. EMSC એ આપેલી જાણકારી પ્રમાણે ભૂકંપ 35 કિલોમીટર (21.75 માઇલ) ની ઊંડાઈએ નોંધાયો છે. નેપાળના પણ કેટલાક વિસ્તારોમાં ભૂકંપના આંચકા અનુભવાયા છે. જો કે, અત્યાર સુધીમાં જાનહાનિના કોઈ સમાચાર મળ્યાં નથી.