G7 દેશોએ એક મોટો નિર્ણય લીધો છે. આ દેશોએ પોતાના ઇમરજન્સી ભંડારમાંથી 10 કરોડ બેરલ ડીઝલ અને તેલ છૂટુ કરવા પર સહમતિ વ્યક્ત કરી છે. સાથે જ બધા દશોએ વચન આપ્યું છે કે તેઓ તેલની નિકાસ પર કોઇ પ્રતિબંધ નહીં લગાવે. આ નિર્ણય અમેરિકી રાષ્ટ્રપતિ ડોનાલ્ડ ટ્રંપના દબાણ પછી લેવામાં આવ્યો છે. ટ્રંપ નવેમ્બરમાં થનારા મિડટર્મ ચૂંટણી પહેલા ઇંધણની વધતી કિંમતોને ઘટાડવા માંગે છે. એટલું પણ સ્પષ્ટ નથી કે નવી સમજૂતીનું કેટલું ક્રૂડ માર્ચવાળી સમજૂતીથી બચેલા હિસ્સાથી આવશે

અમેરિકાએ યુરોપિયન યુનિયન પર દબાણ લાવવાની એક ઝુંબેશ ચલાવી હતી. તેમની માંગ હતી કે યુરોપિયન યુનિયન તેના ઇમરજન્સી ડીઝલ સ્ટોકમાંથી ક્રૂડ ઓઇલ બહાર કાઢે. ટ્રમ્પ વહીવટીતંત્રે ચેતવણી આપી હતી કે જો આવું નહીં થાય તો અમેરિકા ડીઝલની નિકાસ પર પ્રતિબંધ મૂકી શકે છે. આવા પ્રતિબંધની યુરોપ પર મોટી અસર પડી શકે છે. કારણ એ છે કે યુરોપ હવે અમેરિકન ડીઝલ પર પહેલાં કરતાં વધુ નિર્ભર બની ગયું છે. જો સપ્લાય ઘટે તો યુરોપિયન યુનિયનને મોટું આર્થિક નુકસાન સહન કરવું પડી શકે છે.

આ પહેલીવાર નથી જ્યારે તેલ ભંડાર ખોલવામાં આવ્યા હોય. ઈરાન યુદ્ધ પછી માર્ચમાં આંતરરાષ્ટ્રીય ઊર્જા એજન્સી એટલે કે IEA ની આગેવાની હેઠળ 40 કરોડ (400 મિલિયન) બેરલ તેલ છૂટુ કરવાનો કરાર થયો હતો. આ અત્યાર સુધીનું સૌથી મોટું ઇમરજન્સી રિલીઝ હતું.

G7 એ પોતાના સંયુક્ત નિવેદનમાં જણાવ્યું હતું કે જે વચનો પહેલાંથી જ પૂરા થઈ ચૂક્યા છે, તેમને ધ્યાનમાં રાખીને IEA મારફતે 10 કરોડ (100 મિલિયન) બેરલ તેલનું સંકલિત રિલીઝ કરવામાં આવશે. એટલે કે તમામ દેશો સાથે મળીને પરસ્પર તાલમેલ સાથે આ પગલું ભરશે.

હજુ એક વાત સ્પષ્ટ નથી કે IEAના કાર્યકારી નિર્દેશનક ફતિહ બિરોલે આ સપ્તાહે કહ્યું હતું કે સભ્ય દેશ 40 કરોડ બેરલની સમજૂતીનો લગભગ બે તૃતીયાંશ હિસ્સો છૂટો કરી ચુક્યા છે. એનો અર્થ એ છે કે માર્ચની સમજૂતીથી અંદાજે એક તૃતીયાંશ ક્રૂડ હજુ છૂટૂ કરવાનું બાકી છે.

G7 નું આ પગલું ઇંધણની કિંમતોને કાબૂમાં રાખવાની કોશિશ સાથે જોડાયેલું છે. ટ્રંપ માટે આ નિર્ણય મહત્વનો છે કારણ કે ચૂટણી નજીક છે.