મડગાંવમાં સાઉથ એશિયન ફૂટબૉલ ફેડરેશન (સાફ)ની મહિલાઓની ચૅમ્પિયનશિપમાં શનિવારે ભારતે બાંગ્લાદેશને 3-1થી હરાવીને છઠ્ઠી વખત ટાઇટલ જીતી લીધું હતું. જોકે સાત વર્ષમાં ભારતીય મહિલા ટીમનું આ પ્રથમ ટાઇટલ છે. ભારત વતી પ્યારી ક્સાક્સા, સૅન્ફિદા અને લીન્ડા સેર્ટોએ એક-એક ગોલ કર્યો હતો.

જાપાનમાં હૉકીની રમતમાં મેન્સ અન્ડર-18 એશિયા કપ ટાઇટલ પર ભારતે કબજો કરી લીધો છે. ભારતીય ટીમે ફાઇનલમાં યજમાન જાપાનને 4-1થી પરાજિત કર્યું હતું. ચારમાંથી ત્રણ ગોલ આશિષ પુરતીએ કર્યા હતા અને એક ગોલ કૅપ્ટન કેતન કુશવાહાએ કર્યો હતો. હૉકી ઇન્ડિયાએ ભારતની ગોલ્ડ મેડલ વિજેતા ટીમના પ્રત્યેક ખેલાડીને ત્રણ લાખ રૂપિયાનું અને સપોર્ટ સ્ટાફના દરેક મેમ્બરને 1.5 લાખ રૂપિયાનું ઇનામ આપવાની જાહેરાત કરી છે. દરમ્યાન મહિલા વર્ગમાં ભારતની અન્ડર-18 ટીમ બ્રૉન્ઝ જીતી છે અને આ ટીમની દરેક ખેલાડીને એક લાખ રૂપિયા અને સપોર્ટ સ્ટાફના પ્રત્યેક મેમ્બરને 50,000 રૂપિયા આપવામાં આવશે.

પૅરિસમાં રશિયાની મિરા ઍન્ડ્રીવાએ શનિવારે ફ્રેન્ચ ઓપન ટેનિસની ફાઇનલમાં પોલૅન્ડની મૅયા શ્વાલિન્સ્કાને 6-3, 6-2થી હરાવીને પ્રથમ વખત ગૅ્રન્ડ સ્લૅમ ટાઇટલ જીતી લીધું હતું. મિરા આ પ્રતિષ્ઠિત ટાઇટલ જીતનાર તેના દેશની મારિયા શારાપોવા પછીની પ્રથમ રશિયન મહિલા પ્લેયર છે. શારાપોવા 2014માં આ ટાઇટલ જીતી હતી. એટલું જ નહીં, 19 વર્ષની મિરા આ ચૅમ્પિયનશિપની છેલ્લાં 34 વર્ષની યંગેસ્ટ ખેલાડી પણ છે. જોકે તે મોનિકા સેલીસ પછી બીજા નંબરે છે. સેલીસે 1992માં 18 વર્ષની ઉંમરે આ ટ્રોફી જીતી લીધી હતી.

 

ઇંગ્લૅન્ડ અને ન્યૂ ઝીલૅન્ડ વચ્ચે લૉર્ડસમાં સિરીઝની પ્રથમ ટેસ્ટના પહેલા અઢી દિવસમાં બોલર્સનું (ખાસ કરીને પેસ બોલર્સનું) શાસન રહ્યું, પરંતુ મેઘરાજાએ પણ નડવાનું બાકી નથી રાખ્યું અને આજના ત્રીજા દિવસે વરસાદનું વિઘ્ન શરૂ થયું ત્યાં સુધીમાં ન્યૂ ઝીલૅન્ડે 254 રનના લક્ષ્યાંક સામે માત્ર પંચાવન રનમાં પાંચ વિકેટ ગુમાવી દીધી હતી. કૅપ્ટન ટૉમ લૅથમ, વિલ ઑ'રુરકે અને ડેરિલ મિચલ ઝીરોમાં વિકેટ ગુમાવી બેઠા હતા. ડેવૉન કૉન્વે પંચાવન બૉલમાં બનેલા 19 રને અને ટૉમ બ્લન્ડેલ બે રને રમી રહ્યો હતો. ગસ ઍટક્નિસન અને ઑલી રૉબિન્સને બે-બે વિકેટ લીધી હતી. પ્રથમ દાવમાં ઇંગ્લૅન્ડના 140 રનના જવાબમાં ન્યૂ ઝીલૅન્ડ 113 રનમાં આઉટ થઈ ગયું હતું. બીજા દાવમાં ઇંગ્લૅન્ડે 226 રન બનાવ્યા હતા.

ન્યૂ ચંડીગઢના મુલ્લાંપુર શહેરમાં અફઘાનિસ્તાન સામેની ટેસ્ટમાં પ્રારંભિક દિવસે ભારત પ્રથમ દાવમાં સ્થિતિ એટલી બધી મજબૂત કરી રહ્યું છે કે એક દાવથી મૅચ જીતી શકાશે એવી સંભાવના છે. કેએલ રાહુલ 100 રન બનાવીને આઉટ થયો ત્યાર બાદ કૅપ્ટન શુભમન ગિલે પણ સેન્ચુરી પૂરી કરી છે. ગિલની આ 11મી ટેસ્ટ-સદી છે. આખા દિવસમાં નિયમ મુજબ કુલ 90 ઓવર બોલિંગ કરવામાં આવશે અને 83મી ઓવરને અંતે ભારતનો સ્કોર 3/358 હતો. ગિલ સાથે રિષભ પંત 43 રને રમી રહ્યો હતો.

વિકેટકીપર-બૅટ્સમૅન રિષભ પંતે અફઘાનિસ્તાન સામેની ટેસ્ટના પ્રારંભિક દિવસે અસલ મિજાજમાં રમ્યો અને આઇપીએલનો મૂડ હજી ઓસર્યો ન હોય એ રીતે રમ્યો હતો. તેણે ઑફ સ્પિનર અબ્દુલ મલિકની એક ઓવરમાં ત્રણ છગ્ગા ફટકાર્યા હતા. પંત આઇપીએલમાં ધમાકેદાર નહોતો રમ્યો, પણ હવે તે કૅપ્ટન્સીના બોજમાં નથી રમી રહ્યો એટલે મુક્ત મનથી રમે છે અને એમાં તેણે અબ્દુલની ઓવરના પહેલા, ચોથા અને પાંચમા બૉલમાં સિક્સર ફટકારી દીધી હતી. 70મી ઓવરને અંતે ભારતનો પ્રથમ દાવનો સ્કોર 3/311 હતો. પંત 27 રને અને કૅપ્ટન 69 રને દાવમાં હતો.

અફઘાનિસ્તાન સામેની એકમાત્ર ટેસ્ટના પ્રથમ દિવસે ભારતે ટી-બે્રક પછી ઇનિંગ્સ વધુ મજબૂત કરી હતી અને 63મી ઓવરને અંતે ભારતનો સ્કોર ત્રણ વિકેટે 273 રન હતો. 247 રનના કુલ સ્કોર પર ઓપનર કેએલ રાહુલ (100 રન, 165 બૉલ, 11 ફોર) 12મી ટેસ્ટ-સદી પૂરી કરીને આઉટ થયો હતો. પેસ બોલર ઝિયાઉર રહમાનના બૉલમાં તે શૉર્ટ એક્સ્ટ્રા કવર પર રહમનુલ્લા ગુરબાઝના હાથમાં કૅચઆઉટ થયો હતો. શુભમન ગિલ 61 રને રમી રહ્યો હતો અને તેની સાથે વિકેટકીપર રિષભ પંત બે રને દાવમાં હતો. એ પહેલાં, રાહુલ-સુદર્શન વચ્ચે 139 રનની ભાગીદારી થઈ હતી. સુદર્શન 81 રને આઉટ થતાં પ્રથમ ટેસ્ટ સેન્ચુરીથી વંચિત રહી ગયો હતો.

ન્યૂ ચંડીગઢના મુલ્લાંપુરમાં અફઘાનિસ્તાન સામેની એકમાત્ર ટેસ્ટના પહેલા દિવસે ભારતે ટી-ટાઈમ સુધીમાં બે વિકેટે 209 રન બનાવ્યા હતા. સાઈ સુદર્શન 81 રન બનાવીને વિકેટ ગુમાવી બેઠો હતો. જોકે ઓપનર કેએલ રાહુલ ચાનાં વિશ્રામનાં સમયે 81 રન પર રમી રહ્યો હતો. તેની સાથે કેપ્ટન શુભમન ગિલ 20 રન પર દાવમાં હતો. રાહુલ અને સુદર્શન વચ્ચે બીજી વિકેટ માટે 139 રનની ભાગીદારી થઈ હતી. યશસ્વી (24 રન) અને સુદર્શન, બંનેની વિકેટ ફાસ્ટ બોલર મોહમ્મદ સલીમે લીધી હતી.

અફઘાનિસ્તાન સામે ન્યુ ચંદીગઢમાં રમાઈ રહેલી ટેસ્ટમાં ભારતે 2 વિકેટના નુકસાન પર 183 રન બનાવી લીધા છે. કેએલ રાહુલ 73 અને ગિલ 2 રન બનાવી રમતમાં છે. સાઈ સુદર્શન 81 રન બનાવી આઉટ થયો હતો.

ગુજરાત ગૌણ સેવા પસંદગી મંડળ મંડળની જાહેરાત ક્રમાંક 303/202526, અધિક મદદનીશ ઇજનેર (સિવિલ), વર્ગ-૩ની પરીક્ષા તા.૨૧/૦૬/૨૦૨૬ના રોજ સવારના સેકશનમાં યોજાવાની હતી તેને  વિશ્વ યોગ દિનના કારણે મુલતવી રાખવામાં  આવી હતી.

બીસીસીઆઈના સેક્રેટરી દેબાજિત સૈકિયાની ઉપસ્થિતિમાં અને ચીફ સિલેક્ટર અજિત આગરકરના અધ્યક્ષ સ્થાનમાં મુંબઈમાં સિલેક્શન કમિટીની મીટિંગ શરૂ થઈ ચૂકી છે. આ બેઠકમાં ભારતીય ક્રિકેટરોના આગામી આયર્લેન્ડ તથા ઇંગ્લૅન્ડ પ્રવાસ માટેની ટીમો સિલેક્ટ કરવામાં આવશે. એ ઉપરાંત, આ વર્ષે જાપાનમાં યોજાનારી એશિયન ગેમ્સ માટેની ટીમ તેમ જ શ્રીલંકાના પ્રવાસ માટેની ઇન્ડિયા-એ ટીમ પણ નક્કી કરવામાં આવશે.

અફઘાનિસ્તાન સામેની ટેસ્ટના પ્રથમ દિવસે ભારતે ટોસ જીતીને બેટિંગ કરવાનો નિર્ણય કર્યો હતો. લંચ સમયે ભારતનો સ્કોર 96/1છે. કેએલ રાહુલ 35 રન અને સાઈ સુદર્શન 32 રન બનાવી રમતમાં છે. યશસ્વી જયસ્વાલ 24 રન બનાવી પેવેલિયન પરત ફર્યો હતો.

ન્યૂ ચંદીગઢમાં અફઘાનિસ્તાન સામેની ટેસ્ટમાં ભારતે ટોસ જીતીને બેટિંગ કરવાનો નિર્ણય લીધો છે. ભારત તરફથી સ્પિન બોલિંગ ઓલરાઉન્ડર માનવ સુથારે ડેબ્યૂ કર્યું છે.

મોરબીના હળવદના ચરાડવા નજીક આજે અકસ્માત સર્જાયો છે. અજાણ્યા વાહન સાથે કારના અકસ્માતમાં 3 લોકોનાં ઘટના સ્થળે મોત થયા છે, જ્યારે 4 લોકોને ગંભીર ઇજાઓ પહોંચતા હોસ્પિટલ ખસેડાયા છે.

કોકરોચ જનતા પાર્ટી (CJP) ના સ્થાપક અભિજીત દીપકે શનિવારે સવારે 7:45 વાગ્યે અમેરિકાથી દિલ્હી પહોંચ્યા. અહીંથી તેઓ સીધા પાર્લામેન્ટ સ્ટ્રીટ પોલીસ સ્ટેશન જશે અને જંતર-મંતર પર પ્રદર્શનની મંજૂરી લેશે.