નિલેશ વાઘેલા 
મુંબઈ: અખાતી યુદ્ધ શરૂ થયુ ત્યારથી ફોરેક્સ માર્કેટમાં ડોલર સામે રૂપિયો સતત મૂલ્ય ગુમાવી રહ્યો છે. જોકે આજે તે આજે એકાએક સ્પ્રિંગની જેમ ઉછળી ને ૫ચાસ પૈસા ઊંચી સપાટીએ પહોચ્યો છે. જાણો આની પાછળના કારણો..

વિદેશી હૂંડિયામણ બજારના સાધનો અનુસાર રૂપિયાના આ ઉછાળા પાછળ રિઝર્વ બેંકે લીધેલા પગલાની અસર છે.
RBI દ્વારા સરકારી સિક્યોરિટીઝમાં FPI રોકાણના ધોરણોને ઉદાર બનાવ્યા બાદ,  રૂપિયો યુએસ ડોલર સામે નોંધપાત્ર રીતે મજબૂત થયો, 50 પૈસા વધીને 95.24ની સપાટી પર પહોંચ્યો હતો. આ પગલા સાથે, કેન્દ્રીય બેંક દ્વારા  ફોરેક્સ રિઝર્વને વધુ મજબૂત બનાવવાનો દાવો કર્યો હોવાથી, રોકાણકારોનો વિશ્વાસ વધ્યો હતો. 

રિઝર્વ બેંકે તેનો રિપોઝિશન રેટ 5.25 ટકાના સ્તર પર જાળવી રાખ્યો છે અને GDP તથા ફુગાવાના અંદાજોને સમાયોજિત કર્યા છે. 
RBI દ્વારા સરકારી સિક્યોરિટીઝમાં FPI રોકાણ માટેના ધોરણોને ઉદાર બનાવ્યા પછી શુક્રવારે રૂપિયો યુએસ ડોલર સામે 50 પૈસા વધીને સત્ર દરમિયાન 95.24 પર પહોંચ્યો હોવાથી ફોરેક્સ માર્કેટમાં હાશકારાની લાગણી પ્રસરી હતી.

ફોરેક્સ ડીલરોએ જણાવ્યું હતું કે RBI નીતિમાં જાહેરાતોથી રોકાણકારોના સેન્ટિમેન્ટને ટેકો મળ્યો છે અને વિશ્વાસમાં વધારો થયો છે, કારણ કે સર્વોચ્ચ બેંકે ભારપૂર્વક જણાવ્યું હતું કે દેશનો ફોરેક્સ રિઝર્વ બાહ્ય આંચકાઓ સામે પૂરતો બફર પૂરો પાડે છે.

આંતરબેંક વિદેશી વિનિમય બજારમાં, ખુલતા સત્રમાં રૂપિયો ડોલર સામે  95.72 પર ખુલ્યો, ત્યાર પછી ઇન્ટ્રાડે ટ્રેડમાં 95.24 પર સ્પર્શ્યો, જે તેના અગાઉના બંધ કરતા 50 પૈસાનો વધારો દર્શાવે છે.

ગુરુવારે, રૂપિયો યુએસ ડોલર સામે 2 પૈસા વધીને 95.74 પર સ્થિર થયો હતો. શુક્રવારે રિઝર્વ બેંકે અપેક્ષા મુજબ સતત બીજી વખત વ્યાજ દરોમાં કોઈ ફેરફાર કર્યો ન હતો કારણ કે પશ્ચિમ એશિયાના સંકટને કારણે ઇંધણના ભાવમાં વધારો અને પુરવઠામાં વિક્ષેપની અસરના મૂલ્યાંકનનો આધાર લીધો હતો.

ચાલુ નાણાકીય વર્ષ માટે બીજી દ્વિમાસિક નાણાકીય નીતિની જાહેરાત કરતા, RBI ગવર્નર સંજય મલ્હોત્રાએ જણાવ્યું હતું કે નાણાકીય નીતિ સમિતિ (MPC) એ સર્વાનુમતે તટસ્થ વલણ સાથે ટૂંકા ગાળાના ધિરાણ દર અથવા રેપો રેટ 5.25 ટકા પર જાળવી રાખવાનો નિર્ણય લીધો છે.