જકાર્તામાં ભારતની ટોચની બૅડમિન્ટન ખેલાડી અને ઑલિમ્પિક્સના બે મેડલ જીતી ચૂકેલી પી. વી. સિંધુ ઇન્ડોનેશિયા ઓપનના પ્રથમ રાઉન્ડમાં થાઇલૅન્ડની બુસેનન ઑન્ગબામરુનગ્ફાન સામે 25-23, 21-16થી જીતીને બીજા રાઉન્ડમાં પહોંચી ગઈ છે. જોકે ભૂતપૂર્વ વર્લ્ડ નંબર-વન કિદામ્બી શ્રીકાંત અને લક્ષ્ય સેન તેમની સિંગલ્સના પ્રથમ રાઉન્ડમાં જ પરાજિત થયા હતા.

ઉત્તરાખંડમાં 19 એપ્રિલથી શરૂ થયેલી  ચારધામ યાત્રામાં મોટી સંખ્યામાં શ્રદ્ધાળુઓ દર્શન માટે ઉમટી રહ્યા છે. જેમાં અત્યાર સુધી 28 લાખથી વધુ શ્રદ્ધાળુઓ દર્શન કરી ચૂક્યા છે. જોકે, આ બધા વચ્ચે શ્રદ્ધાળુઓ દ્વારા ફેંકવામાં આવતો કચરો વહીવટીતંત્રની ચિંતાનો વિષય બન્યો છે. જેમાં 31 મે સુધીના આંકડા મુજબ ચારધામમાંથી 288 ટનથી વધુ કચરો એકત્ર કરવામાં આવ્યો છે.

જર્મન એરપોર્ટ પરથી પસાર થતા ભારતીય પ્રવાસીઓ માટે રાહતના સમાચાર આવ્યા છે. જેમાં હવે જર્મનીના એરપોર્ટ પર ભારતીયોને ટ્રાન્ઝિટ વિઝાની જરૂર નહિ રહે. આ નિર્ણયનો આવતીકાલથી અમલ થશે. નવી દિલ્હીમાં જર્મન દૂતાવાસે જણાવ્યું હતું કે આ પગલું ભારત-જર્મનીના સંબંધોને મજબૂત બનાવવા  લીધો છે.

ભારત વતી બે ટેસ્ટ અને આઠ વન-ડે રમનાર ભૂતપૂર્વ લેગ-સ્પિનર સાઇરાજ બહુતુલેને બીસીસીઆઇએ ભારતીય ટીમના સ્પિન બોલિંગ-કોચ તરીકે નિયુક્ત કર્યો છે. તેણે આ પહેલાં અન્ડર-19 અને ઇન્ડિયા-એ ટીમને કોચિંગ આપ્યું હતું. 53 વર્ષના બહુતુલેએ પ્રથમ કક્ષાની ક્રિકેટમાં કુલ 630 વિકેટ લીધી હતી અને 6,176 રન બનાવ્યા હતા. અગાઉ તેણે ગુજરાત, કેરલમ, વિદર્ભ અને બંગાળની ટીમને પણ કોચિંગ આપ્યું હતું.

નેપાળના વડાપ્રધાન બાલેન શાહે ભારત નેપાળ સરહદ વિવાદ અંગે નિવેદન આપ્યું હતું. જેમાં તેમણે આ મુદ્દો બ્રિટન સમક્ષ ઉઠાવવાની વાત કરી હતી. જેની બાદ ભારતના વિદેશ મંત્રાલયે વળતો જવાબ આપ્યો છે. તેમજ કહ્યું કે  દ્વિપક્ષીય મુદ્દો છે અને લગભગ 98 ટકા સરહદનું સીમાંકન કરવામાં આવ્યું છે.

CBSEમાં 'ઓન-સ્ક્રીન માર્કિંગ' (OSM) માં કથિત ગેરરીતિઓ અને પોર્ટલમાં આવેલી ગંભીર ટેકનિકલ ખામીઓને પગલે સરકારે સીબીએસઈના ચેરમેન રાહુલ સિંહ અને સેક્રેટરી હિમાંશુ ગુપ્તા બંનેની તાત્કાલિક અસરથી પદ પરથી બદલી કરી દીધી છે.

તમિલનાડુના રાજકારણમાં મોટા બદલાવના સંકેતો મળી રહ્યા છે. જેમાં રાજ્યના ભૂતપૂર્વ ભાજપ પ્રમુખ કે. અન્નામલાઈએ મંગળવારે રાષ્ટ્રીય અધ્યક્ષ નીતિન નબીનને  રાજીનામું સુપરત કર્યું છે. જેની બાદ તેમણે કેન્દ્રીય ગૃહમંત્રી અમિત શાહ સાથે મુલાકાત કરી હતી.

પીએમ મોદી એક નવો રેકોર્ડ બનાવવા જઇ રહ્યા છે. પીએમ મોદી પૂર્વ વડાપ્રધાન જવાહરલાલ નહેરુનો લાંબા સમય સુધી વડાપ્રધાન રહેવાનો રેકોર્ડ નવ જૂનના રોજ તોડશે. આ દિવસે પીએમ મોદીને તેમના ત્રીજા કાર્યકાળના બે વર્ષ પૂર્ણ થવા જઇ રહ્યા છે. પૂર્વ વડાપ્રધાન જવાહરલાલ નહેરુ 4397 દિવસ એટલે કે 12 વર્ષ 14 મહિના સુધી સત્તામાં રહ્યા હતા. પીએમ મોદીને  9 જૂનના રોજ વડાપ્રધાન પદ પર  4398 દિવસ થશે.
 

ગુજરાત સરકારે વહીવટી માળખામાં મોટો ફેરફાર કર્યો છે.જેમાં સામાન્ય વહીવટી વિભાગે  જીએએસ કેડરના 68 અધિકારીની બદલી અને બઢતીના આદેશ કર્યા છે.

મુખ્ય પ્રધાન ભૂપેન્દ્ર પટેલે માંજલપુર વિધાનસભા મત વિસ્તારના ધારાસભ્ય  યોગેશ  પટેલના અવસાન અંગે ઘેરા શોક અને દુ:ખની લાગણી વ્યક્ત કરી હતી. તેમણે X પર લખ્યું, માંજલપુરના ધારાસભ્ય યોગેશભાઈ પટેલના નિધન પર દુઃખની લાગણી વ્યક્ત કરું છું.   રાષ્ટ્રસેવા અને જનસેવાના કાર્યોમાં તેઓ અવિરત કર્તવ્યરત રહ્યા હતા અને સામાન્યજનના હૃદયમાં આગવું સ્થાન પ્રાપ્ત કર્યું હતું. ઈશ્વર તેમના આત્માને શાંતિ આપે અને શોકગ્રસ્ત પરિવાર તથા સમર્થકોને આ દુઃખ સહન કરવાની શક્તિ આપે તેવી પ્રાર્થના.

ઉત્તર પ્રદેશના ગાઝિયાબાદમાં સૂર્યા ચૌહાણ હત્યા કેસ બાદ પોલીસ અને વહીવટીતંત્ર એક્શનમાં આવ્યું છે. જેમા  જીલ્લા મેજીસ્ટ્રેટ અને પોલીસ કમિશ્નર પોલીસ દળ સાથે ખોડા પહોંચ્યા છે.  આ કેસમાં પોલીસે ત્રણ ગેરકાયદે મદરેસાની ઓળખ કરવામાં આવી છે. જેને નોટીસ આપવામાં આવી છે.જેને સીલ કરવાની કાર્યવાહી કરવામાં આવી રહી છે.

વડોદરાના માંજલપુરના ધારાસભ્ય યોગેશ પટેલનું અવસાન થયું છે. છેલ્લા થોડા દિવસોથી હોસ્પિટલમાં સારવાર ચાલતી હતી. આમ ફરી વિધાનસભા ખંડિત થઈ છે.

દેશના અગ્રણી ઉદ્યોગપતિ અને વેદાંતા ગ્રુપના ચેરમેન અનિલ અગ્રવાલના અનેક સ્થળો પર ઇડીએ દરોડા પાડવામાં આવી રહ્યા છે. ઇડીએ ફેમાના નિયમોના ભંગ બદલ આ દરોડા પાડયા છે.

મહારાષ્ટ્રમાં વિધાન પરિષદની 17 બેઠક માટે થનારી ચૂંટણી પહેલા રાજકારણમાં આવ્યો ગરમાવો. છત્રપતિ સંભાજીનગરમાં બંને જૂથના બંને દિગ્ગજ નેતાઓએ જાહેરમાં આપેલા નિવેદનને કારણે બંને પક્ષ એક થવાના મળ્યા સંકેતો.

પ્રાંતિજ નગરપાલિકાના 15 કોર્પોરેટરોના સામુહિક રાજીનામા મામલે ભાજપ સંગઠન એક્શનમાં આવ્યું છે અને મામલો થાળે પાડવાની કવાયત હાથ ધરવામાં આવી હોવાનું સૂત્રોએ જણાવ્યું છે.

રાજ્યમાં પ્રી મોન્સૂન ગતિવિધિના કારણે વરસાદ શરૂ થયો છે. આજે સવારે 8 થી 10 કલાકના સમયગાળામાં એક પણ તાલુકામાં વરસાદ નોંધાયો નથી. જ્યારે સવારે 6 થી 8 ના સમયગાળામાં 6 તાલુકામાં વરસાદ પડ્યો હતો.

અમેરિકામાં વસતા ગેરકાયદેસર ઇમિગ્રન્ટ્સ અને ખાસ કરીને કોમર્શિયલ ડ્રાઈવરો સામે ટ્રમ્પ સરકારે લાલ આંખ કરી છે. યુએસ બોર્ડર પેટ્રોલ એજન્ટોએ એરિઝોનાના યુમા સેક્ટરમાં 'ઓપરેશન ચેકમેટ' હેઠળ કાર્યવાહી કરીને કુલ 52 લોકોની ધરપકડ કરી છે, જેમાં 30 ભારતીય ટ્રક ડ્રાઈવરોનો સમાવેશ થાય છે. યુએસ કસ્ટમ્સ એન્ડ બોર્ડર પ્રોટેક્શનના જણાવ્યા અનુસાર, આ ધરપકડ 11 થી 15 મે દરમિયાન કરવામાં આવી હતી.

સપ્તાહના બીજા સેશનમાં માર્કેટમા વેચવાલીનું પ્રેશર જોવા મળ્યું છે. નિફ્ટી 23,300ની નીચે સરકી ગયો છે. તો સેન્સેક્સમાં 340 પોઇન્ટનો ઘટાડો જોવા મળ્યો છે. સેન્સેક્સ સોમવારના બંધ 74,267.34ના લેવલથી 322.14 પોઇન્ટ ઘટી 73,945.20ની સપાટીએ ખુલ્યો છે. તો નિફ્ટી સોમવારે 23,382.60ની સપાટીએ બંધ થયો હતો. મંગળવારે નિફ્ટી 153.45 પોઇન્ટ ઘટી 23,229.15ની સપાટીએ ખુલ્યો છે.

રાજ્યમાં સવારે 6 થી 8 કલાકના સમયગાળા દરમિયાન 6 તાલુકામાં વરસાદ નોંધાયો હતો. સામીમાં 0.55 ઇંચ, કામરેજમાં 0.28 ઇંચ, ઓલપાડમાં 0.24 ઇંચ, ઓગડમાં 0.16 ઇંચ, વિસનગરમાં 0.16 ઇંચ, ડાંગમાં 0.04 ઇંચ વરસાદ નોંધાયો હતો.