નિધિ ભટ્ટ

ફિલ્મ ઈન્ડસ્ટ્રીના જાણીતા અને માનીતા ડિરેક્ટર સંજય લીલા ભણસાલીની લોકપ્રિય વેબ સિરીઝ ‘હીરામંડી’માં લાજજોના પાત્રથી વાહવાહી મેળવ્યા બાદ બોલિવૂડ એક્ટ્રેસ રિચા ચઢ્ઢા હવે એક સાવ અલગ અવતારમાં પડદા પર પરત ફરી રહી છે. રિચાના અભિનયમાં જે ધાર જોવા મળે છે, તે હવે એક ક્રાઈમ થ્રિલર સિરીઝમાં જોવા મળશે, જેણે અત્યારથી જ ચાહકોમાં ઉત્તેજના વધારી દીધી છે. ચાલો જાણીએ શું છે રિચા ચઢ્ઢાનો આ નવો પ્રોજેક્ટ...

બોલિવૂડ એક્ટ્રેસ રિચા ચઢ્ઢાએ હાલમાં મધરહૂડને માણી રહી છે અને એમાં પણ ફેમસ વેબસિરીઝ ‘હીરામંડી’ની સફળતા બાદ રિચા ચઢ્ઢા કંઈક નવું અને પડકારજનક કરવા માગતી હતી, જે હવે આ જાસૂસી પાત્ર દ્વારા પૂર્ણ થવા જઈ રહ્યું છે.

બોલિવૂડ એક્ટ્રેસ રિચા ચઢ્ઢા હાલમાં એક મોટા અને જાણીતા ઓટીટી પ્લેટફોર્મની ક્રાઈમ થ્રિલર સીરિઝમાં જાસૂસ (ઉયયિંભશિંદય)ની ભૂમિકામાં જોવા મળશે. મળતી માહિતી અનુસાર આ રોલમાં રિચા એક શાંત, સમજદાર અને ગંભીર વિચાર ધરાવતી મહિલા તરીકે દેખાશે, જે તેના અગાઉના બોલ્ડ પાત્રો કરતા તદ્દન અલગ હશે.

આ પ્રોજેક્ટ સાથે સંકળાયેલા નજીકના સૂત્રોના જણાવ્યા અનુસાર આ સિરીઝનું શૂટિંગ શરૂ થઈ ચૂક્યું છે અને તેની વાર્તા જટિલ ગુનાખોરી અને તેની તપાસની આસપાસ વણાયેલી છે. ફેન્સ આ સમાચાર સાંભળીને એકદમ આનંદમાં આવી ગયા છે. લાંબા સમય બાદ પોતાની ફેવરેટ સ્ટારને મોટા પડદા પર જોવા માટે તેઓ ખૂબ જ ઉત્સુક છે.

વાત કરીએ રિચાના વર્કફ્ન્ટની તો 2008માં ‘ઓય લકી! લકી ઓય!’થી કરિયરની શરૂઆત કરનાર રિચાને 2012માં ‘ગેંગ્સ ઓફ વાસેપુર’થી અસલી ઓળખ મળી હતી. આ સિવાય વેબ સિરીઝ ‘હીરામંડી’માં તેણે પોતાની એક્ટિંગથી એ સાબિત કરી દીધું કે તે ભલે ગમે તેટલા નાના રોલમાં હોય, પણ પોતાની મજબૂત છાપ છોડી જાય છે. હવે આ નવો રોલ તેના કરિયરમાં એક નવો માઈલસ્ટોન સાબિત થઈ શકે છે.