કુવા માલિકોને તહસીલદારની નોટિસ; ૧૫ જૂન સુધી વરસાદની પણ રાહ જોવી પડશે

મુંબઈ: તહસીલદાર કચેરીઓએ મુંબઈના ખાનગી કુવા માલિકોને સેન્ટ્રલ ગ્રાઉન્ડ વોટર ઓથોરિટી પાસેથી પરવાનગી મેળવવા માટે નોટિસ મોકલી છે. તેમને સાત દિવસની અંદર નો-ઓબ્જેક્શન સર્ટિફિકેટ (NOC) સબમિટ કરવાનું કહેવામાં આવ્યું છે. ટેન્કર ડ્રાઇવરોએ આ નિર્ણય સામે રવિવાર, 7 જૂનની રાતથી એટલે કે સોમવાર સવારથી હડતાળ પર જવાની ધમકી આપી છે.
મુંબઈમાં ખાનગી કુવાઓમાંથી મોટા પાયે પાણી ખેંચીને ટેન્કર દ્વારા વિવિધ સ્થળોએ પહોંચાડવામાં આવતું હોવાથી, ભૂગર્ભજળનું સ્તર ઘટી રહ્યું છે. આને નિયંત્રિત કરવા માટે, કેન્દ્ર સરકારના જળશક્તિ મંત્રાલયે સપ્ટેમ્બર 2020 માં નવા નિયમો રજૂ કર્યા હતા. 

પાણી કાઢવાના ધોરણો પણ નક્કી કરાયા
આ નિયમો અનુસાર કૂવા માલિકો પર ઘણી શરતો લાદવામાં આવી છે. કેટલું પાણી કાઢી શકાય તે અંગેના ધોરણો પણ નક્કી કરવામાં આવ્યા છે. કુવા માલિકો માટે સેન્ટ્રલ ગ્રાઉન્ડ વોટર ઓથોરિટીની પરવાનગી રજૂ કરવી ફરજિયાત બનાવવામાં આવી છે.ગયા વર્ષે, મુંબઈ મ્યુનિસિપલ કોર્પોરેશને ટેન્કર માલિકોને નોટિસ ફટકારી હતી, પરંતુ તેઓ અત્યાર સુધી આ પરવાનગી રજૂ કરવાનું ટાળી રહ્યા હતા. આ નોટિસના હડતાળ પણ પાડી હતી, જે પાંચ દિવસ સુધી ચાલી હતી. જોકે, કુવા માલિકોને સમયમર્યાદા લંબાવી આપ્યા બાદ હડતાળ પાછી ખેંચાઈ હતી. આ સંદર્ભમાં ટેન્કર ચાલકોએ કોર્ટમાં અરજી પણ દાખલ કરી છે. 

સાત દિવસમાં પરવાનગી સબમીટ કરો
આ વર્ષે, ફરી તહસીલદાર કચેરીઓ દ્વારા કુવા માલિકોને નોટિસ ફટકારવામાં આવી છે. જો સાત દિવસમાં પરવાનગી સબમિટ કરવામાં નહીં આવે તો વીજળી પુરવઠો કાપી નાખવામાં આવશે અને પર્યાવરણ (સંરક્ષણ) અધિનિયમ, 1986 હેઠળ કાર્યવાહી કરવામાં આવશે.જો આ હડતાળ પડશે, તો આગામી સોમવારથી રહેણાંક સોસાયટીઓ, વાણિજ્યિક સંસ્થાઓ, બાંધકામ સ્થળો અને ટેન્કરના પાણી પર આધાર રાખતા વિવિધ આવશ્યક ક્ષેત્રોને સેવા આપતી સપ્લાય ચેઇન ખોરવાઈ જશે.

15 જૂન સુધી વરસાદ નહીં આવે
આ વર્ષે એવું કહેવામાં આવ્યું હતું કે ચોમાસું કેરળમાં વહેલું આવશે. એવી આગાહી કરવામાં આવી હતી કે ચોમાસું મે મહિનાના અંત સુધીમાં કેરળમાં અને પછી તરત જ મહારાષ્ટ્રમાં પહોંચશે. પરંતુ આ આગાહી સંપૂર્ણપણે ખોટી સાબિત થઈ. હવે ચોમાસુ કેરળમાં પ્રમાણમાં મોડું પહોંચ્યું છે. કેરળ પછી, ચોમાસુ હવે તળ કોંકણમાં પણ પહોંચી ગયું છે.મહારાષ્ટ્રમાં ચોમાસાના આગમનના સમાચારે ખેડૂતોએ વાવણી માટેની તૈયારીઓ પૂર્ણ કરી લીધી છે. ટૂંક સમયમાં રાજ્યભરમાં વાવણી થશે. આ દરમિયાન, રાજ્ય સરકારે હવે ચોમાસા અને વરસાદ અંગે એક મહત્વપૂર્ણ આગાહી કરી છે. આ આગાહીએ એક રીતે ખેડૂતોની ચિંતા વધારી દીધી છે.