આજના સમયમાં જ્યાં ઓનલાઈન છેતરપિંડી અને છેતરપિંડીના સમાચાર સામાન્ય બની ગયા છે, ત્યાં ઈમાનદારી અને માનવતાનું એક અદભૂત ઉદાહરણ સોશિયલ મીડિયા પર વાયરલ થઈ રહ્યું છે. આ પ્રેરણાદાયી કિસ્સો એક ફળ વેચનારનો છે, જેણે આર્થિક તંગી હોવા છતાં પોતાની પ્રામાણિકતાને ડગવા દીધી નથી.

સોશિયલ મીડિયા પર વાયરલ થયેલી જાણકારી મુજબ, એક વ્યક્તિ (ગ્રાહક) બજારમાં ફળ ખરીદવા ગયો હતો. ફળોની ખરીદી કર્યા બાદ, તેણે ડિજિટલ ઇન્ડિયાના યુગમાં રોકડને બદલે UPI (Google Pay અથવા PhonePe) દ્વારા પેમેન્ટ કરવાનું પસંદ કર્યું. ઉતાવળમાં અને કદાચ ધ્યાન ન રહેવાને કારણે, ગ્રાહકે ટાઈપિંગમાં ભૂલ કરી અને જેટલા રૂપિયા ચૂકવવાના હતા તેના કરતા અનેકગણી વધારે રકમ ફળ વેચનારના ખાતામાં ટ્રાન્સફર કરી દીધી. ગ્રાહકને પોતાની ભૂલનો અંદાજ પણ નહોતો અને તે ફળો લઈને ત્યાંથી નીકળી ગયો હતો.

Accidentally paid ₹1515 instead of ₹15 at a fruit shop.

Yesterday evening, while talking with my friends, I bought 3 bananas worth ₹15.

I was distracted in conversation, entered the amount without properly checking the screen, typed the UPI pin, took the fruits, and left.… pic.twitter.com/ioJi9DG5iZ

— SUPERBRO (@Rushu_Tushu) May 6, 2026

થોડીવાર પછી જ્યારે ફળ વેચનાર ફેરિયાના મોબાઈલ પર મેસેજ આવ્યો, ત્યારે તેણે જોયું કે તેની લારીની આખા દિવસની કમાણી કરતા પણ અનેકગણી રકમ તેના ખાતામાં આવી ગઈ છે. કોઈ સામાન્ય માણસ કદાચ આ લાલચમાં આવી જતો, પરંતુ આ ફળ વેચનાર અલગ માટીનો બનેલો હતો.

તેણે તરત જ આસપાસ નજર દોડાવી અને પેલા ગ્રાહકને શોધવાનું શરૂ કર્યું. તેને ગ્રાહક મળી ગયો અને તેણે પ્રામાણિકતાથી જણાવ્યું કે, સાહેબ, તમે ભૂલથી મને વધારે પૈસા મોકલી દીધા છે. ગ્રાહક જ્યારે પોતાનો ટ્રાન્ઝેક્શન હિસ્ટ્રી જોયો ત્યારે તે પણ સ્તબ્ધ થઈ ગયો હતો. ફળ વેચનારે એક પણ ક્ષણની લાલચ રાખ્યા વગર વધારાની તમામ રકમ ગ્રાહકને પરત કરી દીધી.

ગ્રાહકે ફળ વેચનારના આ ઉમદા કાર્યથી પ્રભાવિત થઈને તેની વાર્તા અને ફોટો સોશિયલ મીડિયા પર શેર કર્યો. આ પોસ્ટ જોતજોતામાં વાઈરલ થઈ ગઈ અને લોકો આ ફળ વેચનારની ઈમાનદારીના વખાણ કરી રહ્યા છે. યુઝર્સ કહી રહ્યા છે કે, "ભલે આ વ્યક્તિ લારી ચલાવે છે, પણ તેના વિચારો અને સંસ્કાર કોઈ અબજોપતિ કરતા પણ ઉંચા છે." આ કિસ્સો એ પણ દર્શાવે છે કે ટેકનોલોજીના યુગમાં હજુ પણ લોકો એકબીજા પર વિશ્વાસ રાખી શકે છે.