જયપુર: ભારતમાં કોકરોચ જનતા પાર્ટીની સ્થાપના કરીને ચર્ચામાં આવેલા તેના સ્થાપક અભિજીત દીપકેને જયપુરમાં વિરોધ પ્રદર્શન દરમિયાન લોકો દ્વારા માર મારવામાં આવ્યો છે. અભિજીત દીપકે જયપુરમાં આયોજિત NEET પેપર લીક, શિક્ષણ વ્યવસ્થા અને બેરોજગારી જેવા મુદ્દા પરના પ્રદર્શનમાં હિસ્સો લેવા પહોંચ્યા હતા. જેમાં ભીડમાં હાજર લોકોએ તેમને વારંવાર થપ્પડ મારી હતી.
પોલીસે થપ્પડ મારનાર વ્યક્તિની ધરપકડ કરી
આ અંગે મળતી માહિતી મુજબ ભીડ વચ્ચે ત્રણ વ્યક્તિઓ આવી પહોંચ્યા હતા. તેમાંથી એક વ્યક્તિ આગળ આવ્યો હતો અને અભિજિત દીપકેને વારંવાર થપ્પડ મારી હતી. જોકે, પોલીસે તાત્કાલિક થપ્પડ મારનાર વ્યક્તિની ધરપકડ કરી અને તેને વિદ્યાકપુરી પોલીસ સ્ટેશન લઈ ગયો.
राजस्थान –
— Sachin Gupta (@Sachingupta) June 15, 2026
जयपुर में कॉकरोच जनता पार्टी के संस्थापक अभिजीत दीपके को कुछ लोगों ने थप्पड़ मारे। आज CJP का जयपुर में प्रोटेस्ट था। समर्थकों ने दोनों युवकों को पीट डाला। pic.twitter.com/mDDnQpXp7d
ઘણા લોકોના મોબાઈલ ફોન ચોરાઈ ગયા હોવાના અહેવાલો
આ ઉપરાંત વિરોધ પ્રદર્શન દરમિયાન ઘણા લોકોના મોબાઈલ ફોન ચોરાઈ ગયા હોવાના અહેવાલો પ્રકાશમાં આવ્યા હતા. આ થપ્પડ મારવાની ઘટનાથી સ્થળ પર હોબાળો મચી ગયો હતો. તેમજ સ્ટેજ પરથી લોકોને તેમના મોબાઈલ ફોન સુરક્ષિત રાખવા વિનંતી કરતી જાહેરાતો કરવામાં આવી રહી હતી. આ ઘટનાના એક વીડિયોમાં સ્પષ્ટપણે જોવા મળે છે કે સીજેપીના સ્થાપક અભિજીત દિપકે સ્ટેજ તરફ આગળ વધી રહ્યા છે જ્યારે તેમને તેમના સમર્થકો ખભા પર લઈ જઈ રહ્યા હતા.
