Tue Nov 17 2026

Logo

બ્રેકિંગ ન્યૂઝ: 06 Oct 2026 દેશ-વિદેશના તમામ લેટેસ્ટ અને બ્રેકિંગ સમાચારો માટે અહીં અપડેટ રહો

2026-10-06 07:51:00
Author: Mumbai Samachar Team
બ્રેકિંગ ન્યૂઝ: 06 Oct 2026 દેશ-વિદેશના તમામ લેટેસ્ટ અને બ્રેકિંગ સમાચારો માટે અહીં અપડેટ રહો

દેશ-વિદેશના તમામ લેટેસ્ટ અને બ્રેકિંગ સમાચારો માટે અહીં અપડેટ રહો. રાજકારણ, વેપાર, રમતગમત, મનોરંજન અને ટેકનોલોજી સહિતના તમામ ક્ષેત્રની ઝડપી અને સચોટ માહિતી માટે અહીં અપડેટ રહો.

Live Updates

2026-10-06 21:44:19

2036 ની ઓલિમ્પિક રમતોની યજમાની માટે  ભારત સહિત સાત દેશો રેસમાં

સ્મૃતિ મંધાનાને મંગળવારે ભારતીય મહિલા ક્રિકેટ ટીમની નવી કૅપ્ટન તરીકે નિયુક્ત કરવામાં આવી હતી. હરમનપ્રીત સિંહે અચાનક કેપ્ટન્સી છોડી દીધી એને પગલે ક્રિકેટ બોર્ડે સ્મૃતિને નૅશનલ વિમેન્સ ટીમનું સુકાન સોંપ્યું છે. સ્મૃતિ ભારતની ટોચની બૅટર તો છે જ, અનેક વિક્રમો પોતાના નામે કરવા બદલ તે સમગ્ર ક્રિકેટજગતમાં પણ લોકપ્રિય છે.

2026-10-06 21:34:55

સ્મૃતિ મંધાના ભારતની નવી કૅપ્ટન

સ્મૃતિ મંધાનાને મંગળવારે ભારતીય મહિલા ક્રિકેટ ટીમની નવી કૅપ્ટન તરીકે નિયુક્ત કરવામાં આવી હતી. હરમનપ્રીત સિંહે અચાનક નિવૃત્તિ જાહેર કરી દીધી એને પગલે ક્રિકેટ બોર્ડે સ્મૃતિને નૅશનલ વિમેન્સ ટીમનું સુકાન સોંપ્યું છે. સ્મૃતિ ભારતની ટોચની બૅટર તો છે જ, અનેક વિક્રમો પોતાના નામે કરવા બદલ તે સમગ્ર ક્રિકેટજગતમાં પણ લોકપ્રિય છે.

2026-10-06 21:16:40

વેસ્ટ ઇન્ડિઝ 171માં આઉટ, સાત વિકેટ સ્પિનરોએ લીધીઃ અભિષેક-સૅમસન વહેલા આઉટ

વર્લ્ડ નંબર-વન ભારત સામે સિરીઝની પ્રથમ ટી-20માં વેસ્ટ ઇન્ડિઝની ટીમ 19.1 ઓવરમાં 171 રનના સાધારણ સ્કોર પર ઑલઆઉટ થઈ ગઈ હતી. પહેલી જ ટી-20 રમી રહેલા સ્પિન ઑલરાઉન્ડર નમન ધીરે સૌથી વધુ ત્રણ વિકેટ, અક્ષર પટેલે બે વિકેટ તેમ જ કુલદીપ યાદવે પણ બે વિકેટ લીધી હતી. એક-એક વિકેટ અર્શદીપ અને મયંક યાદવને મળી હતી. શાઇ હોપ (37 બૉલમાં બાવન રન) અને શેરફેન રુધરફર્ડ (34 બૉલમાં 56 રન) વચ્ચેની 63 રનની ભાગીદારીએ કૅરિબિયન ટીમની આબરૂ સાચવી હતી. ભારતે 172 રનના લક્ષ્યાંકના જવાબમાં 29મા રને અભિષેક શર્મા (21 રન) અને 35મા રને સૅમસન (11 રન)ની વિકેટ ગુમાવી દીધી હતી.

2026-10-06 20:23:46

દિલ્હી પોલીસે રાહુલ-પ્રિયંકા ગાંધીની કરી અટકાયત

ચૂંટણી પંચની કામગીરી વિરોધમાં કોંગ્રેસ સહિત વિપક્ષના સાંસદોએ લગભગ સાત કલાકથી વધુ સમયથી ધરણા ધર્યાં પછી દિલ્હી પોલીસે કોંગ્રેસના સાંસદ રાહુલ ગાંધી અને પ્રિયંકા ગાંધી સહિત અન્ય લોકોની અટકાયત કરી હતી.

2026-10-06 20:05:07

વેસ્ટ ઇન્ડિઝે 44 રનમાં ત્રણ વિકેટ ગુમાવી, પણ શાઇ હોપ અડીખમ

લખનઊમાં વેસ્ટ ઇન્ડિઝે ભારત સામે સિરીઝની પ્રથમ ટી-20માં બૅટિંગ મળ્યા બાદ ખરાબ શરૂઆત કરી અને 44 રનમાં ત્રણ વિકેટ ગુમાવી દીધી હતી. જોકે કૅપ્ટન શાઈ હોપ 32 બૉલમાં બનાવેલા 41 રન સાથે ક્રીઝમાં અડીખમ હતો. અર્શદીપ અને અક્ષરે એક-એક વિકેટ લીધી હતી, જ્યારે હેટમાયર શ્રેયસ-સૅમસનના હાથે રનઆઉટ થયો હતો. ફાસ્ટ બોલર મયંક યાદવ અને ચાઇનામૅન સ્પિનર કુલદીપને એક પણ વિકેટ નહોતી મળી. 10મી ઓવરને અંતે કૅરિબિયનોનો સ્કોર ત્રણ વિકેટે 82 રન હતો.

2026-10-06 19:08:03

એર માર્શલ આશુતોષ દીક્ષિત વાયુ સેનાના નવા પ્રમુખ બનશે

એર માર્શલ આશુતોષ દીક્ષિત 31 ઓક્ટોબર 2026ના ભારતીય હવાઈ દળના 29મા પ્રમુખ બનશે. વર્તમાન ચીફ અમર પ્રીત સિંહ નિવૃત્ત થઈ રહ્યા છે ત્યારે 3,500 કલાકની ઉડાનનો અનુભવ ધરાવનારા દીક્ષિત નેશનલ ડિફેન્સ એકેડેમીના પૂર્વ વિદ્યાર્થી છે.

2026-10-06 18:47:42

શ્રેયસે ટૉસ જીતીને ફીલ્ડિંગ પસંદ કરી, વૈભવ ટીમમાં નથી

લખનઊમાં ભારતના ટી-20 કૅપ્ટન શ્રેયસ ઐયરે ટૉસ જીતીને પહેલાં ફીલ્ડિંગ કરવાનું નક્કી કર્યું છે. એશિયન ગેમ્સમાં ગોલ્ડ મેડલ જીત્યા બાદ ભારતીય ટીમનો આજે વેસ્ટ ઇન્ડિઝ સામે સિરીઝનો પ્રથમ મુકાબલો છે. વૈભવ સૂર્યવંશી, રવિ બિશ્નોઈ, પ્રિન્સ યાદવ અને નીતીશ રેડ્ડી પ્લેઇંગ-ઇલેવનમાં નથી. જોકે નમન ધીરને ઇન્ટરનેશનલ ટી-20માં ડેબ્યૂ કરવા મળ્યું છે.

2026-10-06 17:11:26

વૈષ્ણોદેવી શ્રદ્ધાળુઓ માટે નવરાત્રી પૂર્વે સારા સમાચાર, ટ્રેન હવે કટરા સ્ટેશન સુધી જશે

ગુજરાતથી જમ્મુ કાશ્મીરમાં માતા વૈષ્ણોદેવીના દર્શન માટે જતાં શ્રદ્ધાળુઓ માટે નવરાત્રી પૂર્વે સારા  સમાચાર આવ્યા છે. જેમાં ટ્રેન નંબર  19223 સાબરમતી જમ્મુ તાવી એક્સપ્રેસ હવે જમ્મુના સ્થાને માતા વૈષ્ણોદેવી કટરા (SVDK) સ્ટેશન સુધી જશે. તેમજ ટ્રેન નંબર 19224 કટરાથી સાબરમતી સુધી આવશે.

2026-10-06 13:59:39

દાહોદમાં ઈન્સ્ટા લાઇવમાં વડની ડાળ સાથે દુપટ્ટો બાંધી પ્રેમીયુગલે ફાંસો ખાધો

દાહોદના સિંગવડ તાલુકાના હીરાપુર ગામના જંગલ વિસ્તારમાં એક યુવક અને સગીરાએ આત્મહત્યા કરી છે. ઈન્સ્ટા લાઇવમાં વડની ડાળ સાથે દુપટ્ટ બાંધી પ્રેમીયુગલ લટકી ગયું હતું. ઘટનાથી સમગ્ર વિસ્તારમાં ચકચાર મચી છે. સમગ્ર ઘટનાનો લાઈવ વીડિયો પણ સામે આવ્યો છે. આત્મહત્યા કરત પહેલા તેઓ સોશિયલ મીડિયા પર ઈન્સ્ટામાં લાઈવ થયા હતા.

2026-10-06 11:06:44

ભાવનગર-તળાજા હાઈવે પર અકસ્માતમાં 5નાં મોત

ભાવનગર-તળાજા હાઈવે પર સર્જાયેલા અકસ્માતમાં 5 લોકોનાં ઘટનાસ્થળે મોત થયા છે. ત્રાજપ નજીક ટ્રક અને કાર વચ્ચે આ અકસ્માત સર્જાયો હતો. જ્યારે એકની હાલત અત્યંત ગંભીર હોવાનું જાણવા મળ્યું છે.

2026-10-06 08:13:30

પેટા ચૂંટણી મતદાનની ધીમી શરૂઆત

5 વિધાનસભા અને એક લોકસભા બેઠક પર આજે પેટાચૂંટણી માટે મતદાન થઈ રહ્યું છે. આસામની નગાંવ લોકસભા બેઠક, બંગાળની નંદીગ્રામ અને રેજીનગર વિધાનસભા બેઠક, તમિલનાડુની મદુરાંતકમ અને ધારાપુરમ વિધાનસભા બેઠક તથા પુડુચેરીની થટ્ટનચાવડી વિધાનસભા બેઠક પર આજે સવારે 7 વાગ્યાથી મતદાન ચાલી રહ્યું છે. આ ચૂંટણી સંગ્રામમાં ભાજપ, કોંગ્રેસ, TMC, DMK, TVK, CPI સહિત ઘણા મુખ્ય પક્ષો સામસામે છે. આ તમામ બેઠકોના ચૂંટણી પરિણામો 9 ઓક્ટોબરે જાહેર કરવામાં આવશે.

2026-10-06 07:51:43

ફ્લાયદુબઈ ફ્લાઇટ એટેક માટે ઇરાન જવાબદારઃ ટ્રમ્પ

અમેરિકાના રાષ્ટ્ર પ્રમુખ ટ્રમ્પે કહ્યું , ફ્લાયદુબઈ ફ્લાઇટ એટેકને લઈ મોટું નિવેદન આપ્યું હતું. તેમણે કહ્યું કે, હું આ માટે ઇરાનને જવાબદાર માનું છું. આ મારો અંગત મત છે.