નવી દિલ્હી : અમેરિકા બાદ ભારત પર સાઉથ આફ્રિકા 50 ટકા ટેરિફ લગાવે તેવી શકયતા છે. આ અંગે મળતી માહિતી મુજબ સાઉથ આફ્રિકા ભારત અને ચીનમાંથી આયાત કરતા વાહનો પર ભારે ટેરિફ લાદી શકે છે. આ અંગે અકે અહેવાલના જણાવ્યા અનુસાર સાઉથ આફ્રિકાનો વેપાર, ઉદ્યોગ અને સ્પર્ધા વિભાગ આની સમીક્ષા કરી રહ્યો છે. સાઉથ આફ્રિકા ચીન અને ભારતથી દેશમાં આવતા વાહનો પર આ ટેરિફ લાદવા માંગે છે કારણ કે તે સ્થાનિક ઓટોમોબાઈલ કંપનીઓ વધતી જતી વાહન આયાતની અસરથી ચિંતિત છે અને તેના ઉપાય પર ધ્યાન કેન્દ્રિત કરી રહ્યું છે.
સ્થાનિક કંપનીઓને ફાયદો થશે
અહેવાલ મુજબ, આ દેશોમાંથી વાહનોના પ્રવાહને રોકવા અથવા ઘટાડવાનો પ્રયાસ કરવા માટે આંતરિક સમીક્ષા ચાલી રહી છે, જેનાથી સ્થાનિક કંપનીઓને ફાયદો થશે. નીતિ નિર્માતાઓનો દલીલ છે કે આ પગલાથી સ્થાનિક ઉદ્યોગમાં સ્પર્ધા ઓછી થશે, જેનો સ્થાનિક કંપનીઓને ફાયદો થશે.
આ વિભાગ ખાસ કરીને વર્લ્ડ ટ્રેડ ઓર્ગેનાઇઝેશનના મોસ્ટ ફેવર્ડ નેશન માર્ગદર્શિકા સાથે આયાત જકાત લાવવા માટે હાલની જકાત યાદીમાં સુધારાઓની તપાસ કરી રહ્યું છે. વાહનના ભાગોની આયાત માટે પણ જકાત વધારવાનો વિચાર કરવામાં આવી રહ્યો છે.
ભારતમાંથી આયાતમાં 135 ટકાનો વધારો
હાલના ડેટા અનુસાર, ભારત અને ચીન દક્ષિણ આફ્રિકાને વાહનોના બે સૌથી મોટા આયાતકાર છે. વર્ષ 2024 માં કુલ વાહન આયાતમાં ભારત અને ચીનનો હિસ્સો અનુક્રમે 53 ટકા અને 22 ટકા હતો. આ નોંધપાત્ર બજાર હિસ્સાને કારણે દક્ષિણ આફ્રિકાના સ્થિતીનું મૂલ્યાંકન કરી રહ્યું છે. છેલ્લા ચાર વર્ષોમાં ચીનમાંથી આયાતમાં 368 ટકાનો વધારો થયો છે, જ્યારે ભારતમાંથી આયાતમાં 135 ટકાનો વધારો થયો છે. સૌથી તીવ્ર સ્પર્ધા એન્ટ્રી-લેવલ સેગમેન્ટમાં જોવા મળે છે. જ્યાં ઓછી કિંમતની આયાત સ્થાનિક ઉત્પાદકોની નફાકારકતાને પડકારી રહી છે.
