આંતરરાષ્ટ્રીય તણાવ ઘટતા સરકાર ઇમરજન્સી પગલાંની સમીક્ષા કરશે

નવી દિલ્હીઃ વૈશ્વિક પરિસ્થિતિ સ્થિર થયા પછી પશ્ચિમ એશિયામાં વધતા તણાવને કારણે શરૂ કરવામાં આવેલા ઈમરજન્સી એનર્જી સિક્યોરિટીના ઉપાયોની સરકાર સમીક્ષા કરી શકે છે અને વૈશ્વિક સ્થિતિ સ્થિર થવા પર ધીમે ધીમે પરત લઈ શકે છે, એમ એક સરકારી અધિકારીએ જણાવ્યું હતું.

ડોમેસ્ટિક એનર્જીની ઉપલબ્ધતા માટે પગલું ભર્યું હતું 

સાવચેતીના પગલાના ભાગરૂપે એલપીજી સપ્લાયની મોનિટરિંગ, ઘરેલુ નેચરલ ગેસની ફાળવણીને ફરીથી પ્રાથમિકતા આપવી અને ફ્યુઅલની જમાખોરીને રોકવા માટે અનેક નિયંત્રણો સામેલ છે. આ ઉપાયો વૈશ્વિક તેલ અને ગેસ સપ્લાયની ચેઈનમાં સંભવિત અડચણોની ચિંતાઓ વચ્ચે ઘરેલુ એનર્જીની ઉપલબ્ધતાને સુરક્ષિત કરવા માટે શરૂ કરવામાં આવ્યા હતા.

111 દિવસના યુદ્ધને સમાપ્ત કરવાના કરાર

અમેરિકા અને ઈરાને એક વચગાળાના કરાર પર હસ્તાક્ષર કર્યા છે જેના પર તેમના રાષ્ટ્રપતિઓએ તેમના 111 દિવસના યુદ્ધને સમાપ્ત કરવા માટે હસ્તાક્ષર કર્યા હતા. આ કરાર સંભવિત રીતે હોર્મુઝ સ્ટ્રેટ દ્વારા શિપિંગને ફરીથી ખોલશે અથવા સામાન્ય બનાવી શકે છે, જે વિશ્વના સૌથી મોટા ક્રૂડ આયાતકારોમાંના એક ભારત માટે નોંધપાત્ર રાહત પૂરી પાડે છે.

સરકાર પ્રતિબંધોની સમીક્ષા કરશે

અધિકારીએ કહ્યું હતું કે અમે બદલતી પરિસ્થિતિની સમીક્ષા કરી રહ્યા છીએ. વૈશ્વિક સ્તરે પરિસ્થિતિ સામાન્ય થઈ ગઈ છે તેવો વિશ્વાસ મળ્યા પછી અમે જે પગલાં લીધાં છે તેની સમીક્ષા કરવામાં આવશે અને હળવા કરવામાં આવશે. 
ઇમરજન્સી પગલાં નિવારક સ્વભાવના હતા અને તેનો હેતુ વધતી ભૂ-રાજકીય અનિશ્ચિતતાના સમયગાળા દરમિયાન આવશ્યક ઇંધણનો અવિરત પુરવઠો સુનિશ્ચિત કરવાનો હતો. જેમ જેમ આંતરરાષ્ટ્રીય પરિસ્થિતિ સામાન્ય થશે અને પુરવઠાના જોખમો ઓછા થશે તેમ તેમ સરકાર આ પ્રતિબંધોની સમીક્ષા કરશે અને તેમના તબક્કાવાર પરત લેવા પર વિચાર કરશે."

હોર્મુઝ સ્ટ્રેટ ખુલતા ઊર્જા બજારો સ્થિર થશે

ફેબ્રુઆરીના અંતમાં ઈરાન યુદ્ધ શરૂ થયા પછી સ્ટ્રેટ દ્વારા ક્રૂડ ઓઇલ અને કુદરતી ગેસ,  ખાતર બનાવવા માટે વપરાતો કાચા માલ, સીએનજીનો પુરવઠો ખોરવાઈ ગયો હતો. આનાથી ક્રૂડ ઓઇલના ભાવ, શિપિંગ વીમા પ્રિમીયમ અને નૂર દરમાં તીવ્ર વધારો થયો. 
સૂત્રોએ જણાવ્યું હતું કે હોર્મુંઝ સ્ટ્રેટ ફરીથી ખુલતા વૈશ્વિક ઊર્જા બજારોને સ્થિર કરવામાં અને ભારત જેવા ઉર્જા આયાત કરતા રાષ્ટ્રો માટે દૃષ્ટિકોણ સુધારવામાં મદદ મળશે. રિફિલ બુકિંગનો સમયગાળો વધારીને તેમ જ હોટેલ અને રેસ્ટોરન્ટ જેવા કમર્શિયલ યુઝર્સનો પુરવઠો ઘટાડીને તેના ઉપયોગને નિયંત્રિત કરવાની પણ માંગ કરવામાં આવી હતી.