કોલકાતા: પશ્ચિમ બંગાળના રાજકારણમાં થનારી ઉથલપાથલનો અંત આવ્યો નથી. તૃણમૂલ કોંગ્રેસ (TMC)ના પૂર્વ ખજાનચી અરૂપ બિસ્વાસે એક ખાનગી બેન્કને પત્ર લખીને પક્ષના આશરે ₹ 675 કરોડના ખાતાઓ પર યથાસ્થિતિ જાળવવા અને ડેબિટ વ્યવહારો રોકવા માંગ કરી છે.

પોતાને પાર્ટીના ખજાનચી ગણાવનારા તૃણમુલ કોંગ્રેસ (ટીએમસી)ના નેતા અરૂપ બિસ્વાસે એક બેન્કને પત્ર લખીને પાર્ટીના ખાતાઓના સંચાલન પર પ્રતિબંધો મૂકવાની માંગ કરી હતી. તેમણે ધારાસભ્યો અને સાંસદોના બળવા વચ્ચે પાર્ટીના નેતૃત્વ અંગે ઉભી થયેલી અનિશ્ચિતતાનો ઉલ્લેખ કર્યો હતો.

ચૂંટણી પંચને સોંપવામાં આવેલા પક્ષના ઓડિટ રિપોર્ટ અનુસાર, પક્ષના ખાતામાં જમા રકમ આશરે 675 કરોડ રૂપિયા હોવાનો અંદાજ છે, જેના કારણે ભંડોળ પર નિયંત્રણ રાજકીય અને સંગઠનાત્મક મહત્વનો મુદ્દો બની ગયો છે.

તૃણમૂલ કોંગ્રેસની અંદરના આંતરિક યુદ્ધે આજે એક નવો વળાંક લીધો હતો. જ્યારે "પાર્ટીના ખજાનચી" અરૂપ બિસ્વાસે એક બેન્કને પત્ર લખીને ધારાસભ્યો અને સાંસદોના બળવા વચ્ચે પક્ષના કાયદેસર નેતૃત્વ અંગે અનિશ્ચિતતાનો ઉલ્લેખ કરીને પક્ષના ખાતાઓના સંચાલન પર પ્રતિબંધો લાદવાની માંગ કરી હતી.

આ પગલાને ભૂતપૂર્વ મુખ્ય પ્રધાન મમતા બેનર્જીના નેતૃત્વ હેઠળના જૂથ માટે એક નવા આંચકા તરીકે જોવામાં આવી રહ્યું છે. કોલકાતામાં એક ખાનગી બેન્કની સેન્ટ્રલ પ્લાઝા શાખાના મેનેજરને સંબોધિત લખવામાં આવેલો બે પાનાનો પત્ર સોશિયલ મીડિયા પર વાયરલ થયો છે.

12 જૂનના લખવામાં આવેલા પત્ર અનુસાર, બિસ્વાસે ખાતાઓ પર યથાસ્થિતિ જાળવવાની માંગ કરી અને વિનંતી કરી કે કોઈ ડેબિટ વ્યવહારો અથવા સંચાલનના નિયમોમાં ફેરફાર કરવાની મંજૂરી આપવામાં આવે નહીં. આ ઘટનાક્રમ એટલા માટે મહત્વપૂર્ણ છે કારણ કે 5 જૂને મમતા બેનર્જી તરફથી બિસ્વાસને ખજાનચી પદેથી દૂર કરવામાં આવ્યા હતા.

જોકે, બેન્કને લખેલા પત્રમાં બિસ્વાસે પોતાને પક્ષના ખજાનચી તરીકે ગણાવ્યા હતા અને સંગઠનાત્મક સત્તા પરના સ્પર્ધાત્મક દાવાઓ અંગે પ્રશ્નો ઉભા કર્યા હતા. આ પગલાને ભૂતપૂર્વ મુખ્ય પ્રધાન મમતા બેનર્જીના નેતૃત્વ હેઠળના જૂથ માટે એક નવા આંચકા તરીકે જોવામાં આવી રહ્યું છે, જે વિધાનસભા ચૂંટણીમાં પાર્ટીની હાર બાદ અસંતુષ્ટ ધારાસભ્યો અને સાંસદોએ તૃણમૂલ કોંગ્રેસના કેન્દ્રીય નેતૃત્વની સત્તાને પડકારી અને "વાસ્તવિક" ટીએમસી હોવાનો દાવો કર્યાના થોડા દિવસો પછી બની રહી છે. 

જોકે, મીડિયા સ્વતંત્ર રીતે તેની સત્યતાને લઈને પુષ્ટી કરી શક્યું નથી. બેન્કે સવાલનો જવાબ આપ્યો નહોતો અને ભૂતપૂર્વ મંત્રી અને એક સમયે બેનર્જીના વફાદાર માનવામાં આવતા બિસ્વાસે પણ કૉલ્સ અને મેસેજનો જવાબ આપ્યો નહોતો.

નોંધનીય છે કે મમતા બેનર્જીએ બિસ્વાસને ખજાનચી પદેથી દૂર કર્યા હતા અને તેમના સ્થાને ભૂતપૂર્વ સાંસદ સુભાષિષ ચક્રવર્તીને આ પદ પર નિયુક્ત કર્યા હતા. બળવાખોર જૂથના સૂત્રોએ જણાવ્યું હતું કે પત્ર ચાલુ નેતૃત્વ સંઘર્ષ વચ્ચે પક્ષની સંપત્તિ અને નાણાકીય બાબતો પર કોણ નિયંત્રણ રાખે છે તે અંગે વધતી ચિંતાઓને પ્રતિબિંબિત કરે છે.