પટનાઃ બિહારના મુખ્ય પ્રધાન નીતીશ કુમારના પુત્ર નિશાંત કુમાર આજે જેડીયુ (જનતા દળ-યુનાઈટેડ)માં જોડાયા હતા. હવે તેઓ પાર્ટીના સંગઠનને મજબૂત બનાવવા માટે કામ કરશે.
પટનામાં પાર્ટી મુખ્યાલય ખાતે ૪૦ વર્ષીય એન્જિનિયરિંગ ગ્રેજ્યુએટ નિશાંતને કેન્દ્રીય પ્રધાન રાજીવ રંજન સિંહ 'લલન' અને જેડીયુના રાષ્ટ્રીય કાર્યકારી પ્રમુખ સંજય ઝા સહિતના ટોચના નેતાઓની હાજરીમાં પાર્ટીમાં સામેલ કરવામાં આવ્યા હતા.
પાર્ટીમાં જોડાયા બાદ નિશાંતે કહ્યું કે મારા પિતાએ રાજ્યસભામાં જવાનું નક્કી કર્યું હતું. તે તેમનો વ્યક્તિગત નિર્ણય હતો. આપણે બધા તેનો આદર કરીએ છીએ. આપણે તેમના માર્ગદર્શન હેઠળ કામ કરવાનું ચાલું રાખીશું. હું સંગઠનને મજબૂત બનાવવા માટે કામ કરીશ.
નિશાંતે દાવો કર્યો કે તેમના પિતાએ બિહારના સૌથી લાંબા સમય સુધી મુખ્ય પ્રધાન રહેવા બદલ છેલ્લા ૨૦ વર્ષમાં રાજ્ય માટે ઘણું કર્યું છે. રાજ્યના વિકાસમાં મુખ્ય પ્રધાનના યોગદાનને રાજ્યના લોકો ક્યારેય ભૂલશે નહીં.
નિશાંતે કહ્યું કે હું બધાનો આભાર માનું છું. તમે બધાએ મારા પર જે વિશ્વાસ મૂક્યો છે તેનું હું સન્માન કરીશ. મને દેશ, આપણા રાજ્ય અને મારા પિતાએ છેલ્લા ૨૦ વર્ષમાં જે કર્યું છે તેના પર ગર્વ છે. હું મુખ્ય પ્રધાન દ્વારા કરવામાં આવેલા વિકાસ કાર્યોને જનતા સુધી લઇ જઇશ. જેડીયુ કાર્યાલય પહોંચતા નીતીશના પુત્રનું ઉષ્માભર્યું સ્વાગત કરવામાં આવ્યું હતું.
