બેલફાસ્ટઃ 15 વર્ષીય ઓપનિંગ બૅટ્સમૅન વૈભવ સૂર્યવંશીને કારણે આયરલૅન્ડ (Ireland)માં ભારત સામેની શુક્રવારની પ્રથમ ટી-20 મૅચનું મહત્ત્વ એટલું બધુ વધી ગયું હતું કે આ મુકાબલાની ટિકિટો ગણતરીની મિનિટોમાં વેચાઈ ગઈ હતી અને અહીં સિવિલ સર્વિસ ક્રિકેટ ક્લબના સ્ટેડિયમમાં માત્ર 6000થી 7000 પ્રેક્ષકો બેસી શકે એટલી જ સીટ હોવાથી એક ખાસ સ્ટૅન્ડ ઊભું કરવામાં આવ્યું હતું, પરંતુ સાંજે 5.30 વાગ્યે ટૉસ થયો ત્યારે બધાને જાણ થઈ કે વૈભવ પ્લેઇંગ-ઇલેવનમાં છે જ નહીં.
ખરેખર તો બે અઠવાડિયા પહેલાં વૈભવ (Vaibhav)ને ભારતની સ્ક્વૉડમાં સમાવવામાં આવ્યો ત્યારથી જ બેલફાસ્ટના સ્ટેડિયમમાં મૅચ જોવા માટેની ટિકિટો ખરીદવા પડાપડી થઈ હતી. જોકે વૈભવને સિરીઝની પ્રથમ મૅચમાં ભારત વતી ડેબ્યૂ કરવા ન મળ્યું, પણ હવે રવિવાર, 28મી જૂને કદાચ કરવા મળશે. એ દિવસે બીજી અને છેલ્લી ટી-20 આ જ મેદાન પર (ભારતીય સમય અનુસાર સાંજે 6.00 વાગ્યાથી) રમાવાની છે.
First net session with Indian men’s cricket team which lasted for nearly an hour is over for Vaibhav Sooryavanshi in Belfast. pic.twitter.com/wv9ClWqDqK
— Vimal कुमार (@Vimalwa) June 25, 2026
ટૉસ વખતે શ્રેયસ ઐયરે ટીમમાં કમનસીબે વૈભવ નથી એવી જાહેરાત કરી ત્યારે જ સૌ કોઈ નિરાશ થઈ ગયા હતા. મોટા ભાગના પ્રેક્ષકોએ વૈભવની બૅટિંગ જોવા માટે જ ટિકિટ ખરીદી હતી. તાજેતરની આઇપીએલમાં વૈભવના 776 રન તમામ બૅટ્સમેનોમાં સૌથી વધુ હતા અને એમાં તેના 72 છગ્ગા અને 63 ચોગ્ગા સામેલ હતા.
Belfast hasn’t seen a crowd like this in years.
— The Stump Mic 🎙️ (@StumpMicHQ) June 26, 2026
Every single one of them came for Vaibhav Sooryavanshi. He is not playing today’s T20I vs Ireland.
Irish fans are probably more confused than anyone. 😭#IndvsIre pic.twitter.com/k5OjYx2U5w
વાસ્તવમાં ભારતનું ટીમ-મૅનેજમેન્ટ આઇપીએલ પહેલાંના ટી-20 વર્લ્ડ કપનું ટીમ કૉમ્બિનેશન તોડવા નહોતું માગતું અને એટલે જ વૈભવને બદલે અભિષેક શર્માને ટીમમાં જાળવી રાખ્યો હતો. જોકે સોશ્યલ મીડિયામાં વૈભવના એક ચાહકે લખ્યું, `તિલક વર્માના સ્થાને વૈભવને લઈ શકાયો હોત. લોકોએ આટલી બધી રાહ જોઈ અને છેવટે વૈભવને ઇલેવનમાં સમાવ્યો જ નહીં.'
