ભુજ: કોમર્શિયલ વાહનોના ફિટનેસ ટેસ્ટિંગ અને રી-પાસિંગ પ્રમાણપત્ર આપવાના બહાને અરજદારો પાસેથી ગેરકાયદેસર નાણાં ઉઘરાવતા ગાંધીધામના મીઠીરોહર સ્થિત ‘અભિષેક ઓટોમેટેડ વ્હિકલ ફિટનેસ ટેસ્ટિંગ સ્ટેશન’ના કર્મચારીને એસીબીએ રંગેહાથ ઝડપી પાડ્યો હતો.
ગાંધીધામ એસીબી પોલીસ સ્ટેશનને બાતમી મળી હતી કે વાહન વ્યવહાર વિભાગ દ્વારા પ્રમાણિત આ સેન્ટરમાં આવતા કોમર્શિયલ વાહનોના ફિટનેસ સર્ટિફિકેટ તેમજ રી-પાસિંગ માટે કાયદેસરની ઓનલાઈન ફી ઉપરાંત અરજદારો પાસેથી રૂ. ૧,૦૦૦થી રૂ. ૧૦,૦૦૦ સુધીની લાંચ માંગવામાં આવે છે. આ બાતમીના આધારે એસીબીએ છટકું ગોઠવ્યું હતું.
સફળ ડીકોય ટ્રેપ
— ACB Gujarat (@ACBGujarat) June 5, 2026
અભિષેક ઓટોમેટેડ વ્હીકલ ફિટનેસ ટેસ્ટીંગ સ્ટેશન, મીઠી રોહર, ગાંધીધામ જી. કચ્છ ખાતે નોકરી કરતા ખાનગી વ્યકિત વિક્રમસિંઘ મનદ્રુપસિંઘ જાટ રૂ.૨૨૫૦/- ની લાંચ લેતા ઝડપાયા.@sanghaviharsh @PIYUSH_270871 @DeepakMeghani@InfoGujarat #ACBGujarat #FightAgainstCorruption pic.twitter.com/1oCfbZWNIl
ટ્રેપ દરમિયાન સેન્ટરના કર્મચારી વિક્રમસિંઘ મનદ્રુપસિંઘ જાટ (ઉ.વ. ૨૪) એ એક વાહનના રી-પાસિંગ અને ફિટનેસ સર્ટિફિકેટ માટે નિયત ઓનલાઈન ફી રૂ. ૯૦૦ ઉપરાંત વધારાના રૂ. ૨,૨૫૦ની લાંચ માંગતા એસીબીએ તેને રોકડા નાણાં સ્વીકારતા રંગેહાથ ઝડપી લીધો હતો.
(ઉત્સવ વૈદ્ય)
