સપ્તાહના પ્રથમ સેશનમાં ભારતીય શેરબજારો પર ઇરાન અને ઇઝરાયેલ યુદ્ધની અસર જોવા મળી રહી છે. સેન્સેક્સ અને નિફ્ટી લાલ નિશાન સાથે ઓપન થયા છે. સેન્સેક્સ 73,500 અને નિફ્ટી 1 ટકા તૂટી 23,100ની નીચે આવી ગયો છે. મોટાભાગના એશિયન બજારો રેડ ઝોનમાં કારોબાર કરી રહ્યા છે.

આજે વહેલી સવારે ફિલિપાઇન્સના દક્ષિણ ભાગમાં 7.8 ની તીવ્રતાનો શક્તિશાળી ભૂકંપ આવ્યો. ભૂકંપ બાદ, કેટલાક વિસ્તારોના દરિયાકાંઠે સુનામીની ચેતવણી જારી કરવામાં આવી છે. ભૂકંપનું કેન્દ્રબિંદુ મિંડાનાઓ પ્રદેશમાં નોંધાયું છે. ભૂકંપના કારણે સમગ્ર વિસ્તારમાં વીજળી ગુલ થઈ હોવાના અહેવાલો પણ મળ્યાં છે. તંત્ર દ્વારા લોકોને ઉંચી જમીન પર જવા માટે વિનંતી કરવામાં આવી છે. જોકે, હજુ સુધી નુકસાન કે જાનહાનિ અંગે કોઈ માહિતી પ્રાપ્ત થઈ નથી.

જયપુરમાં આજે ફરી એકવાર બુલડોઝર કાર્યવાહી થવાની છે; પાંચ ધાર્મિક સ્થળો દૂર કરવામાં આવશે. વહીવટીતંત્રે કામગીરી દરમિયાન શહેરનું વાતાવરણ શાંતિપૂર્ણ રહે તે માટે સંપૂર્ણ તૈયારીઓ કરી છે. શહેરમાં 3,000 થી વધુ પોલીસ કર્મચારીઓને તૈનાત કરવામાં આવ્યા છે, અને 9 જૂનની મધ્યરાત્રિ સુધી ઇન્ટરનેટ સેવાઓ સ્થગિત કરવામાં આવી છે