ગુજરાત વિદ્યાપીઠના 72મા દીક્ષાંત સમારોહમાં મુખ્ય અતિથિ તરીકે હાજરી આપશે કેન્દ્રીય ગૃહ પ્રધાન
નવી દિલ્હી/ગાંધીનગરઃ જંતરમંતર પર થયેલી વિરોધ પ્રદર્શન બાદ વડા પ્રધાન નરેન્દ્ર મોદીએ વીડિયો પોસ્ટ કરીને પોતાની વાત શૅર કરી હતી. યુવાનોને સમયાંતરે સંબોધતા વડા પ્રધાન મોદીએ અનેકવાર યુવાનોને સાંભળવાનો મોકો પણ આપ્યો છે. હવે કેન્દ્રીય ગૃહ પ્રધાન અમિત શાહ જંતરમંતરની ઘટના બાદ વિદ્યાર્થીઓ સાથે સંવાદ કરશે.
દિલ્હીમાં વિદ્યાર્થીઓના વિરોધ પ્રદર્શન પછી ગૃહમંત્રી અમિત શાહ પહેલી વાર વિદ્યાર્થીઓ વચ્ચે હશે. ગુજરાતની એક દિવસીય મુલાકાત દરમિયાન, તેઓ ગુજરાત વિદ્યાપીઠની મુલાકાત લેશે. મહાત્મા ગાંધી દ્વારા સ્થાપિત આ સંસ્થાના 72મા દીક્ષાંત સમારોહમાં શાહ વિદ્યાર્થીઓને ડિગ્રી એનાયત કરશે. વિદ્યાર્થીઓમાં તેમની હાજરી અને તેમનું સંબોધન ખૂબ જ મહત્વપૂર્ણ માનવામાં આવી રહ્યું છે.
ગુજરાત વિદ્યાપીઠના કાર્યક્રમમાં આવશે
ગુજરાતની એક દિવસીય મુલાકાત દરમિયાન, તેઓ અમદાવાદમાં ગુજરાત વિદ્યાપીઠના દીક્ષાંત સમારોહમાં મુખ્ય અતિથિ તરીકે હાજરી આપશે. કોંગ્રેસના નેતા રાહુલ ગાંધીએ ગૃહમંત્રી અમિત શાહ પર નિશાન સાધ્યું હતું. આ સંદર્ભમાં, બધાની નજર હવે શાહ વિદ્યાર્થીઓને ડિગ્રી આપતી વખતે શું સંબોધન કરશે તેના પર છે.
એવી ધારણા છે કે, ગૃહમંત્રી આ પ્રસંગે કોંગ્રેસ વિશે બોલી શકે છે. ઉલ્લેખનીય છે કે, ગુજરાત વિદ્યાપીઠની સ્થાપના રાષ્ટ્રપિતા મહાત્મા ગાંધી દ્વારા 18 ઓક્ટોબર 1920ના રોજ કરવામાં આવી હતી. તેમણે અસહકાર ચળવળ દરમિયાન બ્રિટિશ શિક્ષણ પ્રણાલીના વિકલ્પ તરીકે રાષ્ટ્રીય શૈક્ષણિક સંસ્થા સ્થાપિત કરવા માટે આ પહેલ કરી હતી. ગુજરાત વિદ્યાપીઠને 1963માં 'ડીમ્ડ યુનિવર્સિટી'નો દરજ્જો આપવામાં આવ્યો હતો.
યુવાનોને પ્રેરણા આપી ચૂક્યા છે
ગુજરાત વિદ્યાપીઠના વર્તમાન કુલપતિ આચાર્ય દેવવ્રત છે, જે ગુજરાતના રાજ્યપાલ છે, જ્યારે મહાત્મા ગાંધી સંસ્થાના સ્થાપક અને આજીવન કુલપતિ હતા. ગાંધીનગરના સાંસદ અમિત શાહ તેમના એક દિવસીય પ્રવાસ દરમિયાન કુલ પાંચ કાર્યક્રમોમાં હાજરી આપવાના છે. દેશમાં ચાલી રહેલા યુવા આંદોલનો અને કેટલીક ચર્ચાને ધ્યાનમાં રાખીને આ મુલાકાત ખાસ મહત્વપૂર્ણ માનવામાં આવે છે.
એક સત્તાવાર નિવેદન અનુસાર, કેન્દ્રીય ગૃહ અને સહકાર મંત્રી અમિત શાહ 27 ઓગસ્ટના રોજ કેમ્પસમાં યુવાનો સાથે વાર્તાલાપ કરશે. ગુજરાત વિદ્યાપીઠના 72માં દીક્ષાંત સમારોહમાં વિદ્યાર્થીઓને સંબોધિત કરશે. શાહ અગાઉ ગુજરાતની ઘણી અન્ય યુનિવર્સિટીઓના દીક્ષાંત સમારોહમાં મુખ્ય અતિથિ તરીકે આવી ચૂક્યા છે.
