વરુણ ધવન અને ડેવિડ ધવનની જોડી ફરી એકવાર મોટા પડદે પરત ફરી રહી છે, પરંતુ તેમની આગામી ફિલ્મ ‘હૈ જવાની તો ઈશ્ક હોના હૈ’ (Hai Jawani To Ishq Hona Hai)નો ફર્સ્ટ લૂક રિલીઝ થતાં જ ફિલ્મ વિવાદોમાં ઘેરાઈ ગઈ છે. 'બોર્ડર 2'માં ગંભીર ભૂમિકા ભજવ્યા બાદ વરુણ ફરી રોમેન્ટિક-કોમેડી અવતારમાં દેખાશે, પણ ફેન્સને આ ખાસ કંઈ પસંદ આવ્યું હોય એવું લાગતું નથી. સોશિયલ મીડિયા પર વરુણ અને ડેવિડ ધવનને જબરદસ્ત ટ્રોલિંગનો સામનો કરવો પડી રહ્યો છે.
ડેવિડ ધવનના ડાયરેક્શનમાં બનેલી આ ફિલ્મમાં પૂજા હેગડે અને મૃણાલ ઠાકુર પણ લીડ રોલમાં જોવા મળશે. 14મી એપ્રિલે ફિલ્મનો ફર્સ્ટ લૂક રિલીઝ કરવામાં આવ્યું હતું, જેને નેટીઝન્સ 30 વર્ષ જૂનો કોન્સેપ્ટ ગણાવી રહ્યા છે. લોકોનું કહેવું છે કે જ્યારે આપણે 'રામાયણ' અને 'કલ્કિ 2' જેવી ફિલ્મોની રાહ જોઈ રહ્યા છીએ, ત્યારે ડેવિડ ધવન વર્ષો જૂનો કંટાળાજનક કોન્સેપ્ટ લઈને આવ્યા છે.
When we have just watched Dhurandhar and are waiting for Ramayana, Kalki 2 and Varanasi, David Dhawan dropped 30 years old formula 🤦 https://t.co/Vpuj1KN7hD
— Sunil The Cricketer (@1sInto2s) April 14, 2026
ફિલ્મનો ફર્સ્ટ લૂક રીલિઝ થતાં જ ફેન્સ સોશિયલ મીડિયા પર જાત-જાતની ટિપ્પણી કરી રહ્યા છે. એટલું જ નહીં ફિલ્મરસિયાઓ તો આ ફિલ્મને જાણીતા બોલીવૂડ એક્ટર ગોવિંદાની જૂની ફિલ્મ 'સેન્ડવિચ' ની નકલ ગણાવી રહ્યા છે. કેટલાક લોકોએ તો ત્યાં સુધી કહી દીધું હતું કે આના કરતા તો ફિલ્મ 'જુડવા 2' વધારે સારી હતી.
Govinda is done n dusted. Salman Khan won't work with this outdated director anymore, so this self-obsessed, delusional David Dhawan is fulfilling his fantasies through his son Varun Dhawan by making him a wannabe Govinda or Salman Khan and ruining his career. https://t.co/oyesQBiAbm
— π (@nofaith3xists) April 14, 2026
વરુણ ધવનની સાથે સાથે ડેવિડ ધવન આ ફિલ્મને લઈને નેટિઝન્સના નિશાના પર આવી ગયા છે. નેટિઝન્સ ડેવિડ ધવનને ટ્રોલ કરતા લખી રહ્યા છે કે તમે એક પિતા તરીકે દીકરા વરુણ ધવનનું કરિયર સુધારવાને બદલે બગાડી રહ્યા છે. જ્યારે એક યુઝરે લખ્યું હતું કે ડેવિડ ધવન પરફેક્ટ એક્ઝામ્પલ છે કે હંમેશા નેપોટિઝમ સારું નથી હોતું. વાત કરીએ ફિલ્મની રીલિઝ ડેટ વિશે તો 22મી એપ્રિલના થિયેટરમાં રિલીઝ થવા જઈ રહી છે.
