(વાણિજ્ય પ્રતિનિધિ તરફથી)

મુંબઈ: એફઆઈ આઇની લેવાલી અને એચડીએફસી બેંક, લાર્સન એન્ડ ટુબ્રો, ઇન્ફોસિસ જેવા બ્લુ-ચિપ શેરોમાં લેવાલીને કારણે બુધવારે બેન્ચમાર્ક સેન્સેક્સ લગભગ 889 પોઈન્ટ ઉછળ્યો જ્યારે નિફ્ટી 24,250 પર બંધ થયો હતો.
ત્રીસ શેરો ધરાવતો  સેન્સેક્સ 888.68 પોઈન્ટ અથવા 1.16 ટકા વધીને 77,654.60 પર બંધ થયો, જેમાં તેના 25 શેરો લાભ સાથે અને પાંચ શેર નુકસાન સાથે બંધ થયા. દિવસ દરમિયાન, તે 999.57 પોઈન્ટ અથવા 1.30 ટકા વધીને 77,765.49ની ઊંચી સપાટી ને અથડાયો હતો. 

જ્યારે પચાસ શેરો ધરાવતો નિફ્ટી 264.85 પોઈન્ટ અથવા 1.10 ટકા વધીને 24,250.20 પર બંધ થયો.  નિફ્ટીના 38 શેર વધ્યા અને 12 શેર ઘટીને બંધ થયા હતા
સેન્સેક્સ પેકમાંથી, હિન્દુસ્તાન યુનિલિવર સૌથી વધુ 4.70 ટકા અને ઇન્ફોસિસ 4.50 ટકા ઉછળ્યો હતો. ત્રિમાસિક પરિણામો પછી લાર્સન અને ટુબ્રો 2.55 ટકા વધ્યા. ટ્રેન્ટ, ટાટા સ્ટીલ, ભારતી એરટેલ, ટાટા કન્સલ્ટન્સી સર્વિસીસ, એચડીએલ ટેક અને એચડીએફસી બેંક પણ વધ્યા હતા.
 
જ્યારે અદાણી પોર્ટ્સ સૌથી વધુ 3.19 ટકા ઘટ્યો હતો. મહિન્દ્રા અને મહિન્દ્રા, જેણે તેનો ટ્રક અને બસ વ્યવસાય રૂ. 525 કરોડમાં એસએમએલમાં મહિન્દ્રાને ટ્રાન્સફર કરવાની જાહેરાત કરી, તેમાં 1.51 ટકાનો ઘટાડો થયો. એસએમએલ મહિન્દ્રાના શેર 20 ટકા વધીને રૂ. 4,565.50 ના ઉપલા સર્કિટ સ્તરે બંધ થયા.

સેન્સેક્સ શેરોમાં પાવર ગ્રીડ, ભારત ઇલેક્ટ્રોનિક્સ અને એનટીપીસી સૌથી વધુ ઘટનારા શેરોમાં સામેલ હતા.
પ્રાઈમરી માર્કેટમાં આર્ડી ઇન્ડસ્ટ્રીઝનો રૂ. 425.87 કરોડનો બુક બિલ્ડ ઇશ્યૂ પાંચમી ઓગસ્ટ, 2026ના રોજ સબ્સ્ક્રિપ્શન માટે ખુલશે અને સાતમી ઓગસ્ટ, 2026ના રોજ બંધ થશે. શેરની ફાળવણી 10 ઓગસ્ટ, 2026ના રોજ તેમ જ બીએસઇ અને એનએસઈ પર લિસ્ટિંગ તારીખ 12 ઓગસ્ટના રોજ થશે. પ્રાઇસ બેન્ડ રૂ.50થી રૂ.53 પ્રતિ શેર છે. અરજી માટે લોટ સાઇઝ 281 શેર છે.

પેજસન એગ્રો ઇન્ડિયા લિમિટેડે નાણાકીય વર્ષ ૨૦૨૬ના પહેલા ક્વાર્ટરના રૂ. 45.03 કરોડની સરખામણીમાં ૨૦૨૭ન પ્રથમ કવાર્ટરમાં રૂ.67.94 કરોડ ની આવક નોંધાવી છે, જે વાર્ષિક ધોરણે ૫૧ ટકાની વૃદ્ધિ દર્શાવે છે.

કંપની ગ્રીનફિલ્ડ  પ્રોજેક્ટનું વિસ્તરણ અને સંકલિત કાજુ પ્રોસેસિંગ કામગીરીની પ્રક્રિયા ક્ષમતા  વધારી રહી છે.
વિદેશી સંસ્થાકીય રોકાણકારોએ મંગળવારે લેવાલી નોંધાવી હતી.  એક્સચેન્જ ડેટા અનુસાર, એફઆઈઆઈએ પાછલા સત્રમાં રૂ. 755.33 કરોડના ઇક્વિટી શેર ખરીદ્યા હતા.
માર્કેટ એનાલિસ્ટ જણાવે છે કે, આજે મોડેથી યુએસ ફેડરલ રિઝર્વના નીતિગત નિર્ણય પહેલા ભારતીય ઇક્વિટી બજારો ઊંચા સ્તરે બંધ થયા હતા, જેમાં નબળા વૈશ્વિક સંકેતો કરતાં સ્થાનિક ફંડામેન્ટલ્સ વધુ મજબૂત હતા. મજબૂત કોર્પોરેટ કમાણી, ઇન્ફર્મેશન ટેક્નોલોજી શેરોમાં સતત ખરીદી અને મજબૂત રૂપિયાએ રોકાણકારોના સેન્ટિમેન્ટને ટેકો આપવામાં મદદ કરી હતી. એશિયન બજારોમાં  એઆઈ, ટેક્નોલોજી શેરોમાં ચાલુ રહેલી વેચવાલી અને મધ્ય પૂર્વના તણાવમાં વધારો થવાથી ક્રૂડ ઓઇલના ભાવ તાજેતરના ઉચ્ચ સ્તરે રહ્યા હોવા છતાં ભારતીય બજાર પર આજે અસર જોવાઈ નહોતી.

ગ્લોબલ ઓઇલ બેન્ચમાર્ક, બ્રેન્ટ ક્રૂડ 3.79 ટકા વધીને 87.28 ડોલર પ્રતિ બેરલ પર પહોંચ્યો હતો. બીએસઇ સ્મોલકેપ સિલેક્ટ ઇન્ડેક્સ 1.18 ટકા અને મિડકેપ સિલેક્ટ ઇન્ડેક્સ 0.27 ટકા વધ્યો હતો.

સેક્ટરલ ધોરણે, આઈટી ઇન્ડેક્સ 2.40 ટકા વધ્યો હતો, ત્યારબાદ મેટલ (2.26 ટકા), ટેલિકોમ્યુનિકેશન (1.70 ટકા), કોમોડિટીઝ (1.40 ટકા), હેલ્થકેર (1.26 ટકા), ટોચની 10 બેંકો (1 ટકા) અને નાણાકીય સેવાઓ (0.88 ટકા)નો ક્રમ રહ્યો હતો. 
ઓટો, વીમા, ઓઈલ અને ગેસ, પાવર, રિયલ્ટી, સેવાઓ અને મધ્યમ ખાનગી બેંકોમાં વેચવાલીનું દબાણ જોવા મળ્યું હતું
બીએસઇ પર કુલ 2,593 શેર વધ્યા, જ્યારે 1,652 ઘટ્યા અને 179 યથાવત રહ્યા.

બજારના સાધનોએ જણાવ્યું કે, પરંપરાગત આઈટી શેરોમાં નવી આશાવાદને કારણે ક્રૂડ ઓઇલના ભાવમાં ઉછાળો આવ્યો હોવા છતાં ભારતીય ઇક્વિટીએ ઘણા વૈશ્વિક સૂચકાંકો કરતાં વધુ સારો દેખાવ કર્યો. જ્યારે નિફ્ટી આઈટી ઇન્ડેક્સ આ મહિને 17 ટકાથી વધુ વધ્યો છે, ત્યારે મોટાભાગની ફ્રન્ટલાઇન ટેક કંપનીઓના કમાણી અંદાજો સાથે સુસંગત હતી, જેણે રોકાણકારોનો વિશ્વાસ પાછો મેળવવામાં મદદ કરી.

એશિયન બજારોમાં, દક્ષિણ કોરિયાનો કોસ્પી 5.98 ટકા ઘટ્યો. જાપાનનો નિક્કી 225 પણ નીચો રહ્યો, જ્યારે શાંઘાઈનો એસએસઈ કમ્પોઝિટ ઇન્ડેક્સ અને હોંગકોંગનો હેંગ સેંગ ઇન્ડેક્સ ઊંચો રહ્યો. યુરોપના બજારો મોટાભાગે નીચા સ્તરે ટ્રેડ કરી રહ્યા હતા. મંગળવારે યુએસ બજારો મોટાભાગે ઊંચા સ્તરે બંધ થયા. મંગળવારે, સેન્સેક્સ 69.86 પોઈન્ટ અથવા 0.09 ટકા ઘટીને 76,765.92 પર બંધ થયો હતો. નિફ્ટી 10.60 પોઈન્ટ અથવા 0.04 ટકા ઘટીને 23,985.35 પર બંધ થયો હતો.