નવી દિલ્હી: જ્યારે ભારતીયો ભરપૂર નિંદર માણી રહ્યા હતા ત્યારે ઇસરોએ ઇતિહાસ રચી દીધો. અડથી રાતે (2:55 AM) ઇસરો ( ઇન્ડિયન સ્પેસ રિસર્ચ  ઓર્ગેનાઇઝેશને EOS-05ને લઇ જનારા GSLV-F17ને સફળતાપૂર્વક લોન્ચ કર્યો. આ એક એડવાન્સ અર્થ ઓબ્ઝર્વેશન સેટેલાઇટ છે. ISROના અનુસાર આ જિયોસિંક્રોનસ ઓર્બિટથી કામ કરનારો ભારતનો પહેલો ઇમેજિંગ સ્પેસક્રાફ્ટ હશે. EOS-05 એક અર્થ ઓબ્ઝર્વેશન સેટેલાઇટ છે જેને ઓર્બિટથી કામ કરવા માટે ડિઝાઇન કરવામાં આવ્યો છે. 

શ્રીહરિકોટાના સતીશ ધવન સ્પેસ સેન્ટરથી લોન્ચ ભારતનો નોટી બોય GSLV-F17

51.7 મીટર ઊંચા GSLV-F17એ શુક્રવારે સવારે 2:55 વાગ્યે શ્રીહરિકોટાના સતીશ ધવન સ્પેસ સેન્ટરના બીજા લોન્ચ પેડથી ઉડાન ભરી. વરસાદ વચ્ચે તેણે સવાર થતા પહેલા જ આકાશને રોશન કરી દીધું. આ લોન્ચ 27 કલાકના કાઉન્ટડાઉન બાદ થયું. મહત્વનું છે કે બુધવારે રાતે 11:30 વાગ્યે શરૂ થયું હતું. લેટેસ્ટ રિપોર્ટ અનુસાર EOS-05 સફળતાપૂર્વક GSLV-F17થી અલગ થઇ ગયું છે, જેનાથી જિયોસિંક્રોનસ ઓર્બિટમા કામ કરવા માટે ડિઝાઇન કરવામાં આવેલા ભારતના પહેલા ઇમેજિંગ સેટેલાઇટનું ડેપ્લોયમેન્ટ પૂરુ થઇ ગયું છે. હવે સેટેલાઇટ પોતાના ઓનબોર્ડ થ્રસ્ટર્સનો ઉપયોગ કરીને ઘણાં મેન્યૂવર્સ દ્વારા પોતાની અંતિમ ઓપરેશનલ ઓર્બિટમાં લઇ જવાશે. 

 

#WATCH | Sriharikota, Andhra Pradesh: ISRO Chief V Narayanan says, "I am very happy to announce that the GSLV-F17 vehicle has successfully and precisely injected the Advanced Earth Observation Satellite 05, the geo-imaging star satellite, in the intended and required orbit...… pic.twitter.com/bW6mHJ3wzL

— ANI (@ANI) September 3, 2026

પૃથ્વીથી લગભગ ૩૬,૦૦૦ કિમી ઉપરના ઓર્બિટમાંથી દુશ્મનો પર નજર રાખશે

EOS-05 ને પૃથ્વીથી લગભગ ૩૬,૦૦૦ કિમી ઉપરના ઓર્બિટમાંથી ભારતીય ઉપખંડ અને આસપાસના વિસ્તારો પર સતત નજર રાખવા માટે ડિઝાઇન કરવામાં આવ્યું છે. તેની જિયોસિંક્રોનસ ઓર્બિટ તેને એક જ મોટા વિસ્તાર પર વારંવાર નજર રાખવાની સુવિધા આપશે, કારણ કે તે પૃથ્વીના પરિભ્રમણ સાથે તાલમેલ બેસાડીને ચાલે છે.

#WATCH | Sriharikota, Andhra Pradesh: ISRO successfully launches the GSLV-F17/EOS-05 mission from the Second Launch Pad at Satish Dhawan Space Centre.

(Source: ISRO) pic.twitter.com/4Dc9ahTHpu

— ANI (@ANI) September 3, 2026

આ મિશનની સફળતા ભારત માટે કેમ ખાસ છે?

GSLV એ ત્રણ તબક્કાવાળું લોન્ચ વ્હીકલ છે, જેમાં સોલિડ, લિક્વિડ અને ક્રાયોજેનિક પ્રોપલ્શનનો ઉપયોગ થાય છે. GSLV માર્ક II માં સ્વદેશી ક્રાયોજેનિક અપર સ્ટેજનો ઉપયોગ થાય છે અને તેને ISRO ના PSLV ની સરખામણીમાં ભારે સ્પેસક્રાફ્ટને વધુ ઉર્જાવાળી ઓર્બિટમાં પહોંચાડવા માટે ડિઝાઇન કરવામાં આવ્યું છે.