કોહિમા: મણિપુરના સંવેદનશીલ ભારત-મ્યાનમાર સીમા ક્ષેત્રમાં વસવાટ કરતાં નાગરિકોની સુરક્ષાને લઈને નાગા વિદ્યાર્થી અને નાગરિક સંગઠને કેન્દ્ર અને રાજ્ય સરકારને એક આકરી અને ગંભીર ચેતવણી આપી છે. સંગઠને કહ્યું છે કે જો સરકારો સ્થાનીય આદિવાસી નાગરિકોની સુરક્ષા કરવામાં અસમર્થ રહે છે તો લોકો માટે પાડોશી દેશોથી મદદ લીધા સિવાય કોઈ રસ્તો દેખાઈ નથી. આ દેશોમાં ચીનનો પણ સમાવેશ થાય છે.
મળતી વિગતો અનુસાર, આ ચેતવણી મંગળવારે ઇમ્ફાલમાં તાંગખુલ અજે કાટનાઓ લોંગ (TAKL) અથવા સધર્ન તાંગખુલ સ્ટુડન્ટ્સ યુનિયનના પ્રમુખ યાર્ચુઇસો કાશુંગે આ ચેતવણી આપી હતી. તેમણે કહ્યું કે સીમા સાથે જોડાયેલા સંવેદનશીલ વિસ્તારોમાં રહેનારા લોકોની સુરક્ષાને લઈને તાત્કાલિક કામગીરી કરવાની ખાસ જરૂરિયાત છે.
તેમણે કહ્યું કેમ જો મણિપુર સરકાર અને ભારત સરકાર આદિવાસી નાગરિકો, ખાસ કરીને સંવેદનશીલ સીમા ક્ષેત્રોમાં રહેનારા લોકોની સુરક્ષા માટે સક્ષમ નથી, તો લોકોની પાસે ચીન જેવા પાડોશી દેશો સિવાય મદદ લેવા સિવાયનો અન્ય કોઈ વિકલ્પ રહેતો નથી. તેમણે એમ પણ કહ્યું હતું કે હવે તેઓ ખૂબ જ થાકી ગયા છે અને નાગા નાગરિકોની સુરક્ષાને લઈને તાત્કાલિક કાર્યવાહી થવી જોઈએ.
તેમણે નાગા નાગરિકોની સુરક્ષા અંગે મણિપુરના મુખ્ય પ્રધાન પર પણ નિશાન સાધ્યું હતું અને કહ્યું કે જો મુખ્ય પ્રધાન રાજ્ય અને તેના લોકોની સુરક્ષા કરવામાં અસમર્થ હોય, તો તેમણે સ્વેચ્છાએ રાજીનામું આપી દેવું જોઈએ. તેમણે સરહદી વિસ્તારમાં રહેતા લોકોમાં વધી રહેલી અલગતાની ભાવનાનો પણ ઉલ્લેખ કર્યો હતો. આ સાથે તેમણે તેમનો ભાવ વ્યક્ત કરતાં કહ્યું હતું કે જ્યારે રાજ્ય સરકાર અને કેન્દ્ર સરકાર બંનેને કોઈ પરવા નથી, ત્યારે સરહદી વિસ્તારોમાં રહેતા લોકોને લાગે છે કે તેઓ ન તો મણિપુરનો ભાગ છે, ન કેન્દ્ર સરકારનો, ન તો ભારતનો.
