તમિલનાડુના મદૂરાઈમાં  કોરોના કાળ દરમિયાનના એક કેસમાં કોર્ટે નવ પોલીસ કર્મીઓને મૃત્યુદંડની સજા ફટકારી છે. તેમજ તેમની પર સંયુક્ત રીતે રૂપિયા 1.40 કરોડનો દંડ પણ ફટકાયો છે.  આ ઘટનાની વિગતો મુજબ વર્ષ 2020 કોરોના કાળ દરમિયાન જ્યારે લોકડાઉન હતું ત્યારે પોલીસે એક પિતા અને પુત્રને દુકાન ખુલ્લી રાખવા બદલ કસ્ટડીમાં લીધા હતા. તેમજ તેની બાદ માર મારવામાં આવ્યો હતો. જેમાં તેમના મૃત્યુ થયા હતા.

ભારતના મુખ્ય ચૂંટણી કમિશનર જ્ઞાનેશ કુમાર વિરુદ્ધ દાખલ કરાયેલ મહાભિયોગ પ્રસ્તાવને ફગાવી દેવામાં આવ્યો છે. આ પ્રસ્તાવ પર લોકસભા અને રાજ્યસભાના 193  સાંસદોએ સહી કરી હતી. આ પ્રસ્તાવને ઔપચારિક રીતે 12 માર્ચે રાજ્યસભાના 63  સાંસદો દ્વારા રજૂ કરવામાં આવ્યો હતો.

અમેરિકા ઇઝરાયલ અને ઈરાન વચ્ચે સતત ચાલી રહેલા યુદ્ધ વિરામની ચર્ચા વચ્ચે ઈરાનમાં હુમલો કરવામાં આવ્યો છે. આ હુમલામાં 25 થી વધુ લોકો માર્યા ગયા છે.

મિડલ ઈસ્ટમાં સતત  ચાલી રહેલા યુદ્ધ વચ્ચે ઇરાને અમેરિકાના યુદ્ધ વિરામના પ્રસ્તાવને નકાર્યો છે. તેમજ કહ્યું છે કે જ્યાં સુધી ઈઝરાયલ અને અમેરિકા હુમલા બંધ નહી કરે ત્યાં સુધી કોઈ વાતચીત કરવામાં નહી આવે.

છત્તીસગઢના ભૂતપૂર્વ મુખ્યમંત્રી અજિત જોગીના પુત્ર અમિત જોગીને વર્ષ 2003ના  રામ અવતાર જગ્ગી હત્યા કેસમાં હાઈકોર્ટે આજીવન કેદની સજા ફટકારી છે. રામ અવતાર જગ્ગીની હત્યા 2003માં થઈ હતી. સુપ્રીમ કોર્ટના નિર્દેશ બાદ આ કેસ ફરીથી ખોલવામાં આવ્યો હતો.

સુપ્રીમ કોર્ટે સીબીઆઈને અરુણાચલ પ્રદેશના મુખ્યમંત્રી પેમા ખાંડુના પરિવાર સાથે જોડાયેલી કંપનીઓને આપવામાં આવેલા સરકારી કોન્ટ્રાક્ટની બે અઠવાડિયામાં પ્રારંભિક તપાસ શરૂ કરવાનો નિર્દેશ આપ્યો છે. આ કેસમાં દાખલ કરાયેલી અરજીઓમાં દાવો કરવામાં આવ્યો છે કે છેલ્લા 10 વર્ષમાં, સીએમ પેમા ખાંડુના પરિવાર સાથે જોડાયેલી ચાર કંપનીઓને આશરે ₹1,270 કરોડના સરકારી કોન્ટ્રાક્ટ આપવામાં આવ્યા હતા.

દિલ્હી વિધાનસભાની સુરક્ષામાં ચૂકની ઘટના પ્રકાશમાં આવી છે. જેમાં એક કાર  બેરીયર તોડીને વિધાનસભાના ગેટ નંબર 2 માંથી અંદર ઘૂસી  ગઇ હતી. તેમજ વિધાનસભા સ્પીકરની કાર પર  શાહી ફેંકવામાં આવી હતી. તેની બાદ આ કાર વિધાનસભા પરિસરમાંથી નીકળી જવામાં પણ સફળ થઇ હતી

ઈઝાયરલના રક્ષા પ્રધાને કહ્યું કે, તેઓ ઈરાનના એક એક નેતાઓને વીણી વીણીને મારશે. જ્યાં સુધી તેના તમામ નેતાઓને સફાયો નહીં થઈ જાય ત્યાં સુધી અમે શાંતિથી નહીં બેસીએ.

ઈરાન યુદ્ધના 5 સપ્તાહ થવા આવ્યા છે. જોકે હજુ સુધી કોઈ ઉકેલ આવ્યો નથી. આ દરમિયાન ઈરાનને વધુ એક મોટો ફટકો લાગ્યો છે. ઈરાને IRGCના ઈન્ટેલિજેંસ સંગઠનના પ્રમુખ માજિદ  ખાદેમીના મોતની પુષ્ટિ કરી છે.

અમદાવાદ RTOને બોમ્બથી ઉડાવવાની ધમકી મળી છે. ધમકી મળતા RTO કચેરી ખાલી કરાવાઈ છે. ટ્રેક ટેસ્ટ માટે આવેલા લોકોને પરત મોકલવામાં આવ્યા છે. હાલમાં તમામ RTOમાં પોલીસ દ્વારા બોમ્બ-ડોગ સ્કવોડને સાથે રાખીને તપાસ કરવામાં આવી રહી છે.

અમદાવાદ-રાજકોટ-વડોદરા RTO કચેરીને બોમ્બથી ઉડાવી દેવાનો ધમકીભર્યો ઈમેલ મળતા ખળભળાટ મચી ગયો છે. સુરક્ષાના ભાગરૂપે ટ્રેક ટેસ્ટ માટે આવેલા લોકોને પરત મોકલવામાં આવ્યા છે. બોમ્બ-ડોગ સ્કવોડએ ઘટનાસ્થળે પહોંચીને વધુ તપાસ હાથ ધરી છે. 

અમદાવાદ-રાજકોટ-વડોદરા RTO કચેરીને બોમ્બથી ઉડાવી દેવાનો ધમકીભર્યો ઈમેલ મળતા ખળભળાટ મચી ગયો છે. સુરક્ષાના ભાગરૂપે ટ્રેક ટેસ્ટ માટે આવેલા લોકોને પરત મોકલવામાં આવ્યા છે. બોમ્બ-ડોગ સ્કવોડએ ઘટનાસ્થળે પહોંચીને વધુ તપાસ હાથ ધરી છે. 

ખાડી દેશોના યુદ્ધ વચ્ચે ક્રૂડ ઓઈલના ભાવમાં ભડકો થયો છે. ટ્રમ્પની ધમકી બાદ ક્રૂડ ઓઈલનો ભાવ 110 ડોલર પ્રતિ બેરલને પાર થઈ ગયો છે. ક્રૂડ ઓઈલની કિંમતમાં 1.8 ટકાનો વધારો થયો છે.

તેહરાનમાં સવારે એરસ્ટ્રાઈક થઈ હતી. વિસ્ફોટના અવાજથી ઈરાનની રાજધાની ગુંજી ઉઠી હતી. આ દરમિયાન સાઉથ ઈસ્ટમાં રહેણાંક વિસ્તારમાં થયેલા હુમલામાં 13 લોકોનાં મોત થયા છે.