રેમન્ડના ભૂતપૂર્વ ચેરમેન વિજયપત સિંઘાનિયાનું મુંબઈમાં 87 વર્ષની વયે અવસાન

ભારતીય રિઝર્વ બેંકે ત્રણ જાહેર ક્ષેત્રની  બેંકો અને ફિનટેક કંપની વિરુદ્ધ નિયમોના ઉલ્લંધન બદલ  કાર્યવાહી કરી છે. જેમાં આરબીઆઇએ યુનિયન બેંક ઓફ ઈન્ડિયા, બેંક ઓફ ઈન્ડિયા, સેન્ટ્રલ બેંક ઓફ ઈન્ડિયા અને પાઈન લેબ્સ પર નાણાકીય દંડ લાદયો છે. આરબીઆઇએ યુનિયન બેંક ઓફ ઈન્ડિયા પર ₹95.40 લાખ, સેન્ટ્રલ બેંક ઓફ ઈન્ડિયા પર ₹63.60 લાખ, બેંક ઓફ ઈન્ડિયા પર ₹58.50 લાખ અને પાઈન લેબ્સ પર ₹3.10 લાખનો દંડ ફટકારવામાં આવ્યો છે.

સનરાઇઝર્સ હૈદરાબાદે કાર્યવાહક કૅપ્ટન ઇશાન કિશન (80 રન, 38 બૉલ, પાંચ સિક્સર, આઠ ફોર)ની ધૈર્યપૂર્ણ અને દમદાર ઇનિંગ્સની મદદથી આઇપીએલ-19ની પ્રારંભિક મૅચમાં નવ વિકેટે 201 રન બનાવીને રૉયલ ચૅલેન્જર્સ બેંગ્લૂરુને 202 રનનો પડકારરૂપ લક્ષ્યાંક આપ્યો હતો. ન્યૂ ઝીલૅન્ડનો પેસ બોલર જેકબ ડફી 38 રનમાં ત્રણ) બેંગ્લૂરુનો સુપરસ્ટાર બોલર હતો. પહેલી ત્રણેય વિકેટ લઈને તેણે હૈદરાબાદના આરંભમાં ગાબડાં પાડ્યા હતા. પેસ બોલર રોમારિયો શેફર્ડે પણ ત્રણ વિકેટ તેમ જ ભુવનેશ્વર, સુયશ શર્મા અને અભિનંદન સિંહે એક-એક વિકેટ લીધી હતી. હૈદરાબાદની ઇનિંગ્સમાં અનિકેત વર્મા (43 રન, 18 બૉલ, ચાર સિક્સર, ત્રણ ફોર)એ પણ આતશબાજી કરી હતી, જ્યારે ક્લાસેને 31 રનનું યોગદાન આપ્યું હતું.

અમદાવાદઃ ગુજરાતના મુખ્ય પ્રધાન ભૂપેન્દ્ર પટેલ આજે 29મી માર્ચે શહેરના ઘાટલોડિયા વિસ્તારમાં સતાધાર ફ્લાયઓવરનું ઉદ્ઘાટન કરશે.અમદાવાદ મ્યુનિસિપલ કોર્પોરેશન દ્વારા ₹103.63 કરોડના અંદાજિત ખર્ચે 975 મીટર લાંબો, 16.5 મીટર પહોળો, ફોર-લેન ફ્લાયઓવર બનાવવામાં આવ્યો છે.આ બ્રિજ ખુલ્લો મૂકાયા બાદ ઘાટલોડિયા, સોલા, થલતેજ અને ચાણક્યપુરી જેવા મુખ્ય વિસ્તારો વચ્ચે કનેક્ટિવિટીમાં સુધારો થશે. આ પ્રોજેક્ટથી હજારો વાહનચાલકોને ફાયદો થવાની અપેક્ષા છે, જેનાથી વ્યસ્ત સત્તાધાર ચાર રસ્તા પર ભીડ ઓછી થશે અને મુસાફરીનો સમય ઓછો થશે.આ ફ્લાયઓવરની લાંબા સમયથી રાહ જોવાઈ રહી હતી, અને તેનું બાંધકામ 2023 માં શરૂ થયું હતું.

ભારત સશસ્ત્ર દળોને મજબૂત કરી રહ્યું છે. જેમાં હવે ભારતીય વાયુસેના મિગ-29 જેલ ફાઈટર કો ન્યૂ મિસાઈલ ટેક્નિકને અપડેટ કરી રહી છે. જેમાં હવે મિગ -29 ASRAAM મિસાઇલથી સજ્જ હશે. જેનાથી યુદ્ધવિમાનની મારક ક્ષમતામાં વધારો થશે.

બેંગ્લૂરુમાં રૉયલ ચૅલેન્જર્સ બેંગ્લૂરુ અને સનરાઇઝર્સ હૈદરાબાદના ખેલાડીઓએ આઇપીએલની 19મી સીઝનની શરૂઆત કરતા પહેલાં ગયા વર્ષે સ્ટેડિયમ બહારની નાસભાગમાં મૃત્યુ પામેલા 11 ક્રિકેટપ્રેમીને ભાવભરી અંજલિ આપવા એક મિનિટનું મૌન પાળ્યું હતું અને ત્યાર બાદ મૅચ શરૂ થઈ હતી. બેંગ્લૂરુએ પ્રથમ ફીલ્ડિંગ પસંદ કરી અને હૈદરાબાદને શરૂઆતમાં જ મુસીબતમાં મૂકી દીધું હતું. ન્યૂ ઝીલૅન્ડનો પેસ બોલર જેકબ ડફી પહેલી જ વખત આઇપીએલમાં રમી રહ્યો છે અને તેણે ડેબ્યૂ મૅચમાં તરખાટ મચાવ્યો. હૈદરાબાદે માત્ર 29 રનમાં ત્રણ વિકેટ ગુમાવી હતી. એ ત્રણેય વિકેટ (અભિષેક શર્મા-7 રન, ટ્રૅવિસ હેડ-11 રન, નીતીશ રેડ્ડી-1 રન) બેંગ્લૂરુની ટીમના ડફીએ લીધી હતી. કૅપ્ટન ઇશાન કિશન (43 નૉટઆઉટ) અને હિન્રિક ક્લાસેન (18 નૉટઆઉટ)ની જોડીએ બાજી સંભાળી લીધી હતી અને પહેલી 10 ઓવરમાં સ્કોર 3/87 સુધી પહોંચાડ્યો હતો.

અમેરિકા ઇઝરાયલ અને ઈરાન વચ્ચે ચાલી રહેલા યુદ્ધ દરમિયાન રશિયાએ યુક્રેન પર હુમલા તેજ કર્યા છે. જેમાં યુક્રેનના રાષ્ટ્રપતિ યુએઈની મુલાકાતે હતા ત્યારે રશિયાએ હુમલા ર્ક્યા છે. રશિયાએ ઓડેસા અને ખાર્કિવ પર કરેલા હુમલામાં બે લોકોના મોત થયા અને 19 લોકો ઘાયલ થયા હતા.

અમેરિકા અને ઇઝરાયલ દ્વારા ઈરાન પર હુમલા બાદ ઈરાને પણ પલટવાર કર્યો છે. ત્યારે ઈરાનના રિવોલ્યુશનરી ગાર્ડ્સ (IRGC) એ ઓમાનની ખાડી નજીક એક અમેરિકન જહાજ પર હુમલો કર્યો છે. આ  હુમલા બાદ યુદ્ધનો  વ્યાપ સમગ્ર પશ્ચિમ એશિયામાં ફેલાઈ શકે તેવી શક્યતા છે. આ ઉપરાંત ઇરાને યુએઇમાં સ્થિત યુક્રેની ડ્રોન સિસ્ટમ પર હુમલો કર્યો હતો. અમેરિકી સૈન્ય દ્વારા આ સિસ્ટમનો ઉપયોગ કરવામાં આવતો હતો.

અમેરિકા અને ઇઝરાયલ દ્વારા ઈરાન પર હુમલા બાદ ઈરાને પણ પલટવાર કર્યો છે. ત્યારે ઈરાનના રાષ્ટ્રપતિ મસૂદ પેઝેશ્કિયાને દુશ્મન દેશોને કડક ચેતવણી આપી છે. તેમણે કહ્યું કે અમે હુમલા શરૂ નથી કરતા પરંતુ જો કોઇ અમારી પર હુમલો કરે છે તો અમે તેમને કડક જવાબ આપીએ છીએ.

નેપાળના ભૂતપૂર્વ વડાપ્રધાન કેપી શર્મા ઓલીની  જેન-જી  આંદોલન કેસમાં ધરપકડ કરવામાં આવી છે.  ધરપકડ બાદ  તેમને હોસ્પિટલમાં દાખલ કરવામાં આવ્યા હતા. આ ઘટનામાં 77 લોકોનાં મોત થયા હતા. સરકારે તપાસ અહેવાલના તારણોના આધારે કાર્યવાહી કરી છે. આ દરમિયાન  ઓલીના સમર્થકો ધરપકડને  રાજકીય બદલાની કાર્યવાહી ગણાવી રહ્યા છે.

અયોધ્યામાં રાજઘાટ પર ચાલી રહેલા મહાયજ્ઞમાં  અચાનક આગ લાગી ગઈ હતી. આ ઘટનાને કારણે  બચાવ ટીમે ઘટના સ્થળે પહોંચીને કામગીરી  હાથ ધરી હતી. તેમજ ફાયર બ્રિગેડની ટીમ પર આગ પર કાબૂ મેળવવાનો પ્રયાસ કરી રહી છે. આ લક્ષ્મી નારાયણ  મહાયજ્ઞ સ્વામીજી મહારાજ દ્વારા કરાવવામાં આવી રહ્યો છે.

કેન્દ્રીય ગૃહ પ્રધાન અમિત શાહે TMC સરકાર વિરુદ્ધ ચાર્જશીટ જાહેર કરતા કહ્યું, મમતા સરકારે બંગાળને ઘૂસણખોરો, ગુનેગારો અને ભ્રષ્ટાચારીઓનો અડ્ડો બનાવી દીધું છે, જેના કારણે રાજ્ય દાયકાઓ પાછળ ધકેલાઈ ગયું છે. રાજ્યમાં ચારેય બાજુ અરાજકતા છે. રાજ્યમાં ભાજપ સરકાર બનશે.

વડોદરામાંથી પસાર થનારા અમદાવાદ-મુંબઈ બુલેટ ટ્રેન પ્રોજેક્ટની કામગીરીના કારણે શહેરનો અકોટા બ્રિજ 8 એપ્રિલ સુધી બંધ રહેશે. આ દરમિયાન નાગરિકોને વૈકલ્પિક રૂટ પરથી પસાર થવા અનુરોધ કરવામાં આવ્યો છે.

ઈરાને થાઈલેન્ડના ઓઈલ જહાજોને હોર્મુઝની ખાડીમાંથી સુરક્ષિત રીતે પસાર થવાની પરવાનગી આપી દીધી છે. થાઈલેન્ડના વડાપ્રધાને માહિતી આપી હતી કે તેહરાન સાથે થયેલા કરાર બાદ આ નિર્ણય લેવામાં આવ્યો છે, જેનાથી દેશના ઊર્જા પુરવઠા અંગેની ચિંતામાં ઘટાડો થશે.

મુખ્ય પ્રધાન ભૂપેન્દ્ર પટેલ આજે રાજકોટની મુલાકાતે છે, જ્યાં તેઓ શહેર અને જિલ્લાને કુલ ₹751 કરોડના વિવિધ વિકાસપ્રકલ્પોની ભેટ ધરશે. મુખ્ય પ્રધાનના હસ્તે અનેક મહત્વકાંક્ષી પ્રોજેક્ટ્સનું લોકાર્પણ અને ખાતમુહૂર્ત કરવામાં આવશે. ગરીબ અને મધ્યમ વર્ગના પરિવારો માટે તૈયાર કરાયેલા 1010 આવાસોનું મુખ્ય પ્રધાન લોકાર્પણ કરશે. સામાજિક ગૌરવ સમાન લેઉવા પટેલ બોર્ડિંગ ભવનનું મુખ્ય પ્રધાનના  હસ્તે ઉદ્ઘાટન કરવામાં આવશે.

વડા પ્રધાન નરેન્દ્ર મોદી આગામી 31 માર્ચે મંગળવારના રોજ ગુજરાતના એક દિવસીય પ્રવાસે છે, જે દરમિયાન તેઓ રાજ્યના નાગરિકોને ભારત સરકારના રેલવે મંત્રાલય હેઠળ ₹891 કરોડના વિવિધ પ્રોજેક્ટ્સની ભેટ આપશે. કનેક્ટિવિટીને મજબૂત બનાવવા, આર્થિક પ્રવૃત્તિઓને વેગ આપવા અને મુસાફરોની પરિવહન સુવિધા વધારવા માટે વડા પ્રધાન એક નવી ટ્રેનને પણ લીલી ઝંડી આપશે. વડા પ્રધાન ગુજરાતમાં વાવ-થરાદ ખાતેથી આ પ્રોજેક્ટ્સનું વર્ચ્યુઅલ ઉદ્ઘાટન કરશે.

રાજકોટ-ધોરાજી હાઈવે પર ખાનગી બસ પલટી મારી ગઈ હતી, બસમાં 50થી વધુ મુસાફર હતા. જેમાં 30ને ઈજા પહોંચી હતી. ઈજાગ્રસ્તો પૈકી 4ની હાલત વધારે ગંભીર છે.

અમેરિકાના રાષ્ટ્ર પ્રમુખ ડોનાલ્ડ ટ્રમ્પ ફરી એક વખત તેમના નિવેદનને લઈ ચર્ચામાં છે. આ વખતે તેમણે વિશ્વના સૌથી મહત્ત્વના દરિયાઈ માર્ગ પૈકીના એક અને હાલ જેના કારણે મિડલ ઈસ્ટમાં ભારેલા અગ્નિ જેવી સ્થિતિ છે તેવી સ્ટ્રેટ ઓફ હોર્મુઝને સ્ટ્રેટ ઓફ ટ્રમ્પ કહી હતી. તેમનું આ નિવેદન આંતરરાષ્ટ્રીય સ્તરે ચર્ચાનું વિષય બન્યું છે.

નેપાળમાં નવી સરકાર બનતાં જ રાજકીય હલચલ તેજ થઈ છે. વડા પ્રધાન બાલેનના નેતૃત્વમાં બનેલી સરકારે શપથ લીધાના 24 કલાકની અંદર જ મોટો નિર્ણય લેતાં પૂર્વ વડા પ્રધાન કેપી શર્મા ઓલી અને પૂર્વ ગૃહપ્રધાન રમેશ લેખકની ધરપકડ કરી છે.