અમદાવાદઃ તાજેતરમાં JEE એડવાન્સ્ડ 2026નું પરિણામ જાહેર થયું હતું. જેમાં અમદાવાદના વિદ્યાર્થીઓએ ડંકો વગાડ્યો હતો. સોહમ શ્રીવાસ્તવનો 227મો રેન્ક આવ્યો હતો. આકાશ એજ્યુકેશનલ સર્વિસીસ લિમિટેડના ઘણા વિદ્યાર્થીઓએ પ્રભાવશાળી ઓલ ઈન્ડિયા રેન્ક મેળવ્યા છે, જે સંસ્થાની શૈક્ષણિક શ્રેષ્ઠતા વિદ્યાર્થીઓની સફળતા પ્રત્યેની પ્રતિબદ્ધતાને વધુ મજબૂત બનાવે છે.
અમદાવાદના કુલ 5 વિદ્યાર્થીઓએ JEE એડવાન્સ્ડ 2026માં ઉત્કૃષ્ટ રેન્ક મેળવ્યા છે, જે તેમની સખત મહેનત, દ્રઢતા અને શૈક્ષણિક શ્રેષ્ઠતા દર્શાવે છે. સફળતા મેળવનારા આ વિદ્યાર્થીઓમાં સાન્વી પાટીદાર AIR 158 સાથે મોખરે છે, ત્યારબાદ સોહમ શ્રીવાસ્તવ (AIR 227), ધ્વનિત પટેલ (AIR 472), રાહિલ સાબુગોલા (AIR 739) અને ધ્યેય પટેલ એ (AIR 879) શાનદાર ક્રમ મેળવ્યા છે. તેમની આ અસાધારણ સિદ્ધિ વર્ષોની મહેનત, શિસ્તબદ્ધ પ્રયાસો અને AESL દ્વારા પૂરા પાડવામાં આવેલા મજબૂત શૈક્ષણિક સમર્થનને આભારી છે.
વિદ્યાર્થીઓએ જણાવ્યું હતું કે, "અમારી તૈયારીની સમગ્ર સફર દરમિયાન આકાશ (AESL) તરફથી મળેલા સતત માર્ગદર્શન, એકેડમિક સપોર્ટ અને મેન્ટરશિપ માટે અમે અત્યંત આભારી છીએ. અહીંના સ્ટડી મટિરિયલ, ક્લાસરૂમ સેશન્સ, મોક ટેસ્ટ અને નિયમિત મૂલ્યાંકન ના કારણે અમને કન્સેપ્ટ્સ મજબૂત કરવામાં અને અમારું પ્રદર્શન સુધારવામાં ઘણી મદદ મળી. અમારા શિક્ષકો અને માતાપિતાના સમર્થન વિના આ સિદ્ધિ શક્ય ન હોત.
આકાશ એજ્યુકેશનલ સર્વિસીસ લિમિટેડના ચીફ એકેડેમિક એન્ડ બિઝનેસ હેડ ડૉ. એચ. આર. રાવે જણાવ્યું હતું કે, JEE એડવાન્સ્ડ 2026માં અમારા વિદ્યાર્થીઓના ઉત્કૃષ્ટ પ્રદર્શન બદલ અમે અત્યંત ગર્વ અનુભવીએ છીએ. તેમની આ સફળતા અતૂટ સમર્પણ, શિસ્તબદ્ધ તૈયારી અને શ્રેષ્ઠ દેખાવ કરવાની તીવ્ર ઈચ્છાનું પરિણામ છે. AESL ખાતે, અમે પ્રતિભાઓને નિખારવા અને વિદ્યાર્થીઓને તેમની શૈક્ષણિક આકાંક્ષાઓ સિદ્ધ કરવા સક્ષમ બનાવવા માટે હંમેશા કટિબદ્ધ છીએ. સફળ થયેલા તમામ ઉમેદવારોને તેઓ જ્યારે તેમના શૈક્ષણિક સફરના આગામી પ્રકરણની શરૂઆત કરવા જઈ રહ્યા છે, ત્યારે અમે ઉજ્જવળ ભવિષ્યની શુભેચ્છાઓ પાઠવીએ છીએ.
JEE એડવાન્સ્ડ એ દેશની પ્રતિષ્ઠિત ઇન્ડિયન ઇન્સ્ટિટ્યૂટ્સ ઑફ ટેક્નોલોજી (IITs)માં પ્રવેશ મેળવવાનો મુખ્ય માર્ગ છે અને તેને વિશ્વની સૌથી પડકારજનક એન્જિનિયરિંગ પ્રવેશ પરીક્ષાઓમાંની એક માનવામાં આવે છે. વિદ્યાર્થીઓ JEE મેઈન પાસ કર્યા પછી જ JEE એડવાન્સ્ડ માટે પાત્ર બને છે અને દેશભરની IITs તેમજ અન્ય અગ્રણી એન્જિનિયરિંગ સંસ્થાઓમાં પ્રવેશ મેળવવા માટે આકરી સ્પર્ધા કરે છે.
