અમદાવાદઃ સરદાર વલ્લભભાઈ પટેલ ઈન્ટરનેશનલ એરપોર્ટ પરથી એરલાઈન કાર્ગો શિપમેન્ટ દ્વારા અમદાવાદથી બેંગલુરુ લઈ જવામાં આવી રહેલા ₹2.58 કરોડના સોનાના દાગીનાવાળા પાર્સલના ગુમ થવાના સંદર્ભમાં એરપોર્ટ પોલીસે એરલાઈન સિક્યુરિટી મેનેજર સહિત પાંચ લોકોની ધરપકડ કરી હતી.
 
પોલીસસૂત્રોના જણાવ્યા અનુસાર, સોનાનો જથ્થો ટાઇટન કંપનીનો હતો અને તેને અકાસા એર કાર્ગો  દ્વારા બેંગલુરુ પહોંચાડવાનો હતો. 18 એપ્રિલની વહેલી સવારે, એરપોર્ટ પર કાર્ગો એક્સ-રે ગેટ નંબર 4 પર કુલ સાત દાગીનાના પાર્સલ સોંપવામાં આવ્યા હતા.

શિપમેન્ટ બેંગલુરુ પહોંચ્યા પછી, અધિકારીઓને ખબર પડી કે લગભગ 2.107 કિલો વજનના સોનાના દાગીના ધરાવતા પાર્સલમાંથી એક ગુમ હતું. ગુમ થયેલા માલની કિંમત ₹2.58 કરોડ હોવાનો અંદાજ તે સમયે વ્યક્ત કરવામાં આવ્યો હતો. 

શિપમેન્ટ બેંગલુરુ પહોંચ્યા પછી, અધિકારીઓને ખબર પડી કે લગભગ 2.107 કિલો વજનના સોનાના દાગીનાવાળા પાર્સલમાંથી એક ગુમ થયું છે. ગુમ થયેલા કન્સાઇનમેન્ટની કિંમત ₹2.58 કરોડ આંકવામાં આવી હતી.

તપાસ બાદ, એરપોર્ટ પોલીસે પાંચ આરોપીઓની ધરપકડ કરી, જેમાં ઝૈદ નામના એરલાઇન સિક્યુરિટી મેનેજર, રવિ નામના રિસિવર અને કથિત માસ્ટરમાઇન્ડ, અને સુલતાનનો સમાવેશ થાય છે. પોલીસે આ કેસમાં આરોપી તરીકે એક સોનીકામ કરતા યોગેશની પણ ઓળખ કરી છે, જે હાલમા ફરાર છે. 

અધિકારીઓએ જણાવ્યું હતું કે કાર્ગો કન્સાઇન્મેન્ટની હિલચાલની વિગતવાર તપાસ બાદ આરોપીઓને શોધી કાઢવામાં આવ્યા હતા અને તેમની ધરપકડ કરવામાં આવી હતી. જોકે, પોલીસે હજુ સુધી કથિત ચોરી પાછળનો ચોક્કસ હેતુ જાહેર કર્યો નથી, અને વધુ તપાસ ચાલી રહી હોવાની માહિતી સૂત્રોએ આપી હતી.