ગાંધીનગરઃ સ્વતંત્રતા દિવસ-2026 નિમિત્તે કેન્દ્ર સરકાર દ્વારા પોલીસ સેવામાં લાંબા સમયની ઉત્કૃષ્ટ અને વિશિષ્ટ કામગીરી બદલ અપાતા 'પ્રેસિડેન્ટ્સ મેડલ ફોર ડિસ્ટિંગ્વિશ્ડ સર્વિસ' ની જાહેરાત કરવામાં આવી હતી. આ યાદીમાં ગુજરાતના કુલ 19 પોલીસ અધિકારીઓ અને કર્મચારીઓની પસંદગી થઈ હતી. જેમાં એક એડિશનલ ડિરેક્ટર જનરલ, એક ડેપ્યુટી સુપરિન્ટેન્ડેન્ટ ઓફ પોલીસ, એક પોલીસ ઇન્સ્પેક્ટર, બે આર્મ્ડ પીએસઆઈ તથા અન્ય સબ ઇન્સ્પેક્ટર, આસિસ્ટન્ટ સબ ઇન્સ્પેક્ટર અને હેડ કોન્સ્ટેબલનો સમાવેશ થાય છે. અમિતકુમાર કિશોર વિશ્વકર્મા અને બહાદુરસિંહ ચુડાસમાને વિશિષ્ટ સેવા મેડલ મળશે.
પોલીસ અધિકારી-કર્મચારીઓનું લિસ્ટ
- અમિતકુમાર કિશોર વિશ્વકર્માઃ એડિશનલ ડિરેકટર જનરલ
- બહાદુરસિંહ અભેસિંહ ચુડાસમાઃ ડેપ્યુટી સુપ્રિન્ટેન્ડેન્ટ ઓફ પોલીસ
- સૌરભ દૌલલ તોલુમ્બિયાઃ ઈન્સ્પેક્ટર જનલ
- કનૈયા લક્ષ્મણભાઈ વાઘેલાઃ ડેપ્યુટી સુપ્રિન્ટેન્ડેન્ટ ઓફ પોલીસ
- બાબાભાઈ રામજીભાઈ કોળીઃ ઈન્સ્પેક્ટર
- બલવંતસિંહજી મોતીસિંહજી સોલંકીઃ આર્મ્ડ પોલીસ સબ ઈન્સ્પેક્ટર
- દિલીપસિંહ કીર્તિસિંહ રાણાઃ આસિસ્ટન્ટ સબ ઈન્સ્પેક્ટર
- સંદીપ મહેન્દ્રભાઈ પટેલઃ સબ ઈન્સ્પેક્ટર
- જયસિંહ ઘનશ્યામસિંહ રાજઃ સબ ઈન્સ્પેક્ટર
- દિનેશકુમાર મણીભાઈ પટેલઃ સબ ઈન્સ્પેક્ટર
- અનિલ શિવરામન નાયરઃ સબ ઈન્સ્પેક્ટર
- નાનજી તારશીભાઈ અઘેરાઃ આર્મ્ડ પોલીસ સબ ઈન્સ્પેક્ટર
- સબ્બીરખાન કરીમખાન ઠેબાઃ આસિસ્ટન્ટ સબ ઈન્સ્પેક્ટર
- અજય પ્રહલાજભાઈ ઓઝાઃ હેડ કોન્સ્ટેબલ
- તરુણસિંહ ગણપતસિંહ સોલંકીઃ હેડ કોન્સ્ટેબલ
- ઉત્તમસિંહ ગુણવંતસિંહ ઝાલાઃ સબ ઈન્સ્પેક્ટર
- રાજેશુકમાર કરશનભાઈ મીરઃ હેડ કોન્સ્ટેબલ
- ભરતસિંહ નટવરસિંહ વાઘેલાઃ સબ ઈન્સ્પેક્ટર
- કલ્પેશકુમાર સોમાભાઈ દેસાઈઃ આસિસ્ટન્ટ સબ ઈન્સ્પેક્ટર
ઉલ્લેખનીય છે કે, સ્વાતંત્ર્ય દિવસ, 2026 ના અવસરે પોલીસ, ફાયર, હોમ ગાર્ડ અને સિવિલ ડિફેન્સ (HG&CD) અને કરેક્શનલ સર્વિસના કુલ 1057 કર્મચારીઓને શૌર્ય અને સેવા પદકો એનાયત કરવામાં આવ્યા છે. મેડલ ફોર ગેલન્ટ્રીએ સંબંધિત અધિકારીની ફરજો અને જવાબદારીઓને ધ્યાનમાં રાખીને, જીવન અને સંપત્તિ બચાવવામાં અથવા આતંકવાદ/ગુનાને રોકવામાં કે ગુનેગારોની ધરપકડ કરવામાં અસાધારણ સાહસિક કાર્ય કરવા બદલ એનાયત કરવામાં આવે છે. કુલ 301 'મેડલ ફોર ગેલન્ટ્રી'એનાયત કરવામાં આવ્યા છે. 301 મેડલ ફોર ગેલન્ટ્રીમાંથી, અનુક્રમે 272 પોલીસ કર્મચારીઓને અને 29 ફાયર સર્વિસ કર્મચારીઓને GM એનાયત કરવામાં આવ્યા છે.
સેવા પદકો
વિશિષ્ટ સેવા માટેનો રાષ્ટ્રપતિ પદક - 'પ્રેસિડેન્ટ્સ મેડલ ફોર ડિસ્ટિંગ્વિશ્ડ સર્વિસ' (PSM) સેવામાં ખાસ વિશિષ્ટ રેકોર્ડ માટે એનાયત કરવામાં આવે છે અને કમાઉ સેવા માટેનો પદક - 'મેડલ ફોર મેરિટોરિયસ સર્વિસ' (MSM) સાધનસંપન્નતા અને ફરજ પ્રત્યેની નિષ્ઠાથી લાક્ષણિક મૂલ્યવાન સેવા માટે એનાયત કરવામાં આવે છે.
કુલ 92 પ્રેસિડેન્ટ્સ મેડલ ફોર ડિસ્ટિંગ્વિશ્ડ સર્વિસ (PSM) એનાયત કરવામાં આવ્યા છે. 92 PSM માંથી 83 પોલીસ સેવાને, 04 ફાયર સેવાને, 03 સિવિલ ડિફેન્સ અને હોમ ગાર્ડ સેવાને તથા 02 કરેક્શનલ સેવાને એનાયત કરવામાં આવ્યા છે.
કુલ 664 મેડલ ફોર મેરિટોરિયસ સર્વિસ (MSM) એનાયત કરવામાં આવ્યા છે. 664 MSM માંથી 606 પોલીસ સેવાને, 28 ફાયર સેવાને, 18 સિવિલ ડિફેન્સ અને હોમ ગાર્ડ સેવાને તથા 12 કરેક્શનલ સેવાને એનાયત કરવામાં આવ્યા છે.
