દમ્બુલાઃ 15 વર્ષના ટેણિયા વૈભવ સૂર્યવંશીને આપણે અત્યાર સુધી ધમાકેદાર બૅટિંગમાં છગ્ગા-ચોગ્ગા ફટકારતો જ જોયો છે અને મોટા ભાગના લોકોને માત્ર તેની આતશબાજી જોવામાં જ રસ હશે, પણ બુધવારે અહીં તેણે પોતાનો કૅચ ઝીલનાર અફઘાનિસ્તાન-એના ખેલાડી ખાલિદ તાનિવાલનો કૅચ ઝીલીને તેને વળતો જવાબ આપ્યો એ કાબિલે-દાદ છે.
THE STARBOY DELIVERS 🌟
— Sony Sports Network (@SonySportsNetwk) June 17, 2026
Vaibhav Sooryavanshi takes a stunning catch to send Khalid Taniwal packing 🤩
Watch #INDvAFG in the #TalentTVCup, LIVE NOW, on Sony Sports Network TV channels & Sony LIV.
#SonySportsNetwork #SonyLIV #TeamIndia pic.twitter.com/mOBaqJvqEK
વૈભવ (Vaibhav) `એ' ગ્રેડનો ટી-20 બૅટ્સમૅન હોવા ઉપરાંત સારો ફીલ્ડર પણ છે એવું તો અત્યારથી કહેવું વહેલું કહેવાશે, પણ તેણે ખાલિદનો જે રીતે કૅચ ઝીલ્યો એના પરથી લાગે છે કે તે ફીલ્ડિંગમાં પણ તે ગજબની દૃઢતા બતાવી શકે છે.
ભારતની ઇનિંગ્સમાં વૈભવ 38 રન બનાવીને આઉટ થઈ ગયો હતો. તેણે આઇપીએલ જેવી ધમાકેદાર બૅટિંગ ન કરીને ફરી એક વખત નિરાશ કર્યા, પણ તેના અફલાતૂન કૅચ (Catch) અનેકના દિલ ખુશ કરી દીધા હશે.
India have sealed the ODI series against Afghanistan 2️⃣-0️⃣ with a game to spare 🇮🇳🇦🇫🏏#INDvsAFG #ShubmanGill #IndianCricket #ODI #Cricket pic.twitter.com/x1MQW1mCHd
— InsideSport (@InsideSportIND) June 17, 2026
વનડાઉન બૅટ્સમૅન 13 રન પર હતો ત્યારે પેસ બોલર અંશુલ કંબોજના બૉલને ફ્લિક કરીને શૉર્ટ મિડ-વિકેટ તરફ મોકલ્યો હતો જ્યાં વૈભવ ઊભો હતો. પહેલી નજરે તો લાગ્યું કે બૉલ વૈભવના માથા પરથી પસાર થઈ જશે. જોકે આ ટીનેજર ઊંચો કૂદકો માર્યો હતો. તે પ્રથમ પ્રયાસમાં કૅચ નહોતો ઝીલી શક્યો, પણ બીજી જ ક્ષણે તે પાછળ ફર્યો હતો અને બૉલ નીચે પડે એ પહેલાં તેણે બીજા પ્રયાસમાં ફુલ સ્ટ્રેચ ડાઇવમાં બૉલ જમણા હાથે આબાદ ઝીલીને સૌને ચોંકાવી દીધા હતા.
