વડોદરા: ગુજરાતમાં એક તરફ વરસાદી માહોલ જામ્યો છે. તો બીજી તરફ વડોદરામાં તંત્રની મોટી ભૂલના લીધે દાદી અને પૌત્રી ડ્રેનેજ લાઈન નાખવા માટે ખોદવામાં આવેલા ખાડામાં પડ્યા હતા. આ દુર્ઘટના પાદરા- જાસપુર ચોકડી પાસે ઘટી હતી. આ અંગેના સીસીટીવી ફૂટેજ પણ સોશિયલ મીડિયા પર વાયરલ થયા છે.
દાદી અને પૌત્રી બચાવ્યા હતા
જોકે, આ ઘટનાની જાણ આસપાસના લોકોને થતાં તેમણે તાત્કાલીક સહાય કરીને દાદી અને પૌત્રી બચાવ્યા હતા. જો, સમયસર બચાવવામાં ન આવ્યા હોત તો મોટી ઘટના સર્જાઇ હોત. આ સમગ્ર ઘટના સીસીટીવી ફૂટેજ પ્રકાશમાં આવ્યા છે.
Vadodara - A woman and her daughter fell into a rain-filled pothole on Jashpur Road in Padra, Vadodara district, after heavy rain left the stretch waterlogged. CCTV footage of the incident has come to light. The pit was hidden under standing rainwater, making it difficult to… pic.twitter.com/O4qqxPTsVz
— NextMinute News (@nextminutenews7) September 14, 2026
તંત્ર દ્વારા ખાડાનું યોગ્ય પુરાણ કરવામાં આવ્યું ન હતું
આ અંગે મળતી માહિતી મુજબ વડોદરા જિલ્લાના પાદરા-જાસપુર ચોકડી પાસે નવીન ડ્રેનેજ લાઈન નાખવાની કામગીરી ચાલી રહી છે. આ કામગીરી માટે રસ્તા પાસે ખાડો ખોદવામાં આવ્યો હતો. પરંતુ તંત્ર દ્વારા ખાડાનું યોગ્ય પુરાણ કરવામાં આવ્યું ન હતું. તેમજ તે સ્થળ પર પાણી ભરાયું હતું. તેમજ આ પાણીમાંથી પસાર થઈ રહેલી દાદી અને પૌત્રીને આ ખાડાનો અંદાજ ન આવતા બંને તેમાં ખાબકયા હતા.
તંત્રની કામગીરી સામે અનેક સવાલો
જોકે, આ ઘટના બાદ તંત્રની કામગીરી સામે અનેક સવાલો ઉભા થયા છે. જેમાં તંત્ર દ્વારા ડ્રેનેજ કામગીરી બાદ રાખેલી બેદરકારી છતી થઇ છે. તેમજ આ કામગીરીમાં રહેલી ભૂલની જવાબદારી કોની છે તે અંગે પણ સવાલ ઉભા થયા છે.
