લખનઉ: ઉત્તર પ્રદેશમાં સમાજવાદી પાર્ટીના અધ્યક્ષ અખિલેશ યાદવે  પત્રકાર પરિષદમાં મુખ્યમંત્રી યોગી આદિત્યનાથ પર પ્રહાર કર્યા છે. તેમણે કહ્યું છે કે તેમના વસ્ત્રો આપણને છેતરે છે. ગીતામાં કહેવામાં આવ્યું છે લોકોએ માયામાં રહીને માયાથી દૂર રહે અને બીજા દુ:ખને સમજે તે યોગી છે. ગુરુનાનક જીએ કહ્યું છે કે વસ્ત્ર પહેરીને કાન વીંધાવી લેવાથી કોઇ યોગી નથી થતું  

શંકરાચાર્ય જેવા પૂજ્ય સંતો પર પાયાવિહોણા આરોપો 

અખિલેશ યાદવે શંકરાચાર્ય પર લાગેલા આરોપ પર પણ જણાવ્યું હતું કે, તેમણે જણાવ્યું કે  કેટલાક લોકો હવે અંધારામાં વીસ વર્ષ જૂની ફિલ્મો જોઈ રહ્યા છે અને શંકરાચાર્ય જેવા પૂજ્ય સંતો પર પાયાવિહોણા આરોપો લગાવી રહ્યા છે.

ગોરખપુરમાં કૌભાંડો ચાલી રહ્યા છે

અખિલેશ યાદવે જણાવ્યું કે  રામભદ્રાચાર્ય વિશે વાત ન કરવી જોઈએ પરંતુ અમારી સરકારે તેમના વિરુદ્ધ છેતરપિંડીનો કેસ પાછો ખેંચી લીધો છે. મુખ્યમંત્રી યોગી આદિત્યનાથના વિદેશ પ્રવાસ અંગે તેમણે કહ્યું કે તેઓ  જાપાન જઈ રહ્યા છે ક્યોટો નહીં. અખિલેશ યાદવે કહ્યું કે  ગોરખપુરમાં 19 લોકોએ પોતાની દૃષ્ટિ ગુમાવી છે. ગોરખપુરમાં કૌભાંડો ચાલી રહ્યા છે. અમારી ફરી એક ઓફર છે.100 ધારાસભ્યોને લાવો અને 
મુખ્યમંત્રી બનો. 

રાહુલ ગાંધી અને અમારું ઘર છીનવી લેવાયુ  છે 

અખિલેશે આગળ કહ્યું, "રાહુલ ગાંધીની એસપીજી સુરક્ષા  હટાવી લેવામાં આવી  અને તેમનું ઘર છીનવી લેવામાં આવ્યું. અમારું ઘર પણ છીનવી લેવામાં આવ્યું. આનાથી અમે  નબળા નથી પડ્યા પરંતુ તેઓ મજબૂત બની રહ્યા છે.તેમણે કહ્યું કે ભાજપના સભ્યો ક્યારેય ગાયને પહેલી રોટલી ખવડાવતા નથી. તેઓ પહેલા પોતે જ ખાય છે.